Andi da di möön fanöudu soni da mi?

Jakopu bi hasuwa ku wan ëngëli u wan fanöudu soni hedi. Hën da di mbei di Jehovah bi musu mbei a feni gaan bunu (Ke 32:24-31; Ho 12:3, 4). Ma unfa a dë ku u? U dë kabakaba u mbei taanga möiti u ta piki Jehovah buka u, söseei faa sa mbei u feni gaan bunu ö? Boo taa ee u musu go a komakandi nasö u musu wooko pasa juu da di basi fuu, nöö undi u de u bi o du? Te u ta da Jehovah gaansë u di ten fuu, di kaakiti fuu, ku woto soni di u abi, nöö a ta mbei u feni ’gaan bunu sö tee taa wa ta makei na wan soni’ (Mal 3:10). A o tii u, söseei a o tjubi u, nöö a o da u dee soni dee u abi fanöudu.​—Mt 6:33; Heb 13:5.

LUKU DI FËLÖN I MUSU TA BUTA PAKISEI A DEE SONI DEE I KË DU A DI DINI U JEHOVAH, NÖÖ BAKA DI DË, PIKI DEE HAKISI AKI:

• 

  Unfa di soni di di sisa bi lobi bi ko dë wan tesi dëën?

• 

  Unfa di basi fuu sa dë wan tesi da u?

• 

  Faandi mbei Timoteo bi musu ta buta maaka da hënseei hii fa a bi taanga a di biibi kaa?​—1Ti 4:16

• 

  Unfa u sa mbei a dë u si a di libi fuu „un wooko da di möön fanöudu wooko” da u?