I sa peleiki da sëmbë, söseei i sa lei de soni!

Bigibigi Mosesi bi ta si kuma an bi o sa du di wooko di Jehovah bi dëën (Ëki 4:10, 13). I bi fii sö wan daka u? Dee Jehovah Kotoigi ta ko lei i soni u Bëibel ö? I ta hakisi iseei ee joo sa go peleiki a sëmbë pisi wan daka u? Nasö i dë wan njönkuwan di ta fëëë u peleiki da wotowan a siköö. Nasö kandë i ta fëëë u peleiki ku tëlëfön nasö u go peleiki ka hia sëmbë ta waka pasa. Begi Jehovah faa da i di santa jeje fëën (1Pe 4:11). I musu abi di futoou taa a sa heepi i fii du hiniwan wooko di a da i fii du.​—Ëki 4:11, 12.

LUKU DI FËLÖN DË WAN PELEIKIMA DI TA DA WOTOWAN DEGIHATI, BAKA DI DË, NÖÖ PIKI DEE HAKISI AKI:

• Un bookohedi sisa Aoyama bi abi?

• Naasë a bi ta feni taanga ku degihati?​—Jel 20:7-9

• Un wini a bi feni u di a bi ta du möön soni a di dini u Jehovah?

• Ku un soni di ta miti i a di peleikiwooko Jehovah sa heepi i?