Soni u Bëibel di u lo’ u lei sëmbë

Jesosi bi taki taa te limbohati sëmbë jei soni u di tuutuu lei, nöö de o sabi wante taa di tuutuu lei hën di dë (Joh. 10:4, 27). Fëën mbei hii juu te u ta fan ku sëmbë, nöö u kë konda soni u Bëibel da de a wan fasi di an o taanga u fusutan. Pooba u bigi fan ku wan sëmbë te joo hakisi ën soni a dee lö fasi aki: „I bi sabi taa . . . ?” nasö „I bi jei wan daka kaa taa . . . ?” Baka di dë, nöö i sa taki u wan Bëibel tëkisi di nama ku di soni di i kë lei di sëmbë. Te u konda soni u Bëibel da wan sëmbë a di lö fasi aki, nöö a dë kuma u paandi wan soni sii nëën hati, nöö Gadu sa mbei di sii dë göö!​—1 Kol. 3:6, 7.

• Di ten di ta ko

• Wosudendu libi

• Gadu

• Begi

• Jesosi

• Könuköndë u Gadu

• Pena ku fuka

• Dëdë

• Biibi

DI TEN DI TA KO

1. 1. Dee soni dee ta pasa nöunöu ku di fasi fa sëmbë ta libi ta lei taa gaan soni o tooka abiti möön. ​—Mat. 24:3, 7, 8; Luk. 21:10, 11; 2 Tim. 3:1-5.

2. 2. Nöiti di goonliba o booko kaba a sösö.​—Ps. 104:5; Peleik. 1:4.

3. 3. Di goonliba o ko bunu baka, nöö a o toon wan paladëisi.​—Jes. 35:1, 2; Ako. 11:18.

4. 4. Hii sëmbë o dë gösöntu te dou.​—Jes. 33:24; 35:5, 6.

5. 5. Joo sa libi u teego a goonliba aki.​—Ps. 37:29; Mat. 5:5.

WOSUDENDU LIBI

1. 6. Wan womi musu „lobi ën mujëë kuma hënseei sinkii.”​—Ef. 5:33; Kol. 3:19.

2. 7. Wan mujëë musu abi gaan lesipeki da hën manu.​—Ef. 5:33; Kol. 3:18.

3. 8. Womi ku mujëë di toou an musu go disa deseei.​—Mal. 2:16; Mat. 19:4-6, 9; Heb. 13:4.

4. 9. Soni o waka bunu da miii di ta lesipeki de mama ku de tata.​—Nöng. 1:8, 9; Ef. 6:1-3.

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

GADU

1. 10. Gadu abi wan në.​—Ps. 83:18; Jel. 10:10.

2. 11. Gadu ta fan ku u.​—2 Tim. 3:16, 17; 2 Pet. 1:20, 21.

3. 12. Gadu ta du soni a wan leti fasi, nöö an ta luku fesi.​—Deto. 10:17; Tjab. 10:34, 35.

4. 13. Gadu kë heepi u.​—Ps. 46:1; 145:18, 19.

BEGI

1. 14. Gadu kë fuu ta begi ën. ​—Ps. 62:8; 65:2; 1 Pet. 5:7.

2. 15. Di Bëibel ta lei u unfa u musu begi.​—Mat. 6:7-13; Luk. 11:1-4.

3. 16. U musu ta begi hii juu.​—Mat. 7:7, 8; 1 Tes. 5:17.

JESOSI

1. 17. Jesosi bi dë wan bunu mësitë, nöö dee köni lai dee a bi da ta heepi u a di ten aki jeti.​—Mat. 6:14, 15, 34; 7:12.

2. 18. Jesosi bi taki a fesi u soni di ta pasa a di ten aki.​—Mat. 24:3, 7, 8, 14; Luk. 21:10, 11.

3. 19. Jesosi da di Womi Mii u Gadu.​—Mat. 16:16; Joh. 3:16; 1 Joh. 4:15.

4. 20. Jesosi an dë di makiti Gadu u mundu.​—Joh. 14:28; 1 Kol. 11:3.

Based on NASA/Visible Earth imagery

KÖNUKÖNDË U GADU

1. 21. Di Könuköndë u Gadu da wan tii di dë a liba ala.​—Dan. 2:44; 7:13, 14; Mat. 6:9, 10; Ako. 11:15.

2. 22. Di Könuköndë u Gadu o tii a dee tii u goonliba aki kamian. ​—Ps. 2:7-9; Dan. 2:44.

3. 23. Di Könuköndë wanwan nöö sa puu dee fuka di libisëmbë abi. ​—Ps. 37:10, 11; 46:9; Jes. 65:21-23.

PENA KU FUKA

1. 24. Na Gadu hën ta mbei u ta tja fuka.​—Deto. 32:4; Jak. 1:13.

2. 25. Satan ta tii di goonliba.​—Luk. 4:5, 6; 1 Joh. 5:19.

3. 26. Gadu ta si te i ta tja fuka, nöö a kë heepi i.​—Ps. 34:17-19; Jes. 41:10, 13.

4. 27. Abiti möön Gadu o puu pena ku fuka a goonliba.​—Jes. 65:17; Ako. 21:3, 4.

DËDË

1. 28. Sëmbë di dëdë an sabi na wan soni, nöö de an ta tja fuka.​—Peleik. 9:5; Joh. 11:11-14.

2. 29. Dëdë sëmbë an sa heepi u, nöö de an sa du hogi ku u tu. ​—Ps. 146:4; Peleik. 9:6, 10.

3. 30. Dee sëmbë fuu dee dëdë o weki ko a libi baka.​—Jöpu 14:13-15; Joh. 5:28, 29; Tjab. 24:15.

4. 31. „Dëdë an o dë möön.”​—Ako. 21:3, 4; Jes. 25:8.

BIIBI

1. 32. Na hii pei biibi Gadu ta feni u bunu.​—Jel. 7:11; Mat. 7:13, 14, 21-23.

2. 33. Gadu buuse bödjëë libi.​—Jes. 29:13; Mik. 3:11; Maik. 7:6-8.

3. 34. Sëmbë di dë a di tuutuu biibi lobi de na de.​—Mik. 4:3; Joh. 13:34, 35.