Dee hakisi u Dee woto u di Bëibel

Woto 1

Gadu ta bigi mbei soni

1. Naasë hii bunu soni kumutu? I sa kai wan soni ö?

2. Andi da di fosu soni di Gadu mbei?

3. Faandi mbei di fosu engel bi dë wan apaiti wan?

4. Konda fa di goonliba bi dë a di bigi. (Luku di peentje.)

5. Unfa Gadu bi bigi seeka di goonliba da mbeti ku libisëmbë?

Woto hakisi möön:

1. Lesi Jelemia 10:12.

   Un fasi u Gadu ta ko a limbo te u luku dee soni a mbei? (Jes. 40:26; Lom. 11:33)

2. Lesi Kolosën 1:15-17.

   Un pisi Jesosi abi a dee soni Gadu mbei, nöö un kaakiti di soni dë musu abi a u liba? (Kol. 1:15-17)

3. Lesi Kenesesi 1:1-10.

   1. Unfa goonliba du ko? (Ken. 1:1)

   2. Andi bi pasa a di fosu daka di Gadu bigi mbei soni? (Ken. 1:3-5)

   3. Konda andi bi pasa a di u tu daka di Gadu mbei soni. (Ken. 1:7, 8)

Woto 2

Wan gaan hanse djai

1. Unfa Gadu bi seeka di goonliba da u?

2. Konda andi da dee peipei mbeti di Gadu mbei. (Luku di peentje.)

3. Faandi mbei di djai u Eden bi dë wan apaiti djai?

4. Andi Gadu bi kë u hii di goonliba toon?

Woto hakisi möön:

1. Lesi Kenesesi 1:11-25.

   1. Andi Gadu mbei a di u dii daka? (Ken. 1:12)

   2. Andi bi pasa a di u fö daka di Gadu mbei soni? (Ken. 1:16)

   3. Un pei mbeti Gadu mbei a di u feifi ku di u sikisi daka? (Ken. 1:20, 21, 25)

2. Lesi Kenesesi 2:8, 9.

   Andi da dee tu apaiti pau Gadu bi buta a di djai, nöö andi de bi kë taki?

Woto 3

Di fosu womi ku di fosu mujëë

1. Unfa di peentje u Woto 3 tooka ku di u Woto 2?

2. Ambë mbei di fosu womi, nöö unfa de bi ta kai ën?

3. Un wooko Gadu bi da Adam u du?

4. Faandi mbei Gadu mbei Adam duumi wan gaan duumi?

5. Un longi Adam ku Eva bi o sa libi, nöö un pei wooko Jehovah bi kë taa de musu du?

Woto hakisi möön:

1. Lesi Psalöm 83:18.

   Andi da di në u Gadu, nöö unfa a hei tjika? (Jel. 16:21; Dan. 4:17)

2. Lesi Kenesesi 1:26-31.

   1. Andi da di apaiti soni di Gadu mbei a di u sikisi daka, nöö unfa di soni dë bi tooka u dee mbeti? (Ken. 1:26)

   2. Andi Gadu bi seti da libisëmbë ku mbeti tuu? (Ken. 1:30)

3. Lesi Kenesesi 2:7-25.

   1. Andi Adam bi musu du faa bi sa da dee mbeti wan në? (Ken. 2:19)

   2. Unfa Kenesesi 2:24 ta heepi u fuu fusutan fa Jehovah ta feni ën te sëmbë ta toou, ta paati, nasö booko toou? (Mat. 19:4-6, 9)

Woto 4

Di soni mbei de lasi di tankamian u de

1. Andi ta pasa ku Adam ku Eva te i luku di peentje?

2. Faandi mbei Jehovah bi sitaafu de?

3. Andi wan sindeki bi piki Eva?

4. Ambë bi mbei di sindeki fan ku Eva?

5. Faandi mbei Adam ku Eva lasi di Paladëisi?

Woto hakisi möön:

1. Lesi Kenesesi 2:16, 17 ku 3:1-13, 24.

   1. Unfa di soni di sindeki bi taki da Eva ta poi Jehovah në? (Ken. 3:1-5; 1 Joh. 5:3)

   2. Andi u musu lei u di soni di pasa ku Eva? (Fil. 4:8; Jak. 1:14, 15; 1 Joh. 2:16)

   3. Unfa Adam ku Eva puu de seei a dendu di de mbei wan föutu? (Ken. 3:12, 13)

   4. Unfa dee kelupi-engel dee bi dë a di së u sonu kumutu a di djai u Eden, bi ta hoi baka da di leti di Jehovah abi u tii? (Ken. 3:24)

2. Lesi Akoalimbo 12:9.

   Unfa Saatan kisi libisëmbë tjika u de bia baka da di tii u Gadu? (1 Joh. 5:19)

Woto 5

Wan taanga libi bigi

1. Unfa di libi bi dë da Adam ku Eva a döösë u di djai u Eden?

2. Andi bi bigi pasa ku Adam ku Eva, nöö faandi mbei?

3. Faandi mbei dee mii u Adam ku Eva bi o ta gaandi ta dëdë?

4. Ee Adam ku Eva bi haika Gadu, nöö unfa di libi bi o dë da de ku dee mii u de?

5. Unfa di taangajesi u Eva tja pen ko dëën?

6. Unfa Adam ku Eva bi kai dee tu fosu womi mii u de?

7. Ambë da dee woto mii u di peentje?

Woto hakisi möön:

1. Lesi Kenesesi 3:16-23 ku 4:1, 2.

   1. Unfa di siba di Gadu siba di goon bi a’ kaakiti a di libi u Adam? (Ken. 3:17-19; Lom. 8:20, 22

   2. Faandi mbei di në Eva, di kë taki „Libiwan”, bi fiti ën? (Ken. 3:20)

   3. Unfa Jehovah bi buta mëni a Adam ku Eva hii fa de bi du zöndu? (Ken. 3:7, 21)

2. Lesi Akoalimbo 21:3, 4.

   Un „awoo soni” ja kë si a wojo möön?

Woto 6

Wan bunuhati womi mii ku wan hogihati wan

1. Un pei wooko Kain ku Abeli tei ta du?

2. Un soni Kain ku Abeli tja go da Jehovah?

3. Faandi mbei Jehovah wai ku di soni u Abeli, ma an wai ku di u Kain?

4. Un pei sëmbë Kain dë, nöö unfa Jehovah pooba u heepi ën?

5. Andi Kain du di hën ku ën baaa bi dë de wanwan a bakasë?

6. Konda andi pasa ku Kain baka di a kii hën baaa.

Woto hakisi möön:

1. Lesi Kenesesi 4:2-26.

   1. Andi Jehovah taki taa bi o pasa ku Kain? (Ken. 4:7)

   2. Unfa Kain bi lei andi dë nëën hati tuutuu? (Ken. 4:9)

   3. Unfa Jehovah ta si ën te sëmbë kii wotowan di an du na wan hogi? (Ken. 4:10; Jes. 26:21)

2. Lesi 1 Johanisi 3:11, 12.

   1. Andi mbei Kain hati boonu seei, nöö andi u ta lei u di soni dë a di ten aki? (Ken. 4:4, 5; Nöng. 14:30; 28:22)

   2. Unfa di Bëibel ta lei taa u sa hoi dou ee hii sëmbë u di wosudendu fuu seei an ta hoi baka da Jehovah? (Ps. 27:10; Mat. 10:21, 22)

3. Lesi Johanisi 11:25.

   Andi Jehovah djula taa a o da dee sëmbë dee dëdë u di de bi ta libi a wan leti fasi? (Joh. 5:24)

Woto 7

Wan womi di bi a’ degihati

1. Unfa Enöku bi tooka a dee woto sëmbë dendu?

2. Faandi mbei dee sëmbë u di ten u Enöku bi ta du hogi a goonliba sö?

3. Un hogi dee sëmbë bi ta du? (Luku di peentje.)

4. Faandi mbei Enöku bi musu a’ degihati?

5. Un longi sëmbë bi ta libi a di ten dë, ma un longi Enöku libi?

6. Andi pasa baka di Enöku dëdë?

Woto hakisi möön:

1. Lesi Kenesesi 5:21-24, 27.

   1. Un pei matifasi Enöku ku Jehovah bi abi? (Ken. 5:24)

   2. Ambë di Bëibel taki taa bi libi möön longi, nöö un mëni jaa a bi abi di a dëdë? (Ken. 5:27)

2. Lesi Kenesesi 6:5.

   Unfa di goonliba bi hogi tjika baka di Enöku dëdë, nöö unfa a djei di ten fuu aki? (2 Tim. 3:13)

3. Lesi Hebelejën 11:5.

   Un fasi u Enöku bi mbei taa „Gadu bi abi piizii ku ën te tjika”, nöö un bakapisi a bi tja ko? (Ken. 5:22)

4. Lesi Judasi 14, 15.

   Unfa Keesitu sëmbë a di ten aki sa abi di wan seei degihati kuma Enöku te de ta bai dee sëmbë a fesi taa di feti u Amagedon ta ko? (2 Tim. 4:2; Heb. 13:6)

Woto 8

Gaan langa womi a goonliba

1. Andi pasa di so u dee engel u Gadu haika Saatan?

2. Faandi mbei so u dee engel disa di wooko u de a liba ala ko a goonliba aki?

3. Faandi mbei an bi bunu taa dee engel ko a goonliba mbei libisëmbë sinkii da deseei?

4. Andi bi tooka a dee mii u dee engel?

5. Kumafa i ta si a di peentje, andi dee mii u dee engel du di de toon gaan langa womi?

6. Un bumbuu womi bi libi a goonliba aki baka Enöku, nöö faandi mbei Gadu bi lobi ën?

Woto hakisi möön:

1. Lesi Kenesesi 6:1-8.

   Unfa di fasi fa u ta tja useei sa a’ kaakiti a Jehovah liba, kumafa Kenesesi 6:6 ta lei u? (Ps. 78:40, 41; Nöng. 27:11)

2. Lesi Judasi 6.

   Andi u ta lei a di ten aki, te u luku a dee engel u di ten u Noa dee „an bi kë tan a dee kamian ka Gadu bi buta de”? (1 Kol. 3:5-9; 2 Pet. 2:4, 9, 10)

Woto 9

Noa ta mbei wan ark

1. Un mëni sëmbë bi dë a di wosudendu u Noa, nöö unfa de bi ta kai dee dii womi mii fëën?

2. Un apaiti soni Gadu bi hakisi Noa faa du, nöö faandi mbei?

3. Andi dee sëmbë dee bi ta libi a Noa bandja du di a konda soni u di ark da de?

4. Andi Gadu piki Noa faa du ku dee mbeti?

5. Andi Noa ku di wosudendu fëën bi musu du baka di Gadu tapa di döö u di ark?

Woto hakisi möön:

1. Lesi Kenesesi 6:9-22.

   1. Andi mbei Noa bi dë wan apaiti dinima u di tuu Gadu? (Ken. 6:9, 22)

   2. Unfa Jehovah ta feni ën te sëmbë ta du hogihati soni ku wotowan, nöö unfa di soni aki musu a’ kaakiti a u liba te u ta mbei piizii? (Ken. 6:11, 12; Ps. 11:5)

   3. Unfa u sa djeesi Noa te dee sëmbë Jehovah buta u tii di ölganisaasi fëën ta da u lai? (Ken. 6:22; 1 Joh. 5:3)

2. Lesi Kenesesi 7:1-9.

   Unfa u ta kisi taanga tide, te u luku taa Jehovah bi ta si di zöndu womi Noa kuma wan letilibi sëmbë? (Ken. 7:1; Nöng. 10:16; Jes. 26:7)

Woto 10

Di Gaan Wata

1. Faandi mbei na wan sëmbë bi sa go a di ark dendu baka di di tjuba bigi kai?

2. Un mëni ndeti ku didia Jehovah mbei di tjuba kai, nöö un hei di wata bi dou?

3. Andi bi pasa ku di ark di di wata bigi singi di goonliba?

4. Dee gaan langa womi bi pasa di Gaan wata libilibi ö? Nöö andi bi pasa ku dee tata u de?

5. Andi bi pasa ku di ark baka feifi liba?

6. Faandi mbei Noa disa wan baaka fou kumutu a di ark dendu?

7. Unfa Noa bi ko sabi taa di wata a goonliba bi saka?

8. Andi Gadu bi piki Noa baka di hën ku ën wosudendu bi dë a di ark dendu pasa wan jaa kaa?

Woto hakisi möön:

1. Lesi Kenesesi 7:10-24.

   1. Unfa di Gaan Wata bi kii hii libilibi soni a goonliba tjika? (Ken. 7:23)

   2. Un longi a bi tei u di Gaan Wata saka? (Ken. 7:24)

2. Lesi Kenesesi 8:1-17.

   Unfa Kenesesi 8:17 ta lei taa di soni Jehovah abi a pakisei da di goonliba, an tooka? (Ken. 1:22)

3. Lesi 1 Petuisi 3:19, 20.

   1. Unfa de kuutu dee taangajesi engel di de toona go baka a liba? (Jud. 6)

   2. Unfa di woto u Noa ku di wosudendu fëën ta taanga di biibi fuu taa Jehovah sa tjubi dee sëmbë fëën? (2 Pet. 2:9)

Woto 11

Di fosu mutjama

1. Kumafa i ta si a di peentje, andi da di fosu soni di Noa du di a kumutu a di ark dendu?

2. Un wëti Gadu da Noa ku hën wosudendu baka di Gaan Wata?

3. Andi Gadu paamusi libisëmbë?

4. Te u si wan mutjama, nöö andi u musu mëni baka?

Woto hakisi möön:

1. Lesi Kenesesi 8:18-22.

   1. Unfa u sa dë kuma „wan suti peesenti” da Jehovah a di ten aki? (Ken. 8:21; Heb. 13:15, 16)

   2. Andi Jehovah bi taki u di hati u libisëmbë, nöö ku un pei soni u musu luku bunu? (Ken. 8:21; Mat. 15:18, 19)

2. Lesi Kenesesi 9:9-17.

   1. Un buka Jehovah bi mbei ku hii libilibi soni a goonliba? (Ken. 9:10, 11)

   2. Un longi di mutjama paamusi o tan? (Ken. 9:16)

Woto 12

De ta mbei wan gaan hei wosu

1. Ambë Nimloti bi dë, nöö unfa Gadu bi ta pakisei fëën?

2. Faandi mbei dee sëmbë u di peentje ta mbei sitonu?

3. Faandi mbei Jehovah an bi ta wai ku di wosu de bi ta mbei dë?

4. Unfa Gadu tapa di mbei de bi ta mbei di gaan hei wosu?

5. Unfa de bi ta kai di köndë, nöö andi di në dë kë taki?

6. Andi pasa ku dee sëmbë baka di Gadu mbei de fan tookatooka töngö?

Woto hakisi möön:

1. Lesi Kenesesi 10:1, 8-10.

   Un pei fasi Nimloti bi abi, nöö ku andi u musu luku bunu? (Nöng. 3:31)

2. Lesi Kenesesi 11:1-9.

   Andi mbei de bi ta mbei di gaan hei wosu, nöö faandi mbei de an bi o sa kaba mbei di wosu kwetikweti? (Ken. 11:4; Nöng. 16:18; Joh. 5:44)

Woto 13

Abahamu bi dë wan mati u Gadu

1. Un pei sëmbë bi ta libi a di köndë de bi ta kai Uli?

2. Ambë da di womi a di peentje aki? Un ten de bi pai ën, nöö naasë a bi ta libi?

3. Andi Gadu bi piki Abahamu faa du?

4. Faandi mbei de bi ta kai Abahamu wan mati u Gadu?

5. Ambë ku ambë bi go ku Abahamu di a go kumutu a Uli?

6. Andi Gadu bi piki Abahamu di a dou a di köndë Kaana?

7. Andi Gadu bi paamusi Abahamu di a bi a’ 99 jaa?

Woto hakisi möön:

1. Lesi Kenesesi 11:27-32.

   1. Unfa Lotu ku Abahamu bi dë? (Ken. 11:27)

   2. Hii fa Teela hën bi kisi di gaandi taa a foloisi di wosudendu fëën go a Kaana, ma tökuseei unfa u du sabi taa Abahamu hën bi kë u de foloisi go a Kaana? Faandi mbei Abahamu bi du di soni dë? (Ken. 11:31; Tjab. 7:2-4)

2. Lesi Kenesesi 12:1-7.

   Andi Jehovah bi taki möön u di buka di a bi mbei ku Abahamu baka di Abahamu dou a di köndë Kaana? (Ken. 12:7)

3. Lesi Kenesesi 17:1-8, 15-17.

   1. Un në Abam bi kisi di a bi a’ 99 jaa, nöö faandi mbei? (Ken. 17:5)

   2. Un bunu Jehovah bi paamusi Sala taa a bi o feni? (Ken. 17:15, 16)

4. Lesi Kenesesi 18:9-19.

   1. Un wooko dee tata abi kumafa a sikifi a Kenesesi 18:19? (Deto. 6:6, 7; Ef. 6:4)

   2. Un soni di pasa ku Sala ta lei u taa wa sa tjubi na wan soni da Jehovah? (Ken. 18:12, 15; Ps. 44:21)

Woto 14

Gadu pooba Abahamu luku ee a a’ biibi tuutuu

1. Andi Gadu bi paamusi Abahamu, nöö unfa Gadu hoi ënseei a di paamusi fëën?

2. Unfa Gadu bi pooba Abahamu luku ee a a’ biibi, kumafa i ta si a di peentje?

3. Andi Abahamu bi du, hii fa an bi fusutan faandi mbei Jehovah hakisi ën di soni dë?

4. Andi bi pasa di Abahamu tei di faka u kii di womi mii fëën?

5. Unfa Abahamu bi a’ biibi a Gadu tjika?

6. Andi Jehovah bi da Abahamu faa kii tjuma dëën, nöö unfa Gadu bi du di soni dë?

Woto hakisi möön:

1. Lesi Kenesesi 21:1-7.

   Faandi mbei Abahamu bi koti di kakisa u di womi kamian u di womi mii fëën a di u aiti daka? (Ken. 17:10-12; 21:4)

2. Lesi Kenesesi 22:1-18.

   Unfa Isaki lei taa a bi saka hënseei nëën tata Abahamu basu? Unfa di soni dë ta lei taa wan möön gaan soni bi o pasa bakaten? (Ken. 22:7-9; 1 Kol. 5:7; Fil. 2:8, 9)

Woto 15

Lotu mujëë bia luku baka

1. Faandi mbei Abahamu ku Lotu paati pasi?

2. Faandi mbei Lotu bi kë go libi a Sodom?

3. Unfa dee sëmbë u Sodom bi dë?

4. Na un soni tu engel bi bai Lotu?

5. Faandi mbei di mujëë u Lotu toon wan satu pobiki?

6. Andi u ta lei u di soni di pasa ku di mujëë u Lotu?

Woto hakisi möön:

1. Lesi Kenesesi 13:5-13.

   Andi u sa lei u Abahamu te u musu koti wan taki ku wan wotowan? (Ken. 13:8, 9; Lom. 12:10; Fil. 2:3, 4)

2. Lesi Kenesesi 18:20-33.

   Unfa di fasi fa Jehovah bi wooko ku Abahamu ta lei u taa u sa abi di futoou taa Jehovah ku Jesosi o kuutu soni a wan leti fasi? (Ken. 18:25, 26; Mat. 25:31-33)

3. Lesi Kenesesi 19:1-29.

   1. Unfa di Bëibel woto aki ta lei u fa Jehovah ta si ën te womi ta tei woto womi kuma mujëë nasö te mujëë ta tei woto mujëë kuma manu? (Ken. 19:5, 13; Leif. 20:13)

   2. Andi u ta si taa tooka a di fasi fa Abahamu ku Lotu du dee soni Gadu bi piki de u de du? Andi u ta lei u dee woto aki? (Ken. 19:15, 16, 19, 20; 22:3)

4. Lesi Lukasi 17:28-32.

   Unfa di mujëë u Lotu bi ta pakisei u gudu, nöö faandi mbei u musu ta mëni di soni di pasa ku ën? (Luk. 12:15; 17:31, 32; Mat. 6:19-21, 25)

5. Lesi 2 Petuisi 2:6-8.

   Ee u kë djeesi Lotu, nöö unfa u musu si dee sëmbë dee lontu u dee an ta dini Gadu? (Eze. 9:4; 1 Joh. 2:15-17)

Woto 16

Isaki feni wan bumbuu mujëë

1. Ambë da di womi ku di mujëë i ta si a di peentje aki?

2. Andi Abahamu du u feni wan mujëë da di womi mii fëën, nöö faandi mbei a du di soni dë?

3. Unfa Gadu bi piki di begi u di futuboi u Abahamu?

4. Andi Lebeka piki di de hakisi ën ee a kë toou ku Isaki?

5. Andi mbei taa Isaki bi dë ku piizii baka?

Woto hakisi möön:

1. Lesi Kenesesi 24:1-67.

   1. Andi da wan tu bunu fasi di Lebeka lei taa a abi di a miti di futuboi u Abahamu a di baaku wata? (Ken. 24:17-20; Nöng. 31:17, 31)

   2. Andi Keesitu sëmbë u di ten aki sa lei u di fasi fa Abahamu seeka soni da Isaki? (Ken. 24:37, 38; 1 Kol. 7:39; 2 Kol. 6:14)

   3. Faandi mbei u musu feni ten u pakisei fundu, leti kumafa Isaki bi du? (Ken. 24:63; Ps. 77:12; Fil. 4:8)

Woto 17

Tu mii di bi tooka seei

1. Ambë bi da Esau ku Jakopu, nöö andi bi tooka a de?

2. Un mëni jaa Esau ku Jakopu bi abi di de avo Abahamu dëdë?

3. Andi Esau du di bi mbei taa hën mama ku hën tata tjali seei?

4. Faandi mbei Esau hati boonu seei ku ën baaa Jakopu?

5. Andi Isaki piki di womi mii fëën Jakopu faa du?

Woto hakisi möön:

1. Lesi Kenesesi 25:5-11, 20-34.

   1. Andi Jehovah bi taki a fesi u dee tu womi mii u Lebeka? (Ken. 25:23)

   2. Unfa Jakopu bi ta si di leti u di fosu pai mii, nöö unfa Esau bi ta si ën? (Ken. 25:31-34)

2. Lesi Kenesesi 26:34, 35; 27:1-46; ku 28:1-5.

   1. Andi bi lei gbelingbelin taa Esau an bi a’ toobi ku soni di nama ku Gadu? (Ken. 26:34, 35; 27:46)

   2. Andi Isaki taki da Jakopu faa du sö taa a sa feni di bunu u Gadu? (Ken. 28:1-4)

3. Lesi Hebelejën 12:16, 17.

   Unfa di soni di pasa ku Esau ta lei u andi o pasa ku dee sëmbë dee ta wisiwasi santa soni?

Woto 18

Jakopu nango a Halan

1. Ambë da di njönku mujëë a di peentje aki, nöö andi Jakopu du dëën?

2. Andi Jakopu bi dë kabakaba u du sö taa a feni Lakëli toou?

3. Andi Laban bi du di di juu dou u Jakopu toou ku Lakëli?

4. Andi Jakopu bi piki taa a o du u di a bi kë Lakëli toon mujëë fëën?

Woto hakisi möön:

1. Lesi Kenesesi 29:1-30.

   1. Unfa Jakopu bi tja hënseei a wan lesipeki fasi hii fa Laban bi ganjëën? Andi u sa lei u di soni dë? (Ken. 25:27; 29:26-28; Mat. 5:37)

   2. Unfa Jakopu lei andi da tuutuu lobi? (Ken. 29:18, 20, 30; Kanda. 8:6)

   3. Ambë da dee fö mujëë u Jakopu dee pai womi mii dëën bakaten? (Ken. 29:23, 24, 28, 29)

Woto 19

Jakopu pai hia mii

1. Unfa de bi ta kai dee sikisi womi mii di Jakopu pai ku di fosu mujëë fëën de kai Lea?

2. Unfa de kai dee tu womi mii di Zilipa, di mujëë futuboi u Lea, bi pai ku Jakopu?

3. Unfa de bi ta kai dee tu womi mii di Beliha, di mujëë futuboi u Lakëli, bi pai ku Jakopu?

4. Unfa de kai dee tu womi mii di Lakëli pai, nöö andi pasa di a pai di lasiti wan?

5. Kumafa i ta si a di peentje, un mëni womi mii Jakopu bi abi, nöö andi kumutu a de?

Woto hakisi möön:

1. Lesi Kenesesi 29:32-35; 30:1-26; ku 35:16-19.

   Te i luku dee në u dee 12 womi mii u Jakopu, nöö unfa de bi ta da dee Hebelejën womi mii në a fesiten?

2. Lesi Kenesesi 37:35.

   Hii fa di në u Dina nöö dë a di Bëibel, tökuseei unfa u du sabi taa Jakopu bi a’ woto mujëë mii? (Ken. 37:34, 35)

Woto 20

Soni miti Dina

1. Faandi mbei Abahamu ku Isaki an bi kë taa dee mii u de toou ku sëmbë u di köndë Kaana?

2. Jakopu bi feni ën bunu taa di mujëë mii fëën bi tei dee Kaana mujëë mii kuma mati ö?

3. Ambë da di womi a di peentje di ta luku Dina diin sö, nöö un hogi a bi du?

4. Andi dee baaa u Dina de kai Simion ku Leifi du di de jei di soni di pasa?

5. Dee soni Simion ku Leifi du bi kai ku Jakopu ö?

6. Unfa toobi bigi a di wosudendu?

Woto hakisi möön:

1. Lesi Kenesesi 34:1-31.

   1. Wan pasi nöö Dina bi go luku dee mujëë mii u di köndë Kaana u? Booko ën da u. (Ken. 34:1)

   2. Faandi mbei u sa taki taa Dina seei bi a’ di adjabëë taa Sikëmi bi mbei ën mujëë ufö a toou? (Gal. 6:7)

   3. Unfa njönku wan u di ten aki ta lei taa de ta hoi di woto u Dina a pakisei? (Nöng. 13:20; 1 Kol. 15:33; 1 Joh. 5:19)

Woto 21

Dee baaa u Josëfu ta buuse ën

1. Faandi mbei dee baaa u Josëfu ta haun ku ën, nöö andi de du?

2. Andi dee baaa u Josëfu kë du ku ën, ma andi Lubëni taki?

3. Andi pasa di dee Ismaëli sëmbë dee ta sei soni ko ta pasa?

4. Andi dee baaa u Josëfu du u mbei de tata mëni taa Josëfu dëdë?

Woto hakisi möön:

1. Lesi Kenesesi 37:1-35.

   1. Unfa Keesitu sëmbë sa djeesi Josëfu u na fëëë u taki te wan sëmbë u di gemeente du wan hogi? (Ken. 37:2; Leif. 5:1; 1 Kol. 1:11)

   2. Andi mbei taa dee baaa u Josëfu du hogihogi ku ën? (Ken. 37:11, 18; Nöng. 27:4; Jak. 3:14-16)

   3. Andi Jakopu du, di sëmbë guwenti u du te de ta tjali? (Ken. 37:35)

Woto 22

Josëfu dë a dunguwosu

1. Un mëni jaa Josëfu bi abi di de tjëën go a Egepiti köndë, nöö andi pasa di a dou ala?

2. Unfa a du ko taa Josëfu dë a dunguwosu?

3. Un wooko Josëfu bi abi di a bi dë a dunguwosu?

4. Andi Josëfu du a dunguwosu da di womi di ta kandi diingi ku di womi di ta jasa soni da Falao?

5. Andi pasa di di womi di bi ta kandi diingi da Falao, kumutu a dunguwosu?

Woto hakisi möön:

1. Lesi Kenesesi 39:1-23.

   Hii fa a di ten u Josëfu Gadu an bi buta wëti u bai sëmbë u de an tei woto sëmbë mujëë, tökuseei andi mbei Josëfu kule da Potifali mujëë? (Ken. 2:24; 20:3; 39:9)

2. Lesi Kenesesi 40:1-23.

   1. Konda sati andi di womi di ta kandi diingi da Falao sunjan, nöö unfa Jehovah puu di sunjan da Josëfu? (Ken. 40:9-13)

   2. Andi di womi di ta jasa soni da Falao sunjan, nöö andi di sunjan fëën kë taki? (Ken. 40:16-19)

   3. Unfa di köni bumbuu futuboi a di ten aki ta pakisei u soni kumafa Josëfu bi ta pakisei? (Ken. 40:8; Ps. 36:9; Joh. 17:17; Tjab. 17:2, 3)

   4. Unfa Kenesesi 40:20 ta mbei u fusutan möön limbo unfa Keesitu sëmbë ta si di hoi sëmbë ta hoi fujai wosu? (Pleik. 7:1; Maik. 6:21-28)

Woto 23

Dee sunjan u Falao

1. Andi pasa wan ndeti ku Falao?

2. Faandi mbei di womi di bi ta kandi diingi da Falao ko mëni Josëfu te u kaba fëën?

3. Kumafa u ta si a di peentje, andi da dee tu sunjan di Falao bi sunjan?

4. Unfa Josëfu puu dee sunjan da Falao?

5. Unfa a du ko taa Josëfu toon di möön hei womi u Egepiti baka Falao?

6. Faandi mbei dee baaa u Josëfu ko a Egepiti köndë, nöö faandi mbei de an sabi taa hën di dë?

7. Un sunjan Josëfu toona mëni, nöö andi a ko fusutan?

Woto hakisi möön:

1. Lesi Kenesesi 41:1-57.

   1. Unfa Josëfu bi mbei Jehovah kisi hii gaandi, nöö na un fasi Keesitu sëmbë u di ten aki sa djeesi ën? (Ken. 41:16, 25, 28; Mat. 5:16; 1 Pet. 2:12)

   2. Unfa di sölugu di dee sëmbë u Jehovah ta kisi a di ten aki dë kuma dee jaa di njanjan bi hia a Egepiti? Unfa soni dë da dee sëmbë dee ta kai de seei Keesitu sëmbë kumafa a bi dë a dee pena jaa u Egepiti? (Ken. 41:29, 30; Amös. 8:11, 12)

2. Lesi Kenesesi 42:1-8 ku 50:20.

   A dë wan föutu soni te wan dinima u Jehovah ta bendi hedi u lei wan sëmbë taa a ta lesipeki di hei a abi ee sö di guwenti dë a di köndë u? (Ken. 42:6)

Woto 24

Josëfu ta pooba dee baaa fëën

1. Faandi mbei Josëfu taki taa dee baaa fëën ko hulu soni u de feni go konda a baka?

2. Faandi mbei Jakopu disa di tapabëë mii fëën Benjamin go a Egepiti köndë?

3. Unfa a du ko taa di soofu kan u Josëfu go a di saku u Benjamin?

4. Andi Juda taki u de lusu Benjamin?

5. Unfa dee baaa u Josëfu tooka tjika?

Woto hakisi möön:

1. Lesi Kenesesi 42:9-38.

   Unfa di piki u Josëfu a Kenesesi 42:18, dë wan bunu soni da dee sëmbë dee ta tei fesi a di ölganisaasi u Jehovah? (Neh. 5:15; 2 Kol. 7:1, 2)

2. Lesi Kenesesi 43:1-34.

   1. Hii fa Lubëni bi dë di fosu pai mii, tökuseei unfa u sabi taa Juda bi dë takima da dee baaa fëën? (Ken. 43:3, 8, 9; 44:14, 18; 1 Klon. 5:2)

   2. Unfa Josëfu bi pooba dee baaa fëën, nöö faandi mbei? (Ken. 43:33, 34)

3. Lesi Kenesesi 44:1-34.

   1. Ambë Josëfu pëë taa a dë u dee baaa fëën an sabi taa hën di dë? (Ken. 44:5, 15; Leif. 19:26)

   2. Unfa dee baaa u Josëfu lei taa de an bi ta haun ku di baaa u de möön? (Ken. 44:13, 33, 34)

Woto 25

Josëfu famii foloisi go a Egepiti

1. Andi pasa di Josëfu konda da dee baaa fëën ambë dëën?

2. Andi Josëfu konda a wan suti fasi da dee baaa fëën?

3. Andi Falao taki di a jei soni u dee baaa u Josëfu?

4. Un bigi di famii u Jakopu bi dë di de foloisi go a Egepiti?

5. Unfa sëmbë bi ta kai di famii u Jakopu, nöö faandi mbei?

Woto hakisi möön:

1. Lesi Kenesesi 45:1-28.

   Unfa di Bëibel woto u Josëfu ta lei taa Jehovah sa tooka hogi ko toon bunu da dee futuboi fëën? (Ken. 45:5-8; Jes. 8:10; Fil. 1:12-14)

2. Lesi Kenesesi 46:1-27.

   Andi Gadu bi piki Jakopu wan pasi möön, di a bi dë a pasi nango a Egepiti? (Ken. 46:1-4)

Woto 26

Jöpu tan hoi ënseei a Gadu

1. Ambë Jöpu bi dë?

2. Andi Saatan bi pooba u du? Ma a bi waka kumafa a kë u?

3. Andi Jehovah bi da Saatan pasi faa du, nöö faandi mbei?

4. Faandi mbei Jöpu mujëë bi piki ën faa ’siba Gadu, nöö a dëdë’? (Luku di peentje.)

5. Kumafa i ta si a di u tu peentje, unfa Jehovah mbei Jöpu feni bunu baka, nöö faandi mbei?

6. Un bunu woo feni ee u hoi useei a Jehovah leti kuma Jöpu?

Woto hakisi möön:

1. Lesi Jöpu 1:1-22.

   Unfa Keesitu sëmbë sa djeesi Jöpu a di ten aki? (Jöpu 1:1; Fil. 2:15; 2 Pet. 3:14)

2. Lesi Jöpu 2:1-13.

   Unfa Jöpu ku ën mujëë bi tooka a di fasi fa de piki di Saatan pooba de? (Jöpu 2:9, 10; Nöng. 19:3; Mika 7:7; Mal. 3:14)

3. Lesi Jöpu 42:10-17.

   1. Na un fasi di paka Jöpu kisi djei di paka Jesosi kisi u di a hoi ënseei a Gadu hii ën libi? (Jöpu 42:12; Fil. 2:9-11

   2. Un degihati u ta kisi te u luku dee bunu Jöpu feni u di a hoi ënseei tooo a Gadu pasi? (Jöpu 42:10, 12; Heb. 6:10; Jak. 1:2-4, 12; 5:11)

Woto 27

Wan hogihati könu ta tii Egepiti

1. Ambë da di womi ku di hupi a di peentje aki, nöö ambë a ta hupi?

2. Andi pasa ku dee Isaëli sëmbë baka di Josëfu dëdë?

3. Faandi mbei dee Egepiti sëmbë ko fëëë dee Isaëli sëmbë?

4. Andi Falao piki dee mujëë dee ta pai ku dee Isaëli mujëë?

Woto hakisi möön:

1. Lesi Ëkisodesi 1:6-22.

   1. Na un fasi Jehovah bigi mbei di soni a bi paamusi Abahamu ko tuu? (Ëki. 1:7; Ken. 12:2; Tjab. 7:17)

   2. Unfa dee Hebelejën mujëë dee bi ta pai ku mujëë bi lei taa de ta si di libi kuma wan santa soni? (Ëki. 1:17; Ken. 9:6)

   3. Unfa Jehovah paka dee mujëë aki u di de hoi deseei nëën? (Ëki. 1:20, 21; Nöng. 19:17)

   4. Unfa Saatan bi pooba u mbei di paamusi u Jehovah di nama ku di Böngö u Abahamu, an ko tuu? (Ëki. 1:22; Mat. 2:16)

Woto 28

Di fasi fa de bi tjubi di mii Mosesi

1. Ambë da di mii a di peentje aki, nöö ambë finga a ta panjan dë?

2. Andi di mama u Mosesi du u de an kii Mosesi?

3. Ambë da di piki mujëë mii a di peentje aki, nöö andi a ta du?

4. Di di mujëë mii u Falao feni di piki mii, nöö andi Melijam hakisi ën faa du dëën?

5. Andi di könu mujëë mii bi piki di mama u Mosesi?

Woto hakisi möön:

1. Lesi Ëkisodesi 2:1-10.

   Un okasi di mama u Mosesi bi abi u kiija Mosesi nëën piki mii ten, nöö andi di woto aki ta lei mama ku tata u di ten aki? (Ëki. 2:9, 10; Deto. 6:6-9; Nöng. 22:6; Ef. 6:4; 2 Tim. 3:15)

Woto 29

Di soni mbei Mosesi fusi go

1. Naasë Mosesi göö ko bigi, ma andi a sabi u dee gaan sëmbë fëën?

2. Andi Mosesi du di a bi a’ 40 jaa?

3. Andi Mosesi taki da wan Isaëli womi di bi ta feti, nöö andi di womi piki ën?

4. Faandi mbei Mosesi fusi kumutu a Egepiti köndë?

5. Unsë Mosesi fusi go, nöö ambë a miti ala?

6. Andi Mosesi du a dee 40 jaa dendu dee a fusi kumutu a Egepiti köndë?

Woto hakisi möön:

1. Lesi Ëkisodesi 2:11-25.

   Hii fa Mosesi tei lei u dee Egepiti sëmbë sömëni jaa longi, tökuseei unfa a lei taa an go disa Jehovah ku dee sëmbë fëën? (Ëki. 2:11, 12; Heb. 11:24)

2. Lesi Tjabukama 7:22-29.

   Andi u ta lei u di pooba Mosesi bi pooba u puu dee Isaëli sëmbë a dee Egepiti sëmbë basu ku hënseei kaakiti? (Tjab. 7:23-25; 1 Pet. 5:6, 10)

Woto 30

Wan uwii ta kisi faja

1. Unfa da di në u di kuun a di peentje aki?

2. Konda di foombo soni di Mosesi si di a go a di kuun ku dee sikapu fëën.

3. Andi wan töngö taki kumutu a di uwii dendu di ta kisi faja, nöö ambë töngö bi di dë?

4. Unfa Mosesi piki di Gadu taki dëën taa hën o tja dee sëmbë u Gadu kumutu a Egepiti köndë?

5. Andi Gadu piki Mosesi faa taki te dee sëmbë hakisi ën ee ambë mandëën ko?

6. Unfa Mosesi bi o sa lei dee sëmbë taa Gadu hën mandëën ko?

Woto hakisi möön:

1. Lesi Ëkisodesi 3:1-22.

   Unfa di woto u Mosesi ta da u taanga taa Jehovah o hoi baka da u te u mëni taa wa bunu tjika u du wan wooko di a da u? (Ëki. 3:11, 13; 2 Kol. 3:5, 6)

2. Lesi Ëkisodesi 4:1-20.

   1. Andi tooka a di fasi fa Mosesi bi dë a dee 40 jaa dendu dee a bi dë a Midian, nöö andi disi ta lei dee sëmbë dee kë kisi gaandi a di gemeente? (Ëki. 2:11, 12; 4:10, 13; Mika 6:8; 1 Tim. 3:1, 6, 10)

   2. Te u luku a Mosesi, nöö fu un pei soni u sa dë seiki te Jehovah mbei di ölganisaasi fëën leti u buta a pasi? (Ëki. 4:12-14; Ps. 103:14; Heb. 12:4-11)

Woto 31

Mosesi ku Alon nango a Falao

1. Un kaakiti dee maaka Mosesi ku Alon du, abi a dee Isaëli sëmbë liba?

2. Andi Mosesi ku Alon piki Falao, ma unfa Falao piki de?

3. Kumafa i ta si a di peentje, andi pasa di Alon tuwë di pau fëën a goon?

4. Unfa Jehovah lei Falao wan soni, nöö andi Falao du?

5. Andi pasa baka di u teni sitaafu?

Woto hakisi möön:

1. Lesi Ëkisodesi 4:27-31 ku 5:1-23.

   Andi Falao bi kë taki di a taa: „Ma sabi Jehovah?” (Ëki. 5:2; 1 Sam. 2:12; Lom. 1:21)

2. Lesi Ëkisodesi 6:1-13, 26-30.

   1. Na un fasi Jehovah an bi mbei Abahamu, Isaki ku Jakopu ko sabi ën? (Ëki. 3:13, 14; 6:3; Ken. 12:8)

   2. Unfa u ta fii u di u sabi taa Jehovah mbei Mosesi wooko go dou dëën, hii fa Mosesi bi feni taa an bunu tjika u du di wooko di a bi kisi? (Ëki. 6:12, 30; Luk. 21:13-15)

3. Lesi Ëkisodesi 7:1-13.

   1. Andi futuboi u Jehovah sa lei te u luku fa Mosesi ku Alon an bi fëëë u konda da Falao taa Jehovah o kuutu ën? (Ëki. 7:2, 3, 6; Tjab. 4:29-31)

   2. Unfa Jehovah lei taa a hebi möön dee gadu u Egepiti köndë? (Ëki. 7:12; 1 Klon. 29:12)

Woto 32

Dee 10 sitaafu

1. Luku dee peentje aki, nöö konda andi da dee dii fosu sitaafu di Jehovah tja ko a dee Egepiti sëmbë liba.

2. Andi tooka a dee dii fosu sitaafu ku dee wotowan?

3. Andi bi dë di u fö, di u feifi ku di u sikisi sitaafu?

4. Konda andi da di u seibi, di u aiti ku di u nëigi sitaafu.

5. Andi Jehovah piki dee Isaëli sëmbë u du ufö di u teni sitaafu ko?

6. Andi da di u teni sitaafu, nöö andi pasa baka di dë?

Woto hakisi möön:

1. Lesi Ëkisodesi 7:19–8:23.

   1. Hii fa dee tofuma u Egepiti bi sa du dee tu fosu maaka kuma Jehovah, tökuseei andi de bi musu u taki baka di u dii sitaafu? (Ëki. 8:18, 19; Mat. 12:24-28)

   2. Unfa di u fö sitaafu ta söi gbelingbelin taa Jehovah sa tjubi dee sëmbë fëën? Unfa di soni dë ta mbei dee sëmbë u Gadu ta fii hii fa wan „gaan fuka” ta ko? (Ëki. 8:22, 23; Ako. 7:13, 14; 2 Klon. 16:9)

2. Lesi Ëkisodesi 8:24; 9:3, 6, 10, 11, 14, 16, 23-25; ku 10:13-15, 21-23.

   1. Un pei tu kulupu sëmbë ta djeesi Falao ku dee tofuma fëën a di ten aki, nöö andi de seei an sa du tu leti kuma Falao ku dee tofuma fëën? (Ëki. 8:10, 18, 19; 9:14)

   2. Unfa Ëkisodesi 9:16 ta heepi u u fusutan faandi mbei Jehovah disa Saatan a libi te kuma tide? (Lom. 9:21, 22)

3. Lesi Ëkisodesi 12:21-32.

   Unfa di Pasika mbei taa gaan hia sëmbë bi sa feni tjubi, nöö fu un pei soni di Pasika bi dë wan peentje? (Ëki. 12:21-23; Joh. 1:29; Lom. 5:18, 19, 21; 1 Kol. 5:7)

Woto 33

De aba di Bë Ze

1. Un mëni Isaëli womi ku mujëë ku miii, kumutu disa Egepiti, nöö ambë go ku de?

2. Unfa Falao fii di a disa dee Isaëli sëmbë go, nöö andi a du?

3. Andi Jehovah du u tapa dee Egepiti sëmbë u de an feti ku dee sëmbë fëën?

4. Andi pasa di Mosesi tëndë di pau fëën go a di Bë Ze liba, nöö andi dee Isaëli sëmbë du?

5. Andi pasa di dee Egepiti sëmbë faaka dee Isaëli sëmbë a di ze dendu?

6. Unfa dee Isaëli sëmbë lei taa de bi wai ku söseei taa a dë wan gaan soni da de taa Jehovah bi tjubi de?

Woto hakisi möön:

1. Lesi Ëkisodesi 12:33-36.

   Unfa Jehovah bi mbei taa dee sëmbë fëën kisi paka u hii dee jaa de bi dë saafu u dee Egepiti sëmbë? (Ëki. 3:21, 22; 12:35, 36)

2. Lesi Ëkisodesi 14:1-31.

   Unfa dee wöutu u Mosesi dee sikifi a Ëkisodesi 14:13, 14 abi kaakiti a dee futuboi u Jehovah u di ten aki, hii fa di feti u Amagedon ta ko? (2 Klon. 20:17; Ps. 91:8)

3. Lesi Ëkisodesi 15:1-8, 20, 21.

   1. Faandi mbei dee futuboi u Jehovah musu kanda u gafëën? (Ëki. 15:1, 2; Ps. 105:2, 3; Ako. 15:3, 4)

   2. Andi Keesitu mujëë sëmbë u di ten aki sa lei u di kanda Melijam ku dee mujëë kanda gafa Jehovah di de aba di Bë Ze? (Ëki. 15:20, 21; Ps. 68:11)

Woto 34

Wan njunjun pei njanjan

1. Andi dee sëmbë a di peentje ta ba tei a goon, nöö unfa de kai di soni dë?

2. Andi Mosesi piki dee sëmbë u di mana di de ta ba tei?

3. Andi Jehovah piki dee sëmbë u du a di u sikisi daka, nöö faandi mbei?

4. Un foombo soni Jehovah du di dee sëmbë hoi di mana dou di u seibi daka?

5. Un longi Jehovah da dee sëmbë mana u njan?

Woto hakisi möön:

1. Lesi Ëkisodesi 16:1-36 ku Nöbu 11:7-9.

   1. Unfa Ëkisodesi 16:8 ta lei u taa u musu lesipeki dee sëmbë Gadu buta a wooko a di gemeente? (Heb. 13:17)

   2. Unfa dee Isaëli sëmbë di bi dë a di sabana bi musu langi a Jehovah hiniwan daka? (Ëki. 16:14-16, 35; Deto. 8:2, 3)

   3. Fu un pei soni di mana bi dë wan peentje, kumafa Jesosi bi taki, nöö unfa u sa feni wini u di „tuutuu njanjan [nasö bëëë] di kumutu a liba”? (Joh. 6:31-35, 40)

2. Lesi Josua 5:10-12.

   Un mëni jaa longi dee Isaëli sëmbë bi njan di mana, nöö unfa di sondi dë bi pooba de? Andi u sa lei u di woto aki? (Ëki. 16:35; Nöb. 11:4-6; 1 Kol. 10:10, 11)

Woto 35

Jehovah buta dee wëti fëën

1. Naasë dee Isaëli sëmbë seti kampu di de kumutu a Egepiti köndë baka söwan tu liba?

2. Andi Jehovah taki taa a kë u dee sëmbë musu du, nöö unfa de piki?

3. Faandi mbei Jehovah da Mosesi tu paatapaata sitonu?

4. Boiti dee Teni Wëti, un wëti Jehovah da dee Isaëli sëmbë tu?

5. Un wëti Jesosi Keesitu taki taa da dee tu möön gaan wan?

Woto hakisi möön:

1. Lesi Ëkisodesi 19:1-25; 20:1-21; 24:12-18 ku 31:18.

   Unfa dee wöutu dee sikifi a Ëkisodesi 19:8 ta heepi u u fusutan andi a kë taki te wan sëmbë butëën libi a Gadu maun? (Mat. 16:24; 1 Pet. 4:1-3)

2. Lesi Detolonomi 6:4-6; Leifitiki 19:18, ku Mateosi 22:36-40.

   Unfa Keesitu sëmbë ta lei taa de lobi Gadu ku woto sëmbë? (Maik. 6:34; Tjab. 4:20; Lom. 15:2)

Woto 36

Di piki goutu kau

1. Andi dee sëmbë ta du a di peentje, nöö faandi mbei?

2. Faandi mbei Jehovah hati boonu, nöö andi Mosesi du di a si andi dee sëmbë ta du?

3. Andi Mosesi piki wan tu u dee womi u de du?

4. Andi di woto aki musu lei u?

Woto hakisi möön:

1. Lesi Ëkisodesi 32:1-35.

   1. Unfa di woto aki ta lei u fa Jehovah ta si ën te sëmbë ta mökisi falisi biibi ku di tuutuu biibi? (Ëki. 32:4-6, 10; 1 Kol. 10:7, 11)

   2. Ku andi Keesitu sëmbë musu ta luku bunu te de ta piizii, kuma te de ta kanda nasö baja? (Ëki. 32:18, 19; Ef. 5:15, 16; 1 Joh. 2:15-17)

   3. Unfa di lö u Leifi ta lei u taa a dë wan bunu soni u hoi baka da soni di leti? (Ëki. 32:25-28; Ps. 18:25)

Woto 37

Wan tenti u begi Gadu

1. Un pei tenti dë a di peentje aki, nöö andi de ta du nëën dendu?

2. Faandi mbei Jehovah piki Mosesi taa a musu mbei di tenti a sö wan fasi taa de sa lusu ën pisipisi tja?

3. Andi da di këdë di dë a di piki kamba dendu te a di baka gogo u di tenti, nöö andi dë nëën dendu?

4. Ambë Jehovah tei u dë di Gaan Mindima, nöö andi di Gaan Mindima musu du?

5. Kai di në u dee dii soni dee dë a di möön gaan kamba u di tenti.

6. Andi da dee tu soni dee dë a di djai u di tenti u Gadu, nöö andi de ta du ku de?

Woto hakisi möön:

1. Ëkisodesi 25:8-40; 26:1-37; 27:1-8; ku 28:1.

   Andi dee kelupi-engel dee dë a di „Këdë u di buka” liba kë taki? (Ëki. 25:20, 22; Nöb. 7:89; 2 Kön. 19:15)

2. Lesi Ëkisodesi 30:1-10, 17-21; 34:1, 2; ku Hebelejën 9:1-5.

   1. Faandi mbei Jehovah bi ta mëni dee mindima nöömö taa de musu dë limbolimbo te de ta wooko a di tenti fëën? Un kaakiti di soni dë musu abi a u liba? (Ëki. 30:18-21; 40:30, 31; Heb. 10:22)

   2. Unfa di apösutu Paulosu lei taa di tenti u Gadu ku dee wëti Gadu da dee Isaëli sëmbë an bi dë fanöudu möön a di ten di a sikifi biifi da dee Hebelejën Keesitu sëmbë? (Heb. 9:1, 9; 10:1)

Woto 38

Dee 12 womi dee go luku di köndë

1. Unfa di doloifi bondji a di peentje dë, nöö unsë de kumutu ku ën?

2. Faandi mbei Mosesi manda 12 womi go luku di köndë Kaana?

3. Andi teni u dee womi taki da Mosesi di de toona ko?

4. Unfa tu u dee womi bi lei taa de a’ futoou a Jehovah, nöö unfa de në?

5. Faandi mbei Jehovah hati boonu, nöö andi a piki Mosesi?

Woto hakisi möön:

1. Lesi Nöbu 13:1-33.

   1. Ambë de bi tei u go luku di köndë, nöö un apaiti okasi dee sëmbë dë bi abi? (Nöb. 13:2, 3, 18-20)

   2. Unfa di fasi fa Josua ku Kalëb bi ta si soni bi tooka u dee woto womi, nöö andi u ta lei u di soni dë? (Nöb. 13:28-30; Mat. 17:20; 2 Kol. 5:7)

2. Lesi Nöbu 14:1-38.

   1. Faandi mbei wa musu guunjan dee sëmbë Jehovah buta a goonliba aki u tei fesi dëën? (Nöb. 14:2, 3, 27; Mat. 25:40, 45; 1 Kol. 10:10)

   2. Unfa Nöbu 14:24 ta lei u taa Jehovah a’ toobi ku hiniwan u dee futuboi fëën? (1 Kön. 19:18; Nöng. 15:3)

Woto 39

Di pau u Alon buta folo

1. Ambë hopo fia ku Mosesi ku Alon, nöö andi de hakisi Mosesi?

2. Andi Mosesi piki Koola ku dee 250 bakama fëën u de du?

3. Andi Mosesi piki dee sëmbë u de du, nöö andi pasa di a kaba fan?

4. Andi pasa ku Koola ku dee 250 bakama fëën?

5. Andi Eliazali di womi mii u Alon du ku dee faja panu u dee womi dee dëdë? Faandi mbei a du sö?

6. Faandi mbei Jehovah mbei di pau u Alon buta folo? (Luku di peentje.)

Woto hakisi möön:

1. Lesi Nöbu 16:1-49.

   1. Andi Koola ku dee bakama fëën du? Faandi mbei di soni dë ta lei taa de bi hopo fia ku Jehovah? (Nöb. 16:9, 10, 18; Leif. 10:1, 2; Nöng. 11:2)

   2. Unfa Koola ku dee 250 „fesima u dee sëmbë” bi ta si soni a wan föutu fasi? (Nöb. 16:1-3; Nöng. 15:33; Jes. 49:7)

2. Lesi Nöbu 17:1-11 ku 26:10.

   1. Andi di buta di pau u Alon bi buta folo kë taki? Faandi mbei Jehovah bi taki taa de bi musu buta di pau a di Këdë dendu? (Nöb. 17:5, 8, 10)

   2. Un fanöudu soni u sa lei u di maaka di bi dë a di pau u Alon? (Nöb. 17:10; Tjab. 20:28; Fil. 2:14; Heb. 13:17)

Woto 40

Mosesi naki di sitonu

1. Unfa Jehovah sölugu dee Isaëli sëmbë a di sabana dendu?

2. Unfa dee Isaëli sëmbë tja kaagi go da Mosesi di de seti kampu a Kadesi?

3. Unfa Jehovah da dee sëmbë ku dee mbeti u de wata?

4. Ambë da di womi a di peentje di ta lei finga go nëën seei, nöö faandi mbei a ta du di soni dë?

5. Faandi mbei Jehovah hati boonu ku Mosesi ku Alon, nöö unfa a sitaafu de?

6. Andi pasa a di kuun de kai Holu, nöö ambë toon di Gaan Mindima u dee Isaëli sëmbë?

Woto hakisi möön:

1. Lesi Nöbu 20:1-13, 22-29 ku Detolonomi 29:5.

   1. Andi u ta lei u di fasi fa Jehovah sölugu dee Isaëli sëmbë a di sabana dendu? (Deto. 29:5; Mat. 6:31; Heb. 13:5; Jak. 1:17)

   2. Unfa Jehovah bi feni di föutu Mosesi ku Alon du, di de an bi santa di në fëën a dee Isaëli sëmbë fesi? (Nöb. 20:12; 1 Kol. 10:12; Ako. 4:11)

   3. Andi u sa lei u di soni Mosesi du di Jehovah sitaafu ën? (Nöb. 12:3; 20:12, 27, 28; Deto. 32:4; Heb. 12:7-11)

Woto 41

Di köpö sindeki

1. Andi dë lolulolu a di pau a di peentje? Faandi mbei Jehovah piki Mosesi faa butëën naandë?

2. Na un fasi dee sëmbë an bi tei ën u bigi taa Gadu bi sölugu de?

3. Andi dee sëmbë piki Mosesi faa du baka di Jehovah mbei taku sindeki njan de?

4. Faandi mbei Jehovah piki Mosesi faa mbei wan köpö sindeki?

5. Andi u sa lei u di woto aki?

Woto hakisi möön:

1. Lesi Nöbu 21:4-9.

   1. Na un sondi di Bëibel ta bai u te u luku a di fasi fa dee Isaëli sëmbë bi ta kaagi u dee soni Jehovah bi da de? (Nöb. 21:5, 6; Lom. 2:4)

   2. Unfa dee Isaëli sëmbë bi wooko ku di köpö sindeki a dee jaahöndö a baka? Andi Könu Esikia bi du? (Nöb. 21:9; 2 Kön. 18:1-4)

2. Lesi Johanisi 3:14, 15.

   Unfa di sindeki di de bi buta a di pau bi dë wan peentje u di fa de bi o peka Jesosi Keesitu a wan pau? (Gal. 3:13; 1 Pet. 2:24)

Woto 42

Wan buliki ta fan

1. Ambë da Balaki, nöö faandi mbei a manda kai Biliam?

2. Faandi mbei di buliki u Biliam kandi fëën a di pasi liba?

3. Andi Biliam jei di buliki ta taki?

4. Andi wan engel piki Biliam?

5. Andi pasa di Biliam pooba u siba dee Isaëli sëmbë?

Woto hakisi möön:

1. Lesi Nöbu 21:21-35.

   Faandi mbei dee Isaëli sëmbë bi wini di de feti ku Könu Sihön u dee Amon sëmbë ku Könu Oku u Baasan? (Nöb. 21:21, 23, 33, 34)

2. Lesi Nöbu 22:1-40.

   Faandi mbei Biliam bi kë siba dee Isaëli sëmbë, nöö andi u sa lei u di woto aki? (Nöb. 22:16, 17; Nöng. 6:16, 18; 2 Pet. 2:15; Jud. 11)

3. Lesi Nöbu 23:1-30.

   Hii fa Biliam bi ta fan kuma a bi dë wan dinima u Jehovah, tökuseei unfa dee soni a bi du ta lei taa an bi dë sö tuutuu? (Nöb. 23:3, 11-14; 1 Sam. 15:22)

4. Lesi Nöbu 24:1-25.

   Unfa di Bëibel woto aki ta taanga di biibi fuu taa dee soni Jehovah abi a pakisei o pasa tuu? (Nöb. 24:10; Jes. 54:17)

Woto 43

Josua toon fesima

1. Ambë da dee tu womi taanputaanpu ku Mosesi a di peentje?

2. Andi Jehovah piki Josua?

3. Faandi mbei Mosesi subi go a di kuun hedi de kai Neebo, nöö andi Jehovah piki ën?

4. Un mëni jaa Mosesi bi abi di a dëdë?

5. Faandi mbei dee sëmbë bi tjali, ma andi mbei de bi sa wai?

Woto hakisi möön:

1. Lesi Nöbu 27:12-23.

   Un gaan wooko Jehovah bi da Josua faa du? Unfa Jehovah ta sölugu dee sëmbë fëën a di ten aki? (Nöb. 27:15-19; Tjab. 20:28; Heb. 13:7)

2. Lesi Detolonomi 3:23-29.

   Faandi mbei Jehovah an disa Mosesi ku Alon be de aba go a di paamusi köndë? Andi u ta lei u di woto dë? (Deto. 3:25-27; Nöb. 20:12, 13)

3. Lesi Detolonomi 31:1-8, 14-23.

   Unfa dee lasiti wöutu Mosesi taki da dee Isaëli sëmbë ta lei taa ku sakafasi a tei di sitaafu di Jehovah dëën? (Deto. 31:6-8, 23)

4. Lesi Detolonomi 32:45-52.

   Unfa di Wöutu u Gadu musu abi kaakiti a u liba? (Deto. 32:47; Leif. 18:5; Heb. 4:12)

5. Lesi Detolonomi 34:1-12.

   Mosesi an bi si Jehovah tuutuu wan daka, ma andi Detolonomi 34:10 ta lei u di matifasi di hën ku Jehovah bi abi? (Ëki. 33:11, 20; Nöb. 12:8)

Woto 44

Lakabu ta tjubi tu womi

1. Naasë Lakabu ta libi?

2. Ambë da dee tu womi a di peentje? Faandi mbei de dë a Jelikou?

3. Andi di könu u Jelikou piki Lakabu faa du, nöö andi Lakabu piki ën?

4. Unfa Lakabu heepi dee tu womi, nöö un bunu a hakisi de?

5. Andi dee tu womi paamusi Lakabu?

Woto hakisi möön:

1. Lesi Josua 2:1-24.

   Unfa di paamusi u Jehovah di sikifi a Ëkisodesi 23:28, ko tuu di dee Isaëli sëmbë go feti ku Jelikou? (Jos. 2:9-11)

2. Lesi Hebelejën 11:31.

   Unfa Lakabu ta lei u taa a dë fanöudu u abi biibi? (Lom. 1:17; Heb. 10:39; Jak. 2:25)

Woto 45

De aba Joodan lio

1. Un foombo soni Jehovah du sö taa dee Isaëli sëmbë sa aba Joodan Lio?

2. Andi dee Isaëli sëmbë musu du u lei taa de a’ biibi, sö taa de aba Joodan Lio?

3. Faandi mbei Jehovah piki Josua faa tei 12 sitonu u di lio goon buta a wan hipi?

4. Andi pasa di dee mindima kumutu a Joodan Lio?

Woto hakisi möön:

1. Lesi Josua 3:1-17.

   1. Kumafa u ta si a di woto aki, andi u musu du ee u kë Jehovah heepi u nasö limbo u pasi? (Jos. 3:13, 15; Nöng. 3:5; Jak. 2:22, 26)

   2. Unfa Joodan Lio bi dë di dee Isaëli sëmbë aba go a di Paamusi Köndë? Unfa di soni aki bi bigi Jehovah në? (Jos. 3:15; 4:18; Ps. 66:5-7)

2. Lesi Josua 4:1-18.

   Faandi mbei de bi tei 12 sitonu u Joodan Lio buta a Gikali? (Jos. 4:4-7)

Woto 46

Dee peni u Jelikou

1. Andi Jehovah piki dee fetima ku dee gaan mindima u de du sikisi daka longi?

2. Andi dee womi bi musu du a di u seibi daka?

3. Andi pasa ku dee peni u Jelikou kumafa i ta si a di peentje?

4. Faandi mbei wan bë tatai dë hëngihëngi a di fënsë buka?

5. Andi Josua piki dee fetima u de du ku dee sëmbë ku di foto? Ma andi de musu du ku di soofu, di goutu, di köpö ku di felu?

6. Andi Josua piki dee tu womi dee bi go luku di köndë u de du?

Woto hakisi möön:

1. Lesi Josua 6:1-25.

   1. Unfa di waka dee Isaëli sëmbë bi ta waka lontu Jelikou a di u seibi daka dë kuma di pleikiwooko dee Jehovah Kotoigi ta du a dee lasiti daka aki? (Jos. 6:15, 16; Jes. 60:22; Mat. 24:14; 1 Kol. 9:16)

   2. Unfa dee soni di Josua bi taki a Josua 6:26 ko tuu söwan 500 jaa a baka? Andi di soni dë ta lei u u di wöutu u Jehovah? (1 Kön. 16:34; Jes. 55:11)

Woto 47

Wan fufuuma dë a Isaëli

1. Ambë da di womi a di peentje di ta bei gudu di a tei a Jelikou? Ambë da dee sëmbë dee ta heepi ën?

2. Faandi mbei di soni Akan ku ën wosudendu du, dë wan gaan soni seei?

3. Andi Jehovah taki di Josua hakisi ën andi mbei dee Isaëli sëmbë lasi di feti ku di foto Ai?

4. Andi pasa ku Akan ku ën wosudendu baka di de tja de ko a Josua fesi?

5. Un fanöudu soni u ta lei u di sitaafu Akan kisi?

Woto hakisi möön:

1. Lesi Josua 7:1-26.

   1. Andi di begi u Josua ta tja ko a limbo u di matifasi a bi abi ku di Gadu di mbei ën? (Jos. 7:7-9; Ps. 119:145; 1 Joh. 5:14)

   2. Andi di woto u Akan ta lei u? Na un fasi a dë wan soni di u musu ta mëni? (Jos. 7:11, 14, 15; Nöng. 15:3; 1 Tim. 5:24; Heb. 4:13)

2. Lesi Josua 8:1-29.

   Ee u ko sabi taa wan baaa nasö sisa u di Keesitu gemeente du wan hogi, nöö un faantiwöutu u abi? (Jos. 7:13; Leif. 5:1; Nöng. 28:13)

Woto 48

Dee köni Gibion sëmbë

1. Unfa dee Gibion sëmbë bi tooka u dee Kaana sëmbë dee bi dë zuntu ku de?

2. Andi dee Gibion sëmbë du, kumafa u ta si a di peentje? Faandi mbei de du sö?

3. Andi Josua ku dee woto fesima u Isaëli bi paamusi dee Gibion sëmbë, ma andi de bi ko sabi baka dii daka?

4. Andi pasa di dee könu u dee woto foto ko jei taa dee Gibion sëmbë mbei fii ku dee Isaëli sëmbë?

Woto hakisi möön:

1. Lesi Josua 9:1-27.

   1. Hii fa Jehovah bi piki dee Isaëli sëmbë u de „kii hii dee sëmbë puu a di köndë”, tökuseei un fasi u Jehovah ta ko a limbo te u luku taa an bi kii dee Gibion sëmbë? (Jos. 9:22, 24; Mat. 9:13; Tjab. 10:34, 35; 2 Pet. 3:9)

   2. Josua bi hoi ënseei a di buka a bi mbei ku dee Gibion sëmbë. Andi Keesitu sëmbë a di ten aki sa lei u di soni dë? (Jos. 9:18, 19; Mat. 5:37; Ef. 4:25)

2. Lesi Josua 10:1-5.

   Unfa dee sëmbë u di gaan hipi a di ten aki dë kuma dee Gibion sëmbë? Andi sëmbë ta suku u du ku de u di soni dë hedi? (Jos. 10:4; Sak. 8:23; Mat. 25:35-40; Ako. 12:17)

Woto 49

Di sonu taanpu pii

1. Andi Josua ta taki te u luku di peentje, nöö faandi mbei a ta taki di soni dë?

2. Unfa Jehovah heepi Josua ku dee fetima fëën?

3. Un mëni könu di dë felantima u Isaëli Josua wini, nöö un longi a tei u wini de?

4. Faandi mbei Josua paati di köndë Kaana?

5. Un mëni jaa Josua bi abi di a dëdë, nöö andi pasa ku dee sëmbë baka di dë?

Woto hakisi möön:

1. Lesi Josua 10:6-15.

   Un futoou u sa sabi a di ten aki u di u sabi taa Jehovah bi mbei di libawojo ku di sonu tan pii da Isaëli? (Jos. 10:8, 10, 12, 13; Ps. 18:3; Nöng. 18:10)

2. Lesi Josua 12:7-24.

   Ambë bi wini dee 31 könu u Kaana tuutuu? Faandi mbei a dë fanöudu fuu hoi di soni dë a pakisei? (Jos. 12:7; 24:11-13; Deto. 31:8; Luk. 21:9, 25-28)

3. Lesi Josua 14:1-5.

   Unfa di köndë bi paati a dee lö u Isaëli? Andi a ta lei u u dee gudu dee o paati a di Paladëisi? (Jos. 14:2; Jes. 65:21; Eze. 47:21-23; 1 Kol. 14:33)

4. Lesi Kuutuma 2:8-13.

   Leti kuma Josua u Isaëli, ambë a di ten aki ta tapa pasi u sëmbë di bia baka da di tuutuu biibi an ko poi ën? (Kuutm. 2:8, 10, 11; Mat. 24:45-47; 2 Tes. 2:3-6; Tit. 1:7-9; Ako. 1:1; 2:1, 2)

Woto 50

Tu degihati mujëë

1. Ambë da dee kuutuma, nöö andi da di në u wan tu u de?

2. Andi da wan apaiti gaandi di Debola abi, nöö andi di soni dë kë taki?

3. Di Könu Jabini ku di hedima u dee sodati fëën, Sisela, paamusi u du hogi ku Isaëli, nöö un bosikopu u Jehovah Debola da Kuutuma Baaki? Ambë Debola taki taa o kisi di gaandi u di fasi fa soni o waka?

4. Unfa Jaëli bi lei taa a dë wan degihati mujëë?

5. Andi pasa baka di Könu Jabini dëdë?

Woto hakisi möön:

1. Lesi Kuutuma 2:14-22.

   Unfa dee Isaëli sëmbë bi mbei Jehovah hati boonu ku de, nöö andi u sa lei u di soni dë? (Kuutm. 2:20; Nöng. 3:1, 2; Eze. 18:21-23)

2. Lesi Kuutuma 4:1-24.

   Andi dee Keesitu mujëë sëmbë u di ten aki ta lei u di degihati ku di biibi di Debola ku Jaëli bi abi? (Kuutm. 4:4, 8, 9, 14, 21, 22; Nöng. 31:30; 1 Kol. 16:13)

3. Lesi Kuutuma 5:1-31.

   Unfa di kanda di Baaki ku Debola bi kanda di de bi wini di feti, sa dë kuma wan begi da u te u ta mëni di feti u Amagedon di ta ko? (Kuutm. 5:3, 31; 1 Klon. 16:8-10; Ako. 7:9, 10; 16:16; 19:19-21)

Woto 51

Luti ku Naomi

1. Unfa a du ko taa Naomi dë a di köndë Moab?

2. Ambë da Luti ku Olupa?

3. Andi Luti ku Olupa du di Naomi piki de u de toona go a dee sëmbë u de?

4. Ambë da Boasi, nöö unfa a heepi Luti ku Naomi?

5. Andi da di në u di mii Boasi ku Luti pai, nöö faandi mbei u musu hoi ën a hedi?

Woto hakisi möön:

1. Lesi Luti 1:1-17.

   1. Un waiti soni Luti taki di ta lei taa a abi tuutuu lobi? (Luti 1:16, 17)

   2. Unfa di fa Luti bi ta pakisei ta lei a wan bunu fasi fa dee „oto sikafu” ta si dee salufuwan a di ten aki? (Joh. 10:16; Sak. 8:23)

2. Lesi Luti 2:1-23.

   Andi njönku mujëë u di ten aki sa lei u Luti? (Luti 2:17, 18; Nöng. 23:22; 31:15)

3. Lesi Luti 3:5-13.

   1. Unfa Boasi bi feni ën taa Luti bi dë kabakaba u toou ku ën ka faa bi toou ku wan möön njönku womi?

   2. Andi da tuutuu lobi te u luku di fa Luti tjëën seei? (Luti 3:10; 1 Kol. 13:4, 5)

4. Lesi Luti 4:7-17.

   Unfa dee Keesitu womi sëmbë u di ten aki sa dë kuma Boasi? (Luti 4:9, 10; 1 Tim. 3:1, 12, 13; 5:8)

Woto 52

Gidion ku dee 300 womi fëën

1. Unfa dee Isaëli sëmbë ko dë a gaan fuka, nöö faandi mbei?

2. Faandi mbei Jehovah piki Gidion taa dee sodati fëën hia poi?

3. Un mëni womi fika baka di Gidion piki dee womi dee fëëë u de toona go a wosu?

4. Luku di peentje, nöö konda unfa Jehovah puu dee sodati u Gidion tefa de fika 300 nöö.

5. Unfa Gidion seeka dee 300 womi fëën, nöö unfa Isaëli wini di feti?

Woto hakisi möön:

1. Lesi Kuutuma 6:36-40.

   1. Andi Gidion du u sabi seiki andi da di kë u Jehovah?

   2. Unfa u sa ko sabi a di ten aki andi da di kë u Jehovah? (Nöng. 2:3-6; Mat. 7:7-11; 2 Tim. 3:16, 17)

2. Lesi Kuutuma 7:1-25.

   1. Andi u sa lei u dee 300 womi dee bi dë ku wojo te i maaka de ku dee wotowan dee an bi ta booko de hedi ku andi ta pasa a de lontu? (Kuutm. 7:3, 6; Lom. 13:11, 12; Ef. 5:15-17)

   2. Dee 300 womi bi ko sabi soni u di de bi ta luku Gidion. Unfa u sa ko sabi soni te u ta luku di Möön Gaan Gidion, Jesosi Keesitu? (Kuutm. 7:17; Mat. 11:29, 30; 28:19, 20; 1 Pet. 2:21)

   3. Unfa Kuutuma 7:21 ta heepi u u dë ku piizii aluwasi naasë Jehovah buta u u dini ën a di ölganisaasi fëën? (1 Kol. 4:2; 12:14-18; Jak. 4:10)

3. Lesi Kuutuma 8:1-3.

   Andi u sa lei u di fasi fa Gidion bi koti di taki ku dee Efalahim sëmbë, te u kë koti wan taki ku wan baaa nasö wan sisa? (Nöng. 15:1; Mat. 5:23, 24; Luk. 9:48)

Woto 53

Di paamusi u Jefita

1. Ambë da Jefita, nöö na un pisiten a bi libi?

2. Andi Jefita paamusi Jehovah?

3. Faandi mbei Jefita tjali di a toona go a wosu baka di de wini dee Amon sëmbë?

4. Andi di mujëë mii u Jefita taki di a ko sabi di soni hën tata paamusi?

5. Faandi mbei dee sëmbë lobi di mujëë mii u Jefita?

Woto hakisi möön:

1. Lesi Kuutuma 10:6-18.

   Unfa dee woto u dee Isaëli sëmbë dee an bi hoi deseei a Jehovah musu lei u wan soni? (Kuutm. 10:6, 15, 16; Lom. 15:4; Ako. 2:10)

2. Lesi Kuutuma 11:1-11, 29-40.

   1. Unfa u du sabi taa na tjuma Jefita bi tjuma di mujëë mii fëën paka kuma paima da Jehovah (Kuutm. 11:31; Leif. 16:24; Deto. 18:10, 12)

   2. Na un fasi Jefita bi da di mujëë mii fëën kuma wan paima?

   3. Andi u sa lei u di fasi fa Jefita bi si di buka a bi mbei ku Jehovah? (Kuutm. 11:35, 39; Pleik. 5:4, 5; Mat. 16:24)

   4. Unfa di mujëë mii u Jefita ta lei njönku Keesitu sëmbë a wan bumbuu fasi u tei di wooko u Gadu kuma di möön fanöudu wooko a de libi? (Kuutm. 11:36; Mat. 6:33; Fil. 3:8)

Woto 54

Di möön taanga womi

1. Unfa da di në u di möön taanga womi di bi libi a goonliba, nöö ambë dëën di kaakiti fëën?

2. Andi Simison du wan daka ku wan gaan lëun, leti kumafa i ta si a di peentje?

3. Un woto Simison pindja Delaila a di peentje, nöö unfa di soni dë mbei taa dee Filisiti sëmbë kisi Simison?

4. Unfa Simison mbei taa 3000 Filisiti sëmbë di dë felantima fëën dëdë a di wan seei daka ku ën?

Woto hakisi möön:

1. Lesi Kuutuma 13:1-14.

   Unfa Manoa ku ën mujëë ta lei mama ku tata na un fasi de musu kiija dee mii u de? (Kuutm. 13:8; Ps. 127:3; Ef. 6:4)

2. Lesi Kuutuma 14:5-9 ku 15:9-16.

   1. Bëibel ta konda soni u di fasi fa Simison kii di lëun, fa a koti dee njunjun tatai de bi tai ën maun ku fa a bi tei wan agba bonu u wan womi buliki kii 1000 womi. Andi dee woto aki ta lei u u di fasi fa di santa jeje u Jehovah ta wooko?

   2. Unfa di santa jeje ta heepi u a di ten aki? (Kuutm. 14:6; 15:14; Sak. 4:6; Tjab. 4:31)

3. Lesi Kuutuma 16:18-31.

   Unfa poipoi sëmbë bi a’ kaakiti a Simison liba, nöö andi u sa lei fëën? (Kuutm. 16:18, 19; 1 Kol. 15:33)

Woto 55

Wan piki womi mii ta dini Gadu

1. Unfa da di në u di piki womi mii a di peentje, nöö ambë da dee woto sëmbë?

2. Faandi Hana begi wan daka di a go a di tenti u Jehovah, nöö unfa Jehovah piki ën?

3. Un mëni jaa Samuëli bi abi di de tjëën go u dini a di tenti u Jehovah? Andi hën mama bi ta du dëën hiniwan jaa?

4. Unfa de kai dee womi mii u Eli, nöö unfa de ta tja deseei?

5. Unfa Jehovah weki Samuëli, nöö un buka a dëën?

6. Andi Samuëli toon di a ko bigi, nöö andi pasa di a ko gaandi?

Woto hakisi möön:

1. Lesi 1 Samuëli 1:1-28.

   1. Un bumbuu soni Elikana ta lei dee famii hedima u di a tei fesi a di tuutuu biibi? (1 Sam. 1:3, 21; Mat. 6:33; Fil. 1:10)

   2. Andi u ta lei u di soni Hana du di a bi a’ gaan bookohedi? (1 Sam. 1:10, 11; Ps. 55:22; Lom. 12:12)

2. Lesi 1 Samuëli 2:11-36.

   Unfa Eli bi hei dee womi mii fëën möön Jehovah, nöö andi u ta lei u di soni dë? (1 Sam. 2:22-24, 27, 29; Deto. 21:18-21; Mat. 10:36, 37)

3. Lesi 1 Samuëli 4:16-18.

   Andi da dee fö taku njunsu di bosikopuma tja kumutu a di feti, nöö un kaakiti a bi abi a Eli liba?

4. Lesi 1 Samuëli 8:4-9.

   Unfa dee Isaëli sëmbë mbei Jehovah tjali seei, nöö unfa u sa tan hoi baka da di Könuköndë fëën a di ten aki? (1 Sam. 8:5, 7; Joh. 17:16; Jak. 4:4)

Woto 56

Saulosu da di fosu könu u Isaëli

1. Andi Samuëli ta du, kumafa u ta si a di peentje, nöö faandi mbei a ta du sö?

2. Faandi mbei Jehovah lobi Saulosu, nöö un pei womi a dë?

3. Unfa de kai di womi mii u Saulosu, nöö andi di womi mii dë du?

4. Faandi mbei Saulosu tjuma mbeti da Jehovah ka faa wakiti Samuëli u du di soni dë?

5. Andi u sa lei u di woto u Saulosu?

Woto hakisi möön:

1. Lesi 1 Samuëli 9:15-21 ku 10:17-27.

   Unfa di sakafasi u Saulosu heepi ën fu an du don soni di wan tu womi an bi ta taki soni fëën a wan lesipeki fasi? (1 Sam. 9:21; 10:21, 22, 27; Nöng. 17:27)

2. Lesi 1 Samuëli 13:5-14.

   Un hogi Saulosu bi du a Gikali? (1 Sam. 10:8; 13:8, 9, 13)

3. Lesi 1 Samuëli 15:1-35.

   1. Un gaan hogi Saulosu du di nama ku Könu Agag u Amaleki? (1 Sam. 15:2, 3, 8, 9, 22)

   2. Unfa Saulosu bi pooba u da hënseei leti, nöö unfa a pooba u da wotowan di föutu? (1 Sam. 15:24)

   3. Na un soni u musu buta mëni te u ta kisi lai? (1 Sam. 15:19-21; Ps. 141:5; Nöng. 9:8, 9; 11:2)

Woto 57

Gadu tei Dafiti buta könu

1. Unfa de ta kai di womi mii u ta si a di peentje, nöö unfa u du sabi taa a a’ degihati?

2. Naasë Dafiti ta libi? Unfa de ta kai hën tata ku hën avo?

3. Faandi mbei Jehovah piki Samuëli faa go a di wosu u Isai a Betelehem?

4. Andi pasa di Isai tja seibi u dee womi mii fëën ko a Samuëli?

5. Andi Jehovah piki Samuëli di Isai tja Dafiti ko nëën?

Woto hakisi möön:

1. Lesi 1 Samuëli 17:34, 35.

   Unfa dee woto dë ta lei limbolimbo taa Dafiti bi a’ degihati, ku söseei taa a bi a’ futoou a Jehovah? (1 Sam. 17:37)

2. Lesi 1 Samuëli 16:1-14.

   1. Unfa dee soni Jehovah taki a 1 Samuëli 16:7 ta heepi u fu wa tei sëmbë së, nasö luku fesi kuutu wotowan? (Tjab. 10:34, 35; 1 Tim. 2:4)

   2. Unfa di soni di pasa ku Saulosu ta lei taa te Jehovah puu hën santa jeje a wan sëmbë liba, nöö wan taku jeje nasö di taanga fii u du hogi, sa ko a wan sëmbë hati? (1 Sam. 16:14; Mat. 12:43-45; Gal. 5:16)

Woto 58

Dafiti ku Goliati

1. Unfa Goliati ta fia ku dee sodati u Isaëli?

2. Unfa Goliati bigi tjika, nöö andi Könu Saulosu paamusi taa a o da di womi di o kii Goliati?

3. Andi Dafiti taki di Saulosu piki ën taa a dë piki mii jeti, an o sa feti ku Goliati?

4. Unfa di fasi fa Dafiti piki Goliati ta lei taa a abi futoou a Jehovah?

5. Kumafa i ta si a di peentje, andi Dafiti tei kii Goliati, nöö andi pasa ku dee Filisiti sëmbë baka di dë?

Woto hakisi möön:

1. Lesi 1 Samuëli 17:1-54.

   1. Unfa a du ko taa Dafiti an bi fëëë, nöö unfa u sa abi degihati kuma ën? (1 Sam. 17:37, 45; Ef. 6:10, 11)

   2. Faandi mbei Keesitu sëmbë an musu ta fia kuma Goliati te de ta pëë makandi nasö te de abi piizii ten? (1 Sam. 17:8; Gal. 5:26; 1 Tim. 4:8)

   3. Unfa dee soni Dafiti taki ta lei taa a bi abi biibi taa Gadu bi ta hoi baka dëën? (1 Sam. 17:45-47; 2 Klon. 20:15)

   4. Unfa di woto aki ta lei taa di feti aki na wan feti ku kulupu sodati nöö, ma taa dee taku gadu de bi ta feti ku di tuutuu Gadu, Jehovah? (1 Sam. 17:43, 46, 47)

   5. Unfa di salufu fikapisi ta futoou Jehovah kumafa Dafiti bi ta futoou ën? (1 Sam. 17:37; Jel. 1:17-19; Ako. 12:17)

Woto 59

Di soni mbei Dafiti musu fusi

1. Faandi mbei Saulosu ta haun ku Dafiti, ma unfa Jonatan, di womi mii u Saulosu dë wan hii woto fasi?

2. Andi pasa wan daka di Dafiti ta pëë benta da Saulosu?

3. Andi Saulosu taa Dafiti musu du ufö a sa tei Mikali, di mujëë mii u Saulosu ko mujëë fëën? Faandi mbei Saulosu taki sö?

4. Kumafa i ta si a di peentje, andi pasa di u dii toon di Dafiti pëë di benta da Saulosu?

5. Unfa Mikali heepi Dafiti fu an dëdë, nöö andi Dafiti musu du seibi jaa longi?

Woto hakisi möön:

1. Lesi 1 Samuëli 18:1-30.

   1. Unfa di lobi Jonatan bi lobi Dafiti ta lei fa dee „woto sikapu” ku di „piki hipi” bi o lobi deseei? (1 Sam. 18:1; Joh. 10:16; Luk. 12:32; Sak. 8:23)

   2. Te i luku ën bunu, nöö Jonatan hën bi musu toon könu baka Saulosu, ma unfa 1 Samuëli 18:4 ta lei taa Jonatan saka ënseei a di sëmbë Gadu tei buta könu?

   3. Unfa Saulosu ta lei u taa haun sa mbei sëmbë du gaan hogi, nöö na un soni di woto aki ta bai u puu? (1 Sam. 18:7-9, 25; Jak. 3:14-16)

2. Lesi 1 Samuëli 19:1-17.

   Unfa dee soni di Jonatan taki di a miti Saulosu, bi sa tja dëdë ko dëën? (1 Sam. 19:1, 4-6; Nöng. 16:14)

Woto 60

Abigaëli ku Dafiti

1. Unfa de kai di mujëë a di peentje di ta waka ko miti Dafiti, nöö un pei sëmbë a dë?

2. Ambë da Nabali?

3. Faandi mbei Dafiti manda so u dee womi fëën u go hakisi Nabali wan bunu?

4. Andi Nabali piki dee womi u Dafiti, nöö andi Dafiti du?

5. Unfa Abigaëli lei taa a dë wan köni mujëë?

Woto hakisi möön:

1. Lesi 1 Samuëli 22:1-4.

   Unfa di famii u Dafiti ta lei u a wan bunu fasi fa u musu hoi baka da u na u kuma baaa ku sisa u di tuu lei? (Nöng. 17:17; 1 Tes. 5:14)

2. Lesi 1 Samuëli 25:1-43.

   1. Faandi mbei di Bëibel an ta taki bunu soni u Nabali? (1 Sam. 25:2-5, 10, 14, 21, 25)

   2. Andi dee Keesitu mujëë u tide sa lei u Abigaëli? (1 Sam. 25:32, 33; Nöng. 31:26; Ef. 5:24)

   3. Andi da dee tu hogi Abigaëli tapa Dafiti fu an du? (1 Sam. 25:31, 33; Lom. 12:19; Ef. 4:26)

   4. Unfa di soni Dafiti du baka di Abigaëli bi fan ku ën ta heepi womi nëngë u si mujëë sëmbë kumafa Jehovah ta si de? (Tjab. 21:8, 9; Lom. 2:11; 1 Pet. 3:7)

Woto 61

Dafiti toon könu

1. Andi Dafiti ku Abisai du di Saulosu dë ta duumi a di kampu?

2. Andi Dafiti hakisi Saulosu?

3. Naasë Dafiti go di a disa Saulosu?

4. Unfa a du ko taa Dafiti tjali seei, taa a sikifi wan suti kanda?

5. Un mëni jaa Dafiti abi di a toon könu a Hebelön, nöö unfa de kai wan tu u dee womi mii fëën?

6. Naasë Dafiti tii bakaten kuma könu?

Woto hakisi möön:

1. Lesi 1 Samuëli 26:1-25.

   1. Unfa Dafiti bi ta pakisei u soni di Gadu seti, te u luku andi a taki a 1 Samuëli 26:11? (Ps. 37:7; Lom. 13:2)

   2. Unfa dee soni Dafiti taki a 1 Samuëli 26:23 ta heepi u u si soni a wan soifi fasi te wan sëmbë ta du kuma an ta si di taanga möiti u ta mbei u libi suti ku wotowan? (1 Kön. 8:32; Ps. 18:20)

2. Lesi 2 Samuëli 1:26.

   Unfa Keesitu sëmbë u tide sa ’lobi de na de gaanfa’ leti kumafa Dafiti ku Jonatan bi lobi deseei? (1 Pet. 4:8; Kol. 3:14; 1 Joh. 4:12)

3. Lesi 2 Samuëli 5:1-10.

   1. Un mëni jaa Dafiti bi tii kuma könu, nöö unfa di pisiten dë bi paati? (2 Sam. 5:4, 5)

   2. Unfa a du ko taa Dafiti bi abi makiti ku nëbai sö? Andi di woto aki ta lei u? (2 Sam. 5:10; 1 Sam. 16:13; 1 Kol. 1:31; Fil. 4:13)

Woto 62

Hogi miti di wosudendu u Dafiti

1. Andi pasa ku di köndë Kaana, u di Jehovah heepi dee Isaëli sëmbë?

2. Andi pasa wan ndeti di Dafiti dë a di könu wosu fëën liba?

3. Faandi mbei Jehovah hati boonu ku Dafiti gaanfa seei?

4. Te i luku di peentje, nöö ambë Jehovah manda go fan ku Dafiti u dee hogi dee a du, nöö andi di womi taki taa o pasa ku Dafiti?

5. Un hogi miti Dafiti?

6. Ambë toon könu u Isaëli baka Dafiti?

Woto hakisi möön:

1. Lesi 2 Samuëli 11:1-27.

   1. Faandi mbei a dë wan tjubi da u te u ta dini Jehovah fajafaja?

   2. Unfa a du ko taa Dafiti du zöndu, nöö andi di woto aki musu lei futuboi u Jehovah u di ten aki? (2 Sam. 11:2; Mat. 5:27-29; 1 Kol. 10:12; Jak. 1:14, 15)

2. Lesi 2 Samuëli 12:1-18.

   1. Andi gaanwomi u gemeente ku mama ku tata sa lei u di fasi fa Naatan bi go da Dafiti lai? (2 Sam. 12:1-4; Nöng. 12:18; Mat. 13:34)

   2. Faandi mbei Jehovah bi a’ tjalihati u Dafiti? (2 Sam. 12:13; Ps. 32:5; 2 Kol. 7:9, 10)

Woto 63

Di köni Könu Salumon

1. Andi Jehovah hakisi Salumon faa du, nöö andi Salumon piki?

2. Andi Jehovah paamusi u da Salumon, u di Salumon hakisi ën wan soni di kai ku ën?

3. Andi da di taki di tu mujëë tja ko a Salumon?

4. Unfa Salumon koti di taki, kumafa i ta si a di peentje?

5. Unfa soni bi dë a di ten di Salumon bi ta tii, nöö faandi mbei a dë sö?

Woto hakisi möön:

1. Lesi 1 Könu 3:3-28.

   1. Andi dee womi de buta a wooko a di ölganisaasi u Gadu, sa lei u di fasi fa Salumon bi begi ku hii hën hati a 1 Könu 3:7? (Ps. 119:105; Nöng. 3:5, 6)

   2. Unfa di begi u Salumon ta lei bumbuu fu un pei soni a fiti u begi? (1 Kön. 3:9, 11; Nöng. 30:8, 9; 1 Joh. 5:14)

   3. Te u luku di fa Salumon koti di taki u dee tu mujëë, nöö fu un pei soni u sa dë seiki te di Gaan Salumon, Jesosi Keesitu o tii a di ten di ta ko? (1 Kön. 3:28; Jes. 9:6, 7; 11:2-4)

2. Lesi 1 Könu 4:29-34.

   1. Unfa Jehovah piki di begi u Salumon di a hakisi ën faa heepi ën be a ta piki ën buka a soni? (1 Kön. 4:29)

   2. Te u luku fa sëmbë bi ta mbei möiti u go jei dee köni fan u Salumon, nöö unfa u musu feni ën u lei soni u di Wöutu u Gadu? (1 Kön. 4:29, 34; Joh. 17:3; 2 Tim. 3:16)

Woto 64

Salumon mbei di Wosu u Gadu

1. Un longi a tei ufö Salumon kaba mbei di Wosu u Gadu, nöö faandi mbei di wooko hakisi gaan hia möni?

2. Un mëni gaan kamba dë a di Wosu u Gadu, nöö andi de buta a di kamba u baka?

3. Andi Salumon taki a di begi fëën di de kaba mbei di Wosu u Gadu?

4. Unfa Jehovah lei taa di begi u Salumon kai ku ën?

5. Andi dee mujëë u Salumon mbei a du, nöö andi pasa ku Salumon?

6. Faandi mbei Jehovah hati boonu ku Salumon, nöö andi Jehovah piki ën?

Woto hakisi möön:

1. Lesi 1 Kloniki 28:9, 10.

   Te u luku a dee soni Dafiti taki a 1 Kloniki 28:9, 10, nöö andi u musu mbei taanga möiti u du hiniwan daka di u dë a libi? (Ps. 19:14; Fil. 4:8, 9)

2. Lesi 2 Kloniki 6:12-21, 32-42.

   1. Unfa Salumon lei taa na wan wosu di libisëmbë mbei sa hoi di Kaba Hei Gadu? (2 Klon. 6:18; Tjab. 17:24, 25)

   2. Andi dee soni Salumon taki a 2 Kloniki 6:32, 33 ta lei u u Jehovah? (Tjab. 10:34, 35; Gal. 2:6)

3. Lesi 2 Kloniki 7:1-5.

   Te u luku fa a bi suti da dee Isaëli sëmbë u gafa Jehovah di de si di hei fëën, nöö un kaakiti a musu abi a u liba te u ta si fa Jehovah ta limbo di pasi u dee sëmbë fëën? (2 Klon. 7:3; Ps. 22:22; 34:1; 96:2)

4. Lesi 1 Könu 11:9-13.

   Unfa di fasi fa di libi u Salumon bi waka ta lei u taa a dë fanöudu u hoi taanga te dou a di kaba? (1 Kön. 11:4, 9; Mat. 10:22; Ako. 2:10)

Woto 65

Di könuköndë paati

1. Unfa de ta kai dee tu womi i ta si a di peentje, nöö ambë da de?

2. Andi Ahija ta du ku di djakiti a bisi dë, nöö andi a kë taki?

3. Andi Salumon pooba u du ku Jelobiam?

4. Faandi mbei dee sëmbë buta Jelobiam toon könu u teni lö?

5. Faandi mbei Jelobiam mbei tu piki goutu kau, nöö andi pasa ku di köndë baka di dë?

6. Andi pasa ku di tu-lö könuköndë ku di Wosu u Jehovah a Jelusalen?

Woto hakisi möön:

1. Lesi 1 Könu 11:26-43.

   Un pei sëmbë Jelobiam bi dë, nöö andi Jehovah paamusi ën ee a hoi dee wëti u Gadu? (1 Kön. 11:28, 38)

2. Lesi 1 Könu 12:1-33.

   1. Andi mama ku tata ku dee gaanwomi u gemeente an musu du te u luku andi Lahabiam bi du u di a bi a’ makiti? (1 Kön. 12:13; Pleik. 7:7; 1 Pet. 5:2, 3)

   2. Na ambë dee njönku wan u tide musu suku bumbuu lai te de musu du wan gaan soni a de libi? (1 Kön. 12:6, 7; Nöng. 1:8, 9; 2 Tim. 3:16, 17; Heb. 13:7)

   3. Andi mbei Jelobiam seti tu kamian u begi dee piki goutu kau, nöö unfa di soni dë ta lei taa an bi a’ biibi a Jehovah kwetikweti? (1 Kön. 11:37; 12:26-28)

   4. Ambë mbei dee sëmbë u di 10-lö könuköndë hai deseei puu a di tuutuu biibi basu? (1 Kön. 12:32, 33)

Woto 66

Di hogihati mujëë könu Iseibëli

1. Ambë da Iseibëli?

2. Faandi mbei Könu Akab tjali wan daka?

3. Andi Iseibëli du u feni di doloifi goon u Nabotu da hën manu Akab?

4. Ambë Jehovah manda u go sitaafu Iseibëli?

5. Leti kumafa i ta si a di peentje, andi pasa di Jehu dou a di könu wosu u Iseibëli?

Woto hakisi möön:

1. Lesi 1 Könu 16:29-33 ku 18:3, 4.

   Unfa di libi bi hogi tjika a Isaëli a di ten u Könu Akab? (1 Kön. 14:9)

2. Lesi 1 Könu 21:1-16.

   1. Unfa Nabotu lei taa a a’ degihati, ku söseei taa a hoi ënseei a Jehovah? (1 Kön. 21:1-3; Leif. 25:23-28)

   2. Andi u sa lei u Akab, te u ta booko saka u di soni an waka kumafa u kë? (1 Kön. 21:4; Lom. 5:3-5)

3. Lesi 2 Könu 9:30-37.

   Andi u sa lei u di faja di Jehu bi abi te u ta du di kë u Jehovah? (2 Kön. 9:4-10; 2 Kol. 9:1, 2; 2 Tim. 4:2)

Woto 67

Josafati buta futoou a Jehovah

1. Ambë da Josafati, nöö na un pisiten a libi?

2. Faandi mbei dee Isaëli sëmbë fëëë, nöö andi sömëni u de du?

3. Unfa Jehovah piki di begi u Josafati?

4. Andi Jehovah mbei pasa ufö di feti bigi?

5. Andi u sa lei u Josafati?

Woto hakisi möön:

1. Lesi 2 Kloniki 20:1-30.

   1. Unfa Josafati lei tuutuu futuboi u Gadu andi de musu du te de a’ gaan fuka? (2 Klon. 20:12; Ps. 25:15; 62:1)

   2. Hii juu Jehovah bi abi wan fasi fa a ta fan ku dee sëmbë fëën. Ku andi a ta fan ku de a di ten aki? (2 Klon. 20:14, 15; Mat. 24:45-47; Joh. 15:15)

   3. Unfa soni o dë da u kuma di ten u Josafati te Gadu o bigi ku „di gaan feti a di Daka di di Gadu di abi hii makiti u mundu buta”? (2 Klon. 20:15, 17; 32:8; Ako. 16:14, 16)

   4. Unfa dee pionier ku dee zendeling abi di seei faja kuma dee Leifi sëmbë te de ta du di pleikiwooko a di ten aki? (2 Klon. 20:19, 21; Lom. 10:13-15; 2 Tim. 4:2)

Woto 68

Tu womi mii toona libi baka

1. Ambë da dee dii sëmbë a di peentje aki, nöö andi ta pasa ku di piki womi mii?

2. Andi Elia begi da di mii, nöö andi pasa bakaten?

3. Unfa de kai di womi di bi ta heepi Elia?

4. Faandi mbei wan Sunëmi mujëë kai Elisa ko nëën wosu?

5. Andi Elisa du, nöö andi pasa ku di dëdëdëdë mii?

6. Te u luku a Elia ku Elisa, nöö un makiti Jehovah abi?

Woto hakisi möön:

1. Lesi 1 Könu 17:8-24.

   1. Unfa Elia bi musu lei taa a ta piki Gadu buka, ku söseei taa a a’ biibi? (1 Kön. 17:9; 19:1-4, 10)

   2. Faandi mbei di biibi u di mujëë u Safati di manu dëdë disa, bi dë apaiti seei? (1 Kön. 17:12-16; Luk. 4:25, 26)

   3. Unfa di woto u di mujëë u Safati di manu dëdë disa, ta lei taa dee soni Jesosi taki a Mateosi 10:41, 42 dë tuutuu soni? (1 Kön. 17:10-12, 17, 23, 24)

2. Lesi 2 Könu 4:8-37.

   1. Andi di mujëë u Sunëmi ta lei u u di tei u musu tei wotowan a u wosu? (2 Kön. 4:8; Luk. 6:38; Lom. 12:13; 1 Joh. 3:17)

   2. Na un fasi u sa lei dee futuboi u Gadu u di ten aki taa u lobi de? (Tjab. 20:35; 28:1, 2; Gal. 6:9, 10; Heb. 6:10)

Woto 69

Wan mujëë mii heepi wan makiti womi

1. Andi di piki mujëë mii ta konda da di mujëë a di peentje?

2. Ambë da di mujëë a di peentje, nöö andi di piki mujëë mii ta du a di mujëë wosu?

3. Andi Elisa piki di futuboi fëën faa taki da Naaman, nöö faandi mbei Naaman hati boonu?

4. Andi pasa di Naaman haika dee futuboi fëën?

5. Faandi mbei Elisa an tei di kado Naaman dëën, ma andi Gehasi du?

6. Andi pasa ku Gehasi, nöö andi u sa lei u di soni dë?

Woto hakisi möön:

1. Lesi 2 Könu 5:1-27.

   1. Unfa di soni di piki Isaëli mujëë mii du ta da njönku wan degihati a di ten aki? (2 Kön. 5:3; Ps. 8:2; 148:12, 13)

   2. Faandi mbei u musu mëni Naaman te u ta kisi Bëibel lai? (2 Kön. 5:15; Heb. 12:5, 6; Jak. 4:6)

   3. Andi u sa lei te u tei Elisa maaka ku Gehasi? (2 Kön. 5:9, 10, 14-16, 20; Mat. 10:8; Tjab. 5:1-5; 2 Kol. 2:17)

Woto 70

Jona ku di gaan fisi

1. Ambë da Jona, nöö andi Jehovah piki ën faa du?

2. Andi Jona du u di an kë go teka Jehovah mandëën faa go?

3. Andi Jona piki dee botoma u de du u tapa di gaan ventu?

4. Kumafa i ta si a di peentje, andi pasa di de tuwë Jona go a di wata?

5. Un longi Jona tan a di fisi bëë dendu, nöö andi a du naandë?

6. Naasë Jona go baka di a kumutu a di gaan fisi bëë dendu, nöö andi di woto aki ta lei u?

Woto hakisi möön:

1. Lesi Jona 1:1-17.

   Unfa Jona bi feni ën di Gadu piki ën faa go pleiki da dee Ninifei sëmbë? (Jona 1:2, 3; Nöng. 3:7; Pleik. 8:12)

2. Lesi Jona 2:1, 2, 10.

   Unfa di soni di pasa ku Jona ta mbei u biibi taa Jehovah o piki dee begi fuu? (Ps. 22:24; 34:6; 1 Joh. 5:14)

3. Lesi Jona 3:1-10.

   1. Andi ta da u taanga u di fa Jehovah wooko ku Jona go dou hii fa a di bigi an bi kë du di wooko fëën? (Ps. 103:14; 1 Pet. 5:10)

   2. Unfa di woto u Jona ku dee Ninifei sëmbë ta lei u taa wa musu kuutu sëmbë a fesi te de da u wan kamian ka u musu pleiki? (Jona 3:6-9; Pleik. 11:6; Tjab. 13:48)

Woto 71

Gadu paamusi wan paladëisi

1. Ambë da Jesaaja? Na un ten a bi libi, nöö andi Jehovah bi lei ën?

2. Andi di wöutu „paladëisi” kë taki, nöö andi a ta mbei u pakisei baka?

3. Andi Jehovah piki Jesaaja faa sikifi u di njunjun Paladëisi?

4. Faandi mbei Adam ku Eva lasi di hanse tankamian u de?

5. Andi Jehovah ta paamusi dee sëmbë dee lobi ën?

Woto hakisi möön:

1. Lesi Jesaaja 11:6-9.

   1. Unfa Gadu Wöutu ta taki u di fa mbeti ku libisëmbë o dë fiifii a di njunjun goonliba di ta ko? (Ps. 148:10, 13; Jes. 65:25; Eze. 34:25)

   2. Unfa dee soni Jesaaja bi taki, ta ko tuu a wan apaiti fasi a dee sëmbë u Gadu a di ten aki kaa? (Lom. 12:2; Ef. 4:23, 24)

   3. Ambë musu kisi gafa u di tooka sëmbë ta tooka dee fasi u de nöunöu kaa, ma söseei a di njunjun goonliba di ta ko? (Jes. 48:17, 18; Gal. 5:22, 23; Fil. 4:7)

2. Lesi Akoalimbo 21:3, 4.

   1. Unfa di Bëibel ta lei taa di dë Gadu o dë ku libisëmbë an kë taki taa a o dë ku de a goonliba tuutuu? (Leif. 26:11, 12; 2 Klon. 6:18; Jes. 66:1; Ako. 21:2, 3, 22-24)

   2. Un pei wojowata ku sinkii hati an o dë möön? (Luk. 8:49-52; Lom. 8:21, 22; Ako. 21:4)

Woto 72

Gadu heepi Esikia

1. Ambë da di womi a di peentje, nöö faandi mbei a dë ku gaan fuka seei?

2. Andi da dee biifi Esikia buta a Gadu fesi, nöö andi Esikia begi da?

3. Un pei könu Esikia dë, nöö un buka Jehovah manda dëën ku di tjabukama Jesaaja?

4. Andi di engel u Jehovah du ku dee Asilia sëmbë, kumafa u ta si a di peentje?

5. Hii di di tu-lö könuköndë böö u wan pisiten, andi pasa di Esikia dëdë?

Woto hakisi möön:

1. Lesi 2 Könu 18:1-36.

   1. Unfa Labisakei, di bi ta taki da dee Asilia sëmbë, suku u booko di biibi u dee Isaëli sëmbë saka? (2 Kön. 18:19, 21; Ëki. 5:2; Ps. 64:3)

   2. Unfa Jehovah Kotoigi ta waka a Esikia baka te felantima ta pooba de? (2 Kön. 18:36; Ps. 39:1; Nöng. 26:4; 2 Tim. 2:24)

2. Lesi 2 Könu 19:1-37.

   1. Unfa dee sëmbë u Jehovah a di ten aki ta djeesi Esikia te fuka ta miti de? (2 Kön. 19:1, 2; Nöng. 3:5, 6; Heb. 10:24, 25; Jak. 5:14, 15)

   2. Andi da dee dii feti di Könu Sanheleb bi lasi, nöö ambë a ta djeesi a di ten aki? (2 Kön. 19:32, 35, 37; Ako. 20:2, 3)

3. Lesi 2 Könu 21:1-6, 16.

   Faandi mbei u sa taki taa Manase bi dë wan u dee möön hogihati könu di bi tii a Jelusalen? (2 Klon. 33:4-6, 9)

Woto 73

Di lasiti bumbuu könu u Isaëli

1. Un mëni jaa Josia bi abi di a toon könu, nöö andi a bigi du di a tii seibi jaa longi?

2. Andi i ta si Josia ta du a di fosu peentje?

3. Andi di Gaan Mindima feni di dee womi ta seeka di Wosu u Gadu?

4. Faandi mbei Josia tënë dee bisi fëën?

5. Un buka u Jehovah di tjabukama de kai Helida, tja go da Josia?

Woto hakisi möön:

1. Lesi 2 Kloniki 34:1-28.

   1. Andi Josia ta lei dee sëmbë di soni bi taanga da de a pikimii ten u de? (2 Klon. 33:21-25; 34:1, 2; Ps. 27:10)

   2. Un apaiti soni Josia bi du u mbei di tuutuu biibi go a fesi a di u 8 jaa, di u 12 jaa ku di 18 jaa u di tii fëën? (2 Klon. 34:3, 8)

   3. Andi u sa lei u Könu Josia ku di Gaan Mindima Hilikia u di bunu fasi fa u musu hoi dee kamian ka u ta komakandi u dini Gadu? (2 Klon. 34:9-13; Nöng. 11:14; 1 Kol. 10:31)

Woto 74

Wan womi di an ta fëëë

1. Ambë da di njönku womi a di peentje?

2. Unfa Jelemia feni ën di a toon tjabukama u Gadu, ma andi Jehovah piki ën?

3. Un buka Jelemia ta konda nöömö da dee sëmbë?

4. Unfa dee gaan begima pooba u tapa Jelemia, ma unfa a lei de taa an fëëë de?

5. Andi pasa di dee Isaëli sëmbë an disa dee hogilibi u de?

Woto hakisi möön:

1. Lesi Jelemia 1:1-8.

   1. Andi ta mbei wan sëmbë bunu tjika u dini Jehovah, te u luku Jelemia? (2 Kol. 3:5, 6)

   2. Un taanga Jelemia ta da njönku bakama u Keesitu a di ten aki? (Pleik. 12:1; 1 Tim. 4:12)

2. Lesi Jelemia 10:1-5.

   Andi Jelemia taki u lei sëmbë taa a dë wan sösö soni u buta futoou a taku gadu? (Jel. 10:5; Jes. 46:7; Hab. 2:19)

3. Lesi Jelemia 26:1-16.

   1. Te di salufu fikapisi ta bai hii sëmbë a di ten aki, nöö unfa de ta lei taa de ta piki di wëti di Jehovah bi da Jelemia taa an musu ’koowa na wan wöutu’? (Jel. 26:2; Deto. 4:2; Tjab. 20:27)

   2. Un bumbuu soni Jelemia ta lei dee Kotoigi u Jehovah u di ten aki u di fasi fa de musu konda di buka u Gadu u bai dee nasiönnasiön sëmbë u goonliba? (Jel. 26:8, 12, 14, 15; 2 Tim. 4:1-5)

4. Lesi 2 Könu 24:1-17.

   Andi da di bakapisi u di Juda go disa Jehovah? (2 Kön. 24:2-4, 14)

Woto 75

Fö njönku kijoo dë a Babilon

1. Ambë da dee fö njönku kijoo a di peentje aki, nöö faandi mbei de dë a Babilon?

2. Andi Nebukatnesali kë u dee fö njönku kijoo du, nöö andi a taki da dee futuboi fëën u de du?

3. Un pei njanjan ku bebe Daniëli hakisi u de dëën ku dee dii mati fëën?

4. Baka di Daniëli ku dee dii mati fëën njan guluntu teni daka longi, nöö unfa de feni de di de maaka de luku ku dee woto njönku kijoo?

5. Unfa a du ko taa Daniëli ku dee dii mati fëën dë a di könu wosu, nöö na un futu de möön bunu möön dee gaan begima ku dee könima?

Woto hakisi möön:

1. Lesi Daniëli 1:1-21.

   1. Un pei möiti dë fanöudu ee u kë finga futu da tesi ku ee u kë wini dee suwaki fasi fuu? (Dan. 1:8; Ken. 39:7, 10; Gal. 6:9)

   2. Un tesi njönku wan sa kisi nasö unfa sëmbë sa duwengi de u mökisi deseei ku soni so sëmbë ta si kuma „suti soni”? (Dan. 1:8; Nöng. 20:1; 2 Kol. 6:17–7:1)

   3. Unfa di Bëibel woto u dee fö Hebelejën njönku kijoo ta heepi u fuu fusutan fa u musu si di köni u di goonliba aki? (Dan. 1:20; Jes. 54:13; 1 Kol. 3:18-20)

Woto 76

Jelusalen booko kaba a sösö

1. Andi ta pasa ku Jelusalen ku dee Isaëli sëmbë kumafa u ta si a di peentje?

2. Ambë da Ezekiëli, nöö un hogi soni di ta pasa Jehovah lei ën?

3. Andi Jehovah paamusi u du u di dee Isaëli sëmbë aan lesipeki dëën?

4. Andi Könu Nebukatnesali du baka di dee Isaëli sëmbë hopo fia ku ën?

5. Faandi mbei Jehovah disa di gaan hogi dë pasa ku dee Isaëli sëmbë?

6. Unfa a du ko taa di köndë Isaëli fika hooo söndö sëmbë, nöö un longi a fika sö?

Woto hakisi möön:

1. Lesi 2 Könu 25:1-26.

   1. Ambë Sedekia bi dë? Andi bi pasa ku ën, nöö unfa di soni dë ta mbei wan Bëibel woto ko tuu? (2 Kön. 25:5-7; Eze. 12:13-15)

   2. Ambë Jehovah bi kai a kuutu u hii dee hogi di Isaëli bi du? (2 Kön. 25:9, 11, 12, 18, 19; 2 Klon. 36:14, 17)

2. Lesi Ezekiëli 8:1-18.

   Unfa so sëmbë di ta kai deseei Keesitu sëmbë, dë kuma dee Isaëli sëmbë dee bi bia baka da Gadu go ta begi di sonu? (Eze. 8:16; Jes. 5:20, 21; Joh. 3:19-21; 2 Tim. 4:3)

Woto 77

De an bi kë bendi hedi

1. Andi Nebukatnesali, di könu u Babilon piki dee sëmbë taa de musu du?

2. Faandi mbei Daniëli ku dee dii mati fëën an ta bendi hedi da di goutu pindi?

3. Unfa dee dii Hebelejën kijoo lei taa de buta de futoou a Jehovah, di Nebukatnesali da de wan woto okasi u de bendi hedi?

4. Andi Nebukatnesali piki dee womi fëën u du ku Sadaki, Mësaki ku Abetineko?

5. Andi Nebukatnesali si di a tuwë wojo luku go a di onfu dendu?

6. Faandi mbei di könu gafa di Gadu u Sadaki, Mësaki ku Abetineko, nöö andi u ta lei u de?

Woto hakisi möön:

1. Lesi Daniëli 3:1-30.

   1. Unfa hii dee futuboi u Gadu sa dë kuma dee dii njönku Hebelejën kijoo te soni ta pooba de u de disa di biibi? (Dan. 3:17, 18; Mat. 10:28; Lom. 14:7, 8)

   2. Un fanöudu soni Jehovah Gadu bi mbei Nebukatnesali ko fusutan? (Dan. 3:28, 29; 4:34, 35)

Woto 78

Wan maun ta sikifi a di wosu sinkii

1. Andi pasa di di könu u Babilon hoi wan gaan piizii daka ta njan ta bebe ku dee kan ku dee komiki di de tei puu u di Wosu u Jehovah a Jelusalen?

2. Andi Bëlsasali piki dee könima fëën, ma andi dee könima an sa du?

3. Andi di könu mama piki ën faa du?

4. Faandi mbei Gadu mbei wan maun sikifi a di wosu sinkii, te u luku andi Daniëli piki di könu?

5. Unfa Daniëli puu dee wöutu dee sikifi a di wosu sinkii?

6. Andi pasa hii di Daniëli bi ta fan jeti?

Woto hakisi möön:

1. Lesi Daniëli 5:1-31.

   1. Konda fa fëëë da Gadu tooka u di fëëë Bëlsasali bi fëëë di a si di maun ta sikifi a di wosu sinkii. (Dan. 5:6, 7; Ps. 19:9; Lom. 8:35-39)

   2. Unfa Daniëli lei taa a bi abi degihati di a bi ta fan ku Bëlsasali ku dee heihei sëmbë fëën? (Dan. 5:17, 18, 22, 26-28; Tjab. 4:29)

   3. Na un fasi Daniëli kapitel 5 ta buta kaakiti a di leti di Jehovah abi u tii hii soni? (Dan. 4:17, 25; 5:21)

Woto 79

Daniëli dë a di baaku u dee lëun

1. Ambë da Daliusi, nöö unfa a ta si Daniëli?

2. Andi wan tu djalusuma mbei Daliusi du?

3. Andi Daniëli du di a ko sabi di njunjun wëti?

4. Andi ta toobi Daliusi sö tee taa an sa duumi, nöö andi a du di debooko fëën?

5. Unfa Daniëli piki Daliusi?

6. Andi pasa ku dee takuhati womi dee pooba u kii Daniëli, nöö andi Daliusi sikifi da hii dee sëmbë u di könuköndë fëën?

Woto hakisi möön:

1. Lesi Daniëli 6:1-28.

   1. Unfa di soni dee womi bi fiti buka u du ku Daniëli, ta mbei u mëni di möiti sëmbë ta mbei u tapa di wooko u dee Jehovah Kotoigi a di ten aki? (Dan. 6:7; Ps. 94:20; Jes. 10:1; Lom. 8:31)

   2. Unfa futuboi u Gadu u di ten aki sa tan saka deseei a „dee tii u lanti” basu kumafa Daniëli bi ta du? (Dan. 6:5, 10; Lom. 13:1; Tjab. 5:29)

   3. Unfa u sa dini Jehovah „hii ten” kumafa Daniëli bi ta du? (Dan. 6:16, 20; Fil. 3:16; Ako. 7:15)

Woto 80

Dee sëmbë u Gadu kumutu a Babilon

1. Andi dee Isaëli sëmbë ta du, kumafa u ta si a di peentje?

2. Unfa Silosi mbei di tjabukama woto Jehovah bi mbei Jesaaja taki, ko tuu?

3. Andi Silosi piki dee Isaëli sëmbë dee bi an sa toona go baka a Jelusalen?

4. Andi Silosi piki dee sëmbë u de tei tja go baka a Jelusalen?

5. Un longi a tei u dee Isaëli sëmbë dou a Jelusalen baka?

6. Un mëni jaa pasa sensi di di köndë fika hooo söndö sëmbë?

Woto hakisi möön:

1. Lesi Jesaaja 44:28 ku 45:1-4.

   1. Unfa Jehovah buta kaakiti taa di tjabukama woto di nama ku Silosi bi o pasa tuutuu? (Jes. 55:10, 11; Lom. 4:17)

   2. Unfa di tjabukama woto u Jesaaja di nama ku Silosi ta lei taa Jehovah Gadu abi di makiti u taki a fesi andi o pasa? (Jes. 42:9; 45:21; 46:10, 11; 2 Pet. 1:20)

2. Lesi Ësala 1:1-11.

   Te u luku unfa dee sëmbë dee an bi sa toona go baka a Jelusalen bi „da” dee wotowan soni de bi a’ fanöudu, nöö unfa u a di ten aki sa hoi baka da dee sëmbë dee sa tei di wooko u Gadu a de liba? (Ësl. 1:4, 6; Lom. 12:13; Kol. 4:12)

Woto 81

De buta futoou a di heepi u Gadu

1. Un mëni sëmbë waka di langa pasi kumutu a Babilon go a Jelusalen, ma andi de si di de dou?

2. Andi dee Isaëli sëmbë bigi mbei di de dou, ma andi dee felantima u de du?

3. Ambë da Hagai ku Sakalia, nöö andi de piki dee sëmbë?

4. Faandi mbei Tatenai manda wan biifi go a Babilon, nöö andi de piki ën?

5. Andi Ësala du di a ko jei taa a dë fanöudu u seeka di Wosu u Gadu?

6. Faandi Ësala ta begi a di peentje? Unfa Gadu piki di begi fëën, nöö andi u ta lei u di dë?

Woto hakisi möön:

1. Lesi Ësala 3:1-13.

   Ee a ko dë taa u dë a wan kamian ka na wan gemeente u Jehovah Kotoigi dë, nöö andi u musu tan du? (Ësl. 3:3, 6; Tjab. 17:16, 17; Heb. 13:15)

2. Lesi Ësala 4:1-7.

   Andi Zelubabel ta lei dee sëmbë u Jehovah u di an mökisi ënseei ku woto biibi? (Ëki. 34:12; 1 Kol. 15:33; 2 Kol. 6:14-17)

3. Lesi Ësala 5:1-5, 17 ku 6:1-22.

   1. Faandi mbei dee felantima an bi sa tapa di mbei u di Wosu u Gadu? (Ësl. 5:5; Jes. 54:17)

   2. Unfa dee soni dee Dju gaan womi du, ta da dee Keesitu gaanwomi di taanga u suku Jehovah pasi te sëmbë ta du ku de? (Ësl. 6:14; Ps. 32:8; Lom. 8:31; Jak. 1:5)

4. Lesi Ësala 8:21-23, 28-36.

   Unfa u sa waka a Ësala baka, te u musu du wan apaiti soni? (Ësl. 8:23; Ps. 127:1; Nöng. 10:22; Jak. 4:13-15)

Woto 82

Moodekai ku Ësitë

1. Ambë da Moodekai ku Ësitë?

2. Faandi mbei Könu Ahasifelusi kë wan woto mujëë, nöö ambë a tei?

3. Ambë da Haman, nöö unfa a du ko taa hati fëën boonu seei?

4. Un wëti de buta, nöö andi Ësitë du baka di a kisi wan buka u Moodekai?

5. Andi pasa ku Haman, nöö andi pasa ku Moodekai?

6. Unfa dee Isaëli sëmbë du kumutu a dee felantima u de maun?

Woto hakisi möön:

1. Lesi Ësitë 2:12-18.

   Unfa Ësitë lei taa a ta tja wini ko te wan sëmbë abi „wan saapi fasi, pii fasi sö”? (Ësitë 2:15; 1 Pet. 3:1-5)

2. Lesi Ësitë 4:1-17.

   Leti kumafa Ësitë bi feni wan okasi u du wan soni da di tuutuu biibi, un okasi u abi a di ten aki u söi taa u kë dini Jehovah fajafaja, ku söseei taa u ta hoi useei nëën? (Ësitë 4:13, 14; Mat. 5:14-16; 24:14)

3. Lesi Ësitë 7:1-6.

   Leti kumafa Ësitë bi du, andi sömëni u dee sëmbë u Gadu du a di ten aki di bi sa mbei taa sëmbë du hogi ku de? (Ësitë 7:4; Mat. 10:16-22; 1 Pet. 2:12)

Woto 83

Dee peni u Jelusalen

1. Unfa dee Isaëli sëmbë bi ta fii di de köndë Jelusalen an bi a’ peni lontu de tapa?

2. Ambë da Nehemia?

3. Andi da di wooko u Nehemia, nöö faandi mbei a dë wan gaan wooko?

4. Un njunsu mbei taa Nehemia tjali, nöö andi a du?

5. Unfa Könu Artakserkses lei taa a a’ bunuhati u Nehemia?

6. Unfa Nehemia seeka di wooko sö taa dee felantima u dee Isaëli sëmbë an bi sa tapa di wooko?

Woto hakisi möön:

1. Lesi Nehemia 1:4-6 ku 2:1-20.

   Unfa Nehemia suku heepi a Jehovah? (Neh. 2:4, 5; Lom. 12:12; 1 Pet. 4:7)

2. Lesi Nehemia 3:3-5.

   Andi dee gaanwomi ku dee dinai sa lei u di fa dee Tekoa sëmbë bi tooka u dee „heiwan” u de? (Neh. 3:5, 27; 2 Tes. 3:7-10; 1 Pet. 5:5)

3. Lesi Nehemia 4:1-23.

   1. Andi da dee Isaëli sëmbë di taanga u mbei di wosu go dou hii fa sëmbë du ku de? (Neh. 4:6, 8, 9; Ps. 50:15; Jes. 65:13, 14)

   2. Na un futu dee Isaëli sëmbë ta da u degihati a di ten aki?

4. Lesi Nehemia 6:15.

   De kaba mbei dee peni u Jelusalen a tu liba dendu. Andi di soni dë ta lei u di kaakiti di biibi abi a sëmbë liba? (Ps. 56:3, 4; Mat. 17:20; 19:26)

Woto 84

Wan engel go a Malia

1. Ambë da di mujëë a di peentje?

2. Andi Gabiëli piki Malia?

3. Unfa Gabiëli konda da Malia taa a o pai wan mii hii di an bi libi ku wan manu jeti?

4. Andi pasa di Malia go luku wan sisa fëën de kai Elizabëti?

5. Andi Josëfu pakisei di a jei taa Malia o pai wan mii, ma faandi mbei a tooka pakisei?

Woto hakisi möön:

1. Lesi Lukasi 1:26-56.

   1. Faandi mbei Jesosi an kisi zöndu di Jehovah puu di libi fëën nëën ala buta go a Malia bëë dendu? (Hag. 2:11-13; Luk. 1:35; Joh. 6:69; Heb. 7:26; 10:5)

   2. Unfa de bigi Jesosi ufö hën mama pai ën? (Luk. 1:41-43)

   3. Andi Keesitu sëmbë a di ten aki sa lei u Malia te de kisi apaiti wooko a di dini u Gadu? (Luk. 1:38, 46-49; 17:10; Nöng. 11:2)

2. Lesi Mateosi 1:18-25.

   Hii fa de an bi kai Jesosi Imanuëli, ma tökuseei unfa di wooko a du kuma libisëmbë mbei di soni di në dë kë taki, ko tuu? (Mat. 1:22, 23; Joh. 14:8-10; Heb. 1:1-3)

Woto 85

De pai Jesosi a mbeti wosu

1. Ambë da di piki mii a di peentje, nöö naasë Malia ta kandi ën?

2. Faandi mbei de pai Jesosi a mbeti wosu?

3. Ambë da dee womi a di peentje dee ta denda a di mbeti wosu, nöö andi wan engel bi piki de?

4. Faandi mbei Jesosi dë wan apaiti sëmbë?

5. Faandi mbei u sa kai Jesosi di Womi Mii u Gadu?

Woto hakisi möön:

1. Lesi Lukasi 2:1-20.

   1. Andi Këisë Aukesi du u mbei di tjabukama woto di bi taki u di pai de bi o pai Jesosi, ko tuu? (Luk. 2:1-4; Mik. 5:2)

   2. Unfa wan sëmbë sa ko dë wan u „dee sëmbë Gadu ta wai ku de”? (Luk. 2:14; Mat. 16:24; Joh. 17:3; Tjab. 3:19; Heb. 11:6)

   3. Ee dee sakafasi sikapuma u Judea bi piizii u di pai de pai di Heepima, nöö un soni musu mbei dee dinima u Gadu u di ten aki ta piizii möön gaanfa seei? (Luk. 2:10, 11; Ef. 3:8, 9; Ako. 11:15; 14:6)

Woto 86

Wan teeja lei dee womi di pasi

1. Ambë da dee womi a di peentje, nöö faandi mbei wan u de ta lei finga go a di teeja di ta koti faja?

2. Faandi mbei Könu Helodi hati boonu, nöö andi a du?

3. Naasë di teeja di bi ta koti faja tja dee womi go, ma faandi mbei de tei wan woto pasi waka go u de a de köndë?

4. Un buka Helodi paaja, nöö faandi mbei?

5. Andi Jehovah piki Josëfu faa du?

6. Ambë mbei di teeja koti faja, nöö faandi mbei a du sö?

Woto hakisi möön:

1. Lesi Mateosi 2:1-23.

   Un mëni jaa Jesosi bi abi, nöö naasë a bi ta libi di dee könima dee ta luku teeja ko luku ën? (Mat. 2:1, 11, 16)

Woto 87

Di mii Jesosi dë a di Wosu u Gadu

1. Un mëni jaa Jesosi abi a di peentje, nöö naasë a dë?

2. Andi Josëfu ta du hiniwan jaa ku dee sëmbë fëën?

3. Faandi mbei Josëfu ku Malia toona go baka a Jelusalen di de waka wan hii daka nango a wosu?

4. Naasë Josëfu ku Malia feni Jesosi, nöö faandi mbei dee sëmbë naandë foondo?

5. Andi Jesosi piki hën mama Malia?

6. Unfa u sa dë kuma Jesosi, te a nama ku di lei ko sabi soni u Gadu?

Woto hakisi möön:

1. Lesi Lukasi 2:41-52.

   1. Hii fa di Wëti bi ta taki taa womi sëmbë nöö bi musu u go nömönömö a dee gaan piizii daka hiniwan jaa, tökuseei unfa Josëfu ku Malia ta lei mama ku tata u di ten aki wan bumbuu soni? (Luk. 2:41; Deto. 16:16; 31:12; Nöng. 22:6)

   2. Unfa Jesosi ta lei njönku wan u di ten aki taa de musu ta piki dee gaan sëmbë u de buka a hii soni? (Luk. 2:51; Deto. 5:16; Nöng. 23:22; Kol. 3:20)

2. Lesi Mateosi 13:53-56.

   Unfa da dee në u fö u dee baaa u Jesosi di dë a Bëibel, nöö un wooko tu u de bi du a di gemeente? (Mat. 13:55; Tjab. 12:17; 15:6, 13; 21:18; Gal. 1:19; Jak. 1:1; Jud. 1)

Woto 88

Johanisi dopu Jesosi

1. Ambë da dee tu womi a di peentje?

2. Unfa de ta dopu sëmbë?

3. Un pei sëmbë Johanisi guwenti u dopu?

4. Faandi mbei Jesosi hakisi Johanisi faa dopu ën?

5. Unfa Gadu lei taa a bi piizii taa Jesosi tei dopu?

6. Andi pasa di Jesosi go tan a wan pii kamian 40 daka longi?

7. Ambë da so u dee fosu bakama u Jesosi, nöö andi da di fosu foombo wooko di a du?

Woto hakisi möön:

1. Lesi Mateosi 3:13-17.

   Unfa Jesosi lei taa bakama fëën musu tei dopu? (Ps. 40:7, 8; Mat. 28:19, 20; Luk. 3:21, 22)

2. Lesi Mateosi 4:1-11.

   Te u luku fa Jesosi bi sabi di Bëibel, nöö unfa di dë ta da u taanga u lei soni u Bëibel hii juu? (Mat. 4:5-7; 2 Pet. 3:17, 18; 1 Joh. 4:1)

3. Lesi Johanisi 1:29-51.

   Na ambë Johanisi di Dopuma bi ta manda dee bakama fëën go, nöö unfa u sa djeesi ën a di ten aki? (Joh. 1:29, 35, 36; 3:30; Mat. 23:10)

4. Lesi Johanisi 2:1-12.

   Unfa di fosu foombo wooko u Jesosi ta lei u taa Jehovah an ta hoi bunu a baka da dee futuboi fëën? (Joh. 2:9, 10; Ps. 84:11; Jak. 1:17)

Woto 89

Jesosi ta seeka di Wosu u Gadu

1. Faandi mbei de ta sei mbeti a di Wosu u Gadu?

2. Faandi mbei Jesosi hati boonu?

3. Andi Jesosi ta du kumafa i ta si a di peentje, nöö unfa a bai dee womi dee ta sei pomba?

4. Andi dee bakama u Jesosi mëni baka, di de si andi a ta du?

5. Un pisiwata Jesosi pasa di a tei pasi nango baka a Galilea?

Woto hakisi möön:

1. Lesi Johanisi 2:13-25.

   Te u ta pakisei fa Jesosi hati bi boonu ku dee tookamönima a di Wosu u Gadu, nöö unfa u musu si ën te sëmbë ta sei soni a di Könuköndë zaal? (Joh. 2:15, 16; 1 Kol. 10:24, 31-33)

Woto 90

Di mujëë a di baaku wata

1. Faandi mbei Jesosi go sindo böö a wan baaku wata a Samalia, nöö andi a ta piki wan mujëë naandë?

2. Faandi mbei di mujëë foondo? Andi Jesosi piki ën, nöö faandi mbei a piki ën sö?

3. Un pei wata di mujëë pakisei taa Jesosi ta taki, ma fu un pei wata Jesosi bi ta taki tuutuu?

4. Faandi mbei di mujëë foondo u dee soni fëën di Jesosi sabi, nöö unfa a du sabi dee soni dë?

5. Andi u sa lei u di woto u di mujëë a di baaku wata?

Woto hakisi möön:

1. Lesi Johanisi 4:5-43.

   1. Ee u kë waka a Jesosi baka, nöö unfa u musu libi ku woto lö sëmbë nasö sëmbë di pooti nasö gudu? (Joh. 4:9; 1 Kol. 9:22; 1 Tim. 2:3, 4; Tit. 2:11)

   2. Un wini wan sëmbë ta feni a di së u di biibi te a toon wan bakama u Jesosi? (Joh. 4:14; Jes. 58:11; 2 Kol. 4:16)

   3. Unfa u sa dë kuma di Samalia mujëë di bi tei soni u bigi u di a bi dë fajafaja u konda dee soni a bi lei? (Joh. 4:7, 28; Mat. 6:33; Luk. 10:40-42)

Woto 91

Jesosi ta lei sëmbë soni a wan kuun liba

1. Naasë Jesosi dë ta lei sëmbë soni te i luku di peentje, nöö ambë da dee sëmbë dee sindo möön zuntu ku ën?

2. Unfa de ta kai dee 12 apösutu?

3. Andi da di Könuköndë di Jesosi ta pleiki fëën?

4. Fu un pei soni Jesosi piki dee sëmbë u de ta begi da?

5. Andi Jesosi taki u di fa sëmbë musu ta libi ku de na de?

Woto hakisi möön:

1. Lesi Mateosi 5:1-12.

   Na un fasi u sa lei taa u abi Gadu fanöudu? (Mat. 5:3; Lom. 10:13-15; 1 Tim. 4:13, 15, 16)

2. Lesi Mateosi 5:21-26.

   Unfa Mateosi 5:23, 24 ta lei taa di fasi fa u ta libi ku dee baaa ku sisa fuu abi kaakiti a di matifasi di u abi ku Jehovah? (Mat. 6:14, 15; Ps. 133:1; Kol. 3:13; 1 Joh. 4:20)

3. Lesi Mateosi 6:1-8.

   Andi da wan tu soni di sëmbë ta du u lei taa de bunu möön wotowan, di Keesitu sëmbë an musu du? (Luk. 18:11, 12; 1 Kol. 4:6, 7; 2 Kol. 9:7)

4. Lesi Mateosi 6:25-34.

   Andi Jesosi ta lei u u di biibi di u musu abi taa Jehovah o da u dee soni u abi fanöudu a di libi? (Ëki. 16:4; Ps. 37:25; Fil. 4:6)

5. Lesi Mateosi 7:1-11.

   Andi u ta lei u di nöngö di Jesosi koti a Mateosi 7:5? (Nöng. 26:12; Lom. 2:1; 14:10; Jak. 4:11, 12)

Woto 92

Jesosi ta weki dëdë sëmbë

1. Ambë da di tata u di mujëë mii a di peentje, nöö faandi mbei hën ku hën mujëë bi ta kusumi sö?

2. Andi Jailusi du di a feni Jesosi?

3. Andi pasa di Jesosi nango a Jailusi wosu, nöö un buka Jailusi kisi di a dë a pasi liba?

4. Faandi mbei dee sëmbë a di wosu u Jailusi ta lafu Jesosi?

5. Andi Jesosi du baka di a tei dii apösutu ku di mama ku di tata u di mujëë mii go a di mujëë mii kamba dendu?

6. Ambë möön Jesosi weki puu a dëdë, nöö andi di soni dë ta lei u?

Woto hakisi möön:

1. Lesi Lukasi 8:40-56.

   Unfa Jesosi bi lei taa a bi a’ tjalihati u di mujëë di bi ta lasi buuu, nöö unfa a bi lei taa a bi ta fusutëën? Andi dee gaanwomi u gemeente u di ten aki sa lei u disi? (Luk. 8:43, 44, 47, 48; Leif. 15:25-27; Mat. 9:12, 13; Kol. 3:12-14)

2. Lesi Lukasi 7:11-17.

   Unfa dee sëmbë dee lobiwan u de dëdë sa feni kötöhati a di soni di Jesosi piki di mujëë u Nain di manu fëën dëdë disa? (Luk. 7:13; 2 Kol. 1:3, 4; Heb. 4:15)

3. Lesi Johanisi 11:17-44.

   Unfa Jesosi lei taa an dë wan föutu soni u tjali te wan lobiwan fuu dëdë? (Joh. 11:33-36, 38; 2 Sam. 18:33; 19:1-4)

Woto 93

Jesosi da gaan hia sëmbë njanjan

1. Un gaan hogi miti Johanisi di Dopuma, nöö unfa Jesosi fii di a jei andi pasa?

2. Unfa Jesosi da dee gaan hia sëmbë dee ta waka nëën baka njanjan, nöö unfa di njanjan fika hia tjika?

3. Faandi mbei dee bakama u Jesosi fëëë a di ndeti, nöö andi pasa ku Petuisi?

4. Unfa Jesosi da dusudusu sëmbë njanjan di u tu pasi?

5. Faandi mbei a o dë wan gaan bunu soni te Jesosi o tii goonliba kuma di Könu di Gadu buta?

Woto hakisi möön:

1. Lesi Mateosi 14:1-32.

   1. Andi di woto di sikifi a Mateosi 14:23-32 ta lei u di fasi fa Petuisi bi dë?

   2. Unfa di Bëibel ta lei taa Petuisi tooka di fasi fëën dë ku söseei taa an ta du soni ku hediwai möön? (Mat. 14:27-30; Joh. 18:10; 21:7; Tjab. 2:14, 37-40; 1 Pet. 5:6, 10)

2. Lesi Mateosi 15:29-38.

   Unfa Jesosi lei taa an ta poi soni di hën Tata ta da sëmbë? (Mat. 15:37; Joh. 6:12; Kol. 3:15)

3. Lesi Johanisi 6:1-21.

   Unfa Keesitu sëmbë u di ten aki ta waka a Jesosi baka te de ta lesipeki lanti? (Joh. 6:15; Mat. 22:21; Lom. 12:2; 13:1-4)

Woto 94

A lobi piki mii

1. Fu un soni dee apösutu ta fia ku de na de di de tei di langa pasi nango baka a wosu?

2. Faandi mbei Jesosi kai wan piki mii ko buta leti a dee apösutu fëën mindi?

3. Na un futu dee apösutu musu lei u dë kuma piki mii?

4. Unfa Jesosi lei wan tu liba baka di dë taa a lobi piki mii?

Woto hakisi möön:

1. Lesi Mateosi 18:1-4.

   Faandi mbei Jesosi ta koti nöngö u lei sëmbë soni? (Mat. 13:34, 36; Maik. 4:33, 34)

2. Lesi Mateosi 19:13-15.

   Un bunu fasi di piki mii abi useei musu abi ee u kë feni dee bunu u di Könuköndë? (Ps. 25:9; 138:6; 1 Kol. 14:20)

3. Lesi Maikusi 9:33-37.

   Andi Jesosi lei dee bakama u di suku sëmbë ta suku hei da deseei? (Maik. 9:35; Mat. 20:25, 26; Gal. 6:3; Fil. 2:5-8)

4. Lesi Maikusi 10:13-16.

   A bi taanga da sëmbë u go fan ku Jesosi ö? Andi dee gaanwomi u gemeente sa lei fëën? (Maik. 6:30-34; Fil. 2:1-4; 1 Tim. 4:12)

Woto 95

Di fasi fa Jesosi ta lei sëmbë soni

1. Andi wan womi hakisi Jesosi, nöö faandi mbei a hakisi ën sö?

2. Andi Jesosi ta tei so juu u lei sëmbë soni, nöö andi u lei u dee Dju sëmbë ku dee Samalia sëmbë kaa?

3. Andi pasa ku wan Dju womi di dë a pasi nango a Jelusalen, kumafa Jesosi konda a di woto fëën?

4. Andi pasa di wan begima u dee Dju sëmbë ku wan Leifi sëmbë ko ta waka pasa a di pasi?

5. Ambë da di sëmbë a di peentje di ta heepi di Dju womi di kisi makei?

6. Andi Jesosi bia hakisi di womi di a kaba konda di woto, nöö unfa di womi piki?

Woto hakisi möön:

1. Lesi Lukasi 10:25-37.

   1. Unfa Jesosi bi heepi wan u dee sabima u wëti u go pakisei soni bunu, ka faa dëën di piki wantewante? (Luk. 10:26; Mat. 16:13-16)

   2. Unfa Jesosi taki a nöngö fasi u lei dee sëmbë dee ta haikëën u de an pakisei hogi u wotowan? (Luk. 10:36, 37; 18:9-14; Tit. 1:9)

Woto 96

Jesosi ta kula sikima

1. Andi Jesosi ta du te a ta waka lontu hii di köndë?

2. Andi Jesosi piki dee apösutu fëën söwan dii jaa baka di a tei dopu?

3. Ambë da dee sëmbë a di peentje, nöö andi Jesosi du da di mujëë?

4. Faandi mbei di piki u Jesosi mbei sen kisi dee hedima u keiki dee ta kuutu ën?

5. Andi Jesosi du da tu bookowojoma dee ta begi sëmbë soni, di hën ku dee apösutu fëën ko dë zuntu ku Jelikou?

6. Faandi mbei Jesosi ta du foombo wooko?

Woto hakisi möön:

1. Lesi Mateosi 15:30, 31.

   Na un waiti fasi Jesosi lei fa Jehovah abi makiti tjika? Nöö andi di soni dë musu mbei u fusutan u dee soni Jehovah paamusi u du a di njunjun goonliba? (Ps. 37:29; Jes. 33:24)

2. Lesi Lukasi 13:10-17.

   Jesosi bi du so u dee möön gaan foombo wooko fëën a Saba daka. Unfa di soni dë ta lei fa a o tja böö ko da libisëmbë a di pisiten u di Dusu Jaa Tii fëën? (Luk. 13:10-13; Ps. 46:9; Mat. 12:8; Kol. 2:16, 17; Ako. 21:1-4)

3. Lesi Mateosi 20:29-34.

   Unfa di woto aki ta lei taa Jesosi an bi ta abi hia soni u du poi taa an bi sa heepi sëmbë? Andi u sa lei u disi? (Deto. 15:7; Jak. 2:15, 16; 1 Joh. 3:17)

Woto 97

Jesosi ta ko kuma könu

1. Andi Jesosi piki dee bakama fëën u de du di a dou a wan piki köndë di dë zuntu u Jelusalen?

2. Te i luku di peentje, nöö andi pasa di Jesosi ko zuntu u di foto Jelusalen?

3. Andi dee piki mii du di de si Jesosi ta kula dee bookowojoma ku dee lanma?

4. Andi Jesosi piki dee gaan begima dee dë ku hati boonu?

5. Unfa u sa dë kuma dee piki mii dee tan gafa Jesosi?

6. Andi dee bakama u Jesosi kë ko sabi?

Woto hakisi möön:

1. Lesi Mateosi 21:1-17.

   1. Andi tooka a di fasi fa Jesosi denda a Jelusalen, ku di fasi fa dee hedima u sodati u Loomë bi ta du te de bi wini feti? (Mat. 21:4, 5; Sak. 9:9; Fil. 2:5-8; Kol. 2:15)

   2. Andi dee njönku wan sa lei u dee piki womi mii u Isaëli dee bi taki soni u Psalöm 118, di Jesosi denda a di Wosu u Gadu? (Mat. 21:9, 15; Ps. 118:25, 26; 2 Tim. 3:15; 2 Pet. 3:18)

2. Lesi Johanisi 12:12-16.

   Andi a bi kë taki di dee sëmbë dee bi ta bigi Jesosi, tei palo maun ta wai dëën? (Joh. 12:13; Fil. 2:10; Ako. 7:9, 10)

Woto 98

De dë a di Oleifi Kuun liba

1. Undi u dee womi a di peentje da Jesosi, nöö ambë ku ën sai dë?

2. Andi dee begima bi pooba u du ku Jesosi a di Wosu u Gadu, nöö andi a bi piki de?

3. Andi dee apösutu hakisi Jesosi?

4. Faandi mbei Jesosi konda da dee apösutu fëën andi da so u dee soni dee o pasa te a o dë Könu?

5. Andi Jesosi taki taa o pasa ufö a puu hii pei hogilibi a goonliba?

Woto hakisi möön:

1. Lesi Mateosi 23:1-39.

   1. Bëibel ta lei taa a sa fiti u kai wan sëmbë a di në di a kisi u di hei a abi. Ma andi Jesosi taki a Mateosi 23:8-11 di ta lei taa an bunu u da wan sëmbë në ta hei ën a wan apaiti fasi a di gemeente? (Tjab. 26:25; Lom. 13:7; 1 Pet. 2:13, 14)

   2. Andi dee Faliseima bi ta du u pooba u tapa sëmbë u de an toon Keesitu sëmbë, nöö unfa hedima u keiki ta wooko a di wan seei fasi a di ten aki? (Mat. 23:13; Luk. 11:52; Joh. 9:22; 12:42; 1 Tes. 2:16)

2. Lesi Mateosi 24:1-14.

   1. Unfa Mateosi 24:13 ta lei gbelingbelin taa a dë fanöudu u hoi dou?

   2. Andi dee wöutu „tee dou di kaba” a Mateosi 24:13 kë taki? (Mat. 16:27; Lom. 14:10-12; 2 Kol. 5:10)

3. Lesi Maikusi 13:3-10.

   Andi sikifi a Maikusi 13:10 di ta lei taa a dë taanga fanöudu u pleiki di bunu njunsu, nöö un kaakiti dee wöutu u Jesosi musu abi a u liba? (Lom. 13:11, 12; 1 Kol. 7:29-31; 2 Tim. 4:2)

Woto 99

De dë a wan kamba a liba

1. Kumafa i ta si a di peentje, faandi mbei Jesosi ku dee 12 apösutu fëën dë a di gaan kamba dendu?

2. Ambë da di womi di ta waka nango dë, nöö andi a nango du?

3. Un apaiti njanjan Jesosi seti baka di de kaba njan di Pasika?

4. Andi di Pasika bi ta mbei dee Isaëli sëmbë mëni, nöö andi di apaiti njanjan dë ta mbei dee bakama u Jesosi mëni?

5. Andi Jesosi piki dee bakama fëën baka di Ndeti Njanjan u Masa, nöö andi de du?

Woto hakisi möön:

1. Lesi Mateosi 26:14-30.

   1. Unfa Mateosi 26:15 ta lei taa ku ënseei kë Judasi tja Jesosi go sei?

   2. Kai tu soni di pasa u di Jesosi buuu kai a goon. (Mat. 26:27, 28; Jel. 31:31-33; Ef. 1:7; Heb. 9:19, 20)

2. Lesi Lukasi 22:1-39.

   Na un futu Saatan bi go a Judasi hati? (Luk. 22:3; Joh. 13:2; Tjab. 1:24, 25)

3. Lesi Johanisi 13:1-20.

   1. Te u luku andi sikifi a Johanisi 13:2, nöö na Judasi hën abi di föutu u di soni a du ö? Andi dee futuboi u Gadu sa lei u di woto aki? (Ken. 4:7; 2 Kol. 2:11; Gal. 6:1; Jak. 1:13, 14)

   2. Un fanöudu soni Jesosi bi lei u ku di soni hënseei bi du? (Joh. 13:15; Mat. 23:11; 1 Pet. 2:21)

4. Lesi Johanisi 17:1-26.

   Andi Jesosi bi kë taki di a bi begi da dee bakama fëën taa de musu „dë di wan makandi”? (Joh. 17:11, 21-23; Lom. 13:8; 14:19; Kol. 3:14)

Woto 100

Jesosi dë a di djai dendu

1. Naasë Jesosi ku dee apösutu fëën go baka di de kumutu a di liba kamba, nöö andi a piki de u de du?

2. Andi Jesosi si di a toona go baka ka dee apösutu dë, nöö un mëni pasi di soni dë pasa?

3. Ambë denda a di djai, nöö andi Judasi Isikaliotu ta du, kumafa i ta si a di peentje?

4. Faandi mbei Judasi bosi Jesosi, nöö andi Petuisi ta du?

5. Andi Jesosi piki Petuisi, ma faandi mbei Jesosi an hakisi Gadu u manda engel ko heepi ën?

Woto hakisi möön:

1. Lesi Mateosi 26:36-56.

   1. Un bunu soni dee gaanwomi u gemeente a di ten aki sa lei u di fasi fa Jesosi da dee bakama fëën lai? (Mat. 20:25-28; 26:40, 41; Gal. 5:17; Ef. 4:29, 31, 32)

   2. Unfa Jesosi bi ta feni ën te sëmbë ta tei fetilai u du soni ku wotowan? (Mat. 26:52; Luk. 6:27, 28; Joh. 18:36)

2. Lesi Lukasi 22:39-53.

   Di ko di wan engel ko a Jesosi a di djai Gëtiseimani u dëën taanga kë taki taa Jesosi biibi bi ta suwaki ö? Booko ën da u. (Luk. 22:41-43; Jes. 49:8; Mat. 4:10, 11; Heb. 5:7)

3. Lesi Johanisi 18:1-12.

   Unfa Jesosi bi tjubi dee bakama fëën da dee felantima fëën, nöö andi u sa lei u disi? (Joh. 10:11, 12; 18:1, 6-9; Heb. 13:6; Jak. 2:25)

Woto 101

De kii Jesosi

1. Ambë musu tja hebi u di dëdë u Jesosi?

2. Andi dee apösutu du di dee hedima u keiki kisi Jesosi?

3. Andi pasa a di wosu u di Kaba Hei Begima de kai Kajafasi?

4. Faandi mbei Petuisi kule go a döö go këë te a begi?

5. Baka di Jesosi toona go baka a Pilati, nöö andi dee kaba hei begima ta bai?

6. Andi pasa ku Jesosi feeda sapate, nöö andi a paamusi wan hogiduma di de bi peka nëën bandja?

7. Naasë di Paladëisi di Jesosi bi taki fëën o dë?

Woto hakisi möön:

1. Lesi Mateosi 26:57-75.

   Na un fasi dee kuutuma u dee Dju lei taa de abi takuhati? (Mat. 26:59, 67, 68)

2. Lesi Mateosi 27:1-50.

   Faandi mbei u sa taki taa Judasi an bi tjali tuutuu u di hogi a bi du? (Mat. 27:3, 4; Maik. 3:29; 14:21; 2 Kol. 7:10, 11)

3. Lesi Lukasi 22:54-71.

   Andi u sa lei u di taki di Petuisi taki taa an sabi Jesosi a di ndeti di de sei Jesosi da dee felantima fëën be de kisi ën? (Luk. 22:60-62; Mat. 26:31-35; 1 Kol. 10:12)

4. Lesi Lukasi 23:1-49.

   Andi Jesosi du di sëmbë du hogi ku ën, nöö andi u sa lei u disi? (Luk. 23:33, 34; Lom. 12:17-19; 1 Pet. 2:23)

5. Lesi Johanisi 18:12-40.

   Hii fa wan pisiten Petuisi bi ta fëëë libisëmbë, tökuseei a toon wan bumbuu apösutu. Andi u ta lei u di dë? (Joh. 18:25-27; 1 Kol. 4:2; 1 Pet. 3:14, 15; 5:8, 9)

6. Lesi Johanisi 19:1-30.

   1. Unfa Jesosi bi ta si gudu a wan soifi fasi? (Joh. 2:1, 2, 9, 10; 19:23, 24; Mat. 6:31, 32; 8:20)

   2. Unfa dee soni Jesosi taki di böö fëën bi ta koti ta lei gbelingbelin taa a tan hoi baka da di leti Jehovah abi u tii hii soni? (Joh. 16:33; 19:30; 2 Pet. 3:14; 1 Joh. 5:4)

Woto 102

Jesosi dë ku libi

1. Ambë da di mujëë a di peentje, ambë da dee tu womi, nöö naasë de dë?

2. Faandi mbei Pilati piki dee begima u de buta sodati watji di geebi ka de bei Jesosi?

3. Andi wan engel du di fuukufuuku mamate a di u dii daka baka di Jesosi dëdë, ma andi dee begima du?

4. Faandi mbei so u dee mujëë foondo di de go luku di geebi ka de bei Jesosi?

5. Faandi mbei Petuisi ku Johanisi kule go a di geebi ka de bei Jesosi, nöö andi de si di de dou naandë?

6. Andi pasa ku di sinkii u Jesosi, ma andi a du u lei dee bakama fëën taa a dë ku libi?

Woto hakisi möön:

1. Lesi Mateosi 27:62-66 ku 28:1-15.

   Unfa dee gaan begima, dee Faliseima ku dee gaan womi bi ta sösö di santa jeje u Gadu? (Mat. 12:24, 31, 32; 28:11-15)

2. Lesi Lukasi 24:1-12.

   Unfa di woto u di wekibaka u Jesosi ta lei taa Jehovah ta si mujëë sëmbë kuma kotoigima di dë u futoou? (Luk. 24:4, 9, 10; Mat. 28:1-7)

3. Lesi Johanisi 20:1-12.

   Unfa Johanisi 20:8, 9 ta heepi u u si taa u musu hoi pasensi te wa ta fusutan hii soni u wan Bëibel woto di ko tuu? (Nöng. 4:18; Mat. 17:22, 23; Luk. 24:5-8; Joh. 16:12)

Woto 103

De dë a wan söötösöötö kamba

1. Andi Malia taki da di womi di a si kuma di sëmbë di ta seeka di djai, nöö unfa a du ko sabi taa Jesosi hën di dë?

2. Andi pasa ku tu bakama u Jesosi di bi ta waka nango a di köndë Emausu?

3. Un foombo soni pasa di tu bakama u Jesosi piki dee apösutu taa de si Jesosi?

4. Un mëni pasi Jesosi tjëën seei go lei dee bakama fëën?

5. Andi Tomasi taki di a jei taa dee bakama u Masa si ën, ma andi pasa aiti daka baka di dë?

Woto hakisi möön:

1. Lesi Johanisi 20:11-29.

   Di soni Jesosi taki a Johanisi 20:23 ta da libisëmbë pasi u da paadon u zöndu ö? Booko ën da u. (Ps. 49:2, 7; Jes. 55:7; 1 Tim. 2:5, 6; 1 Joh. 2:1, 2)

2. Lesi Lukasi 24:13-43.

   Unfa u sa seeka u hati sö taa a tei dee tuu lei u Bëibel? (Luk. 24:32, 33; Ësl. 7:10; Mat. 5:3; Tjab. 16:14; Heb. 5:11-14)

Woto 104

Jesosi nango baka a Gadu

1. Un mëni bakama u Jesosi si ën a wan okasi, nöö fu un pei soni a ta fan ku de?

2. Andi da di Könuköndë u Gadu, nöö unfa di libi o dë a goonliba te Jesosi o tii wan dusu jaa longi kuma Könu?

3. Un mëni daka longi Jesosi tjëën seei go lei dee bakama fëën, nöö andi juu fëën dou awaa faa du?

4. Andi Jesosi piki dee bakama fëën sati ufö a go disa de?

5. Andi i ta si ta pasa a di peentje, nöö unfa a du ko taa dee bakama u Jesosi an sa si ën möön?

Woto hakisi möön:

1. Lesi 1 Kolenti 15:3-8.

   Faandi mbei apösutu Paulosu bi sa taki waiwai u di wekibaka u Jesosi, nöö fu un pei soni Keesitu sëmbë a di ten aki sa taki waiwai fëën? (1 Kol. 15:4, 7, 8; Jes. 2:2, 3; Mat. 24:14; 2 Tim. 3:1-5)

2. Lesi Tjabukama 1:1-11.

   Unfa di bunu buka paaja tjika kumafa Tjabukama 1:8 bi taki a fesi? (Tjab. 6:7; 9:31; 11:19-21; Kol. 1:23)

Woto 105

De ta wakiti a Jelusalen

1. Andi pasa ku dee bakama u Jesosi dee bi ta wakiti a Jelusalen, kumafa i ta si a di peentje?

2. Andi miti dee sëmbë dee bi ko a Jelusalen?

3. Andi Petuisi konda da dee sëmbë?

4. Unfa dee sëmbë fii baka di de haika Petuisi, nöö andi a piki de u de du?

5. Un mëni sëmbë dopu a di Pensiti u di jaa 33?

Woto hakisi möön:

1. Lesi Tjabukama 2:1-47.

   1. Unfa dee wöutu u Petuisi a Tjabukama 2:23, 36 ta lei taa hii di Dju nasiön bi tja hebi fu di dëdë u Jesosi? (1 Tes. 2:14, 15)

   2. Andi u sa lei u di fasi fa Petuisi bi ta taki nango ta ko u Bëibel? (Tjab. 2:16, 17, 29, 31, 36, 39; Kol. 4:6)

   3. Unfa Petuisi wooko ku di fosu söötö u di könuköndë, di Jesosi bi paamusi u dëën? (Tjab. 2:14, 22-24, 37, 38; Mat. 16:19)

Woto 106

De kumutu a dunguwosu

1. Andi pasa ku Petuisi ku Johanisi wan sapate buka di de bi nango a di Wosu u Gadu?

2. Andi Petuisi piki wan lan womi, nöö andi Petuisi dëën di waiti möön möni?

3. Faandi mbei dee hedima u keiki hati bi boonu, nöö andi de du ku Petuisi ku Johanisi?

4. Andi Petuisi piki dee hedima u keiki, nöö na un soni de bai dee apösutu?

5. Faandi mbei dee hedima u keiki bi ta djalusu, ma andi pasa di de buta dee apösutu a dunguwosu di u tu pasi?

6. Unfa dee apösutu piki di de tja de go a kuutu?

Woto hakisi möön:

1. Lesi Tjabukama 3:1-10.

   Hii fa wa abi makiti u du foombo soni a di ten aki, tökuseei unfa dee soni Petuisi taki a Tjabukama 3:6 ta heepi u u si di waiti u di könuköndë buka? (Joh. 17:3; 2 Kol. 5:18-20; Fil. 3:8)

2. Lesi Tjabukama 4:1-31.

   Andi u sa lei u dee fosu Keesitu baaa ku sisa te sëmbë ta du ku u a di pleikiwooko? (Tjab. 4:29, 31; Ef. 6:18-20; 1 Tes. 2:2)

3. Lesi Tjabukama 5:17-42.

   Unfa sëmbë u fosuten ku di ten aki di an dë kotoigi bi hoi baka da di pleikiwooko? (Tjab. 5:34-39)

Woto 107

De naki Sitefani ku sitonu kii

1. Ambë da Sitefani, nöö andi Gadu bi ta heepi ën faa du?

2. Andi Sitefani taki di mbei dee hedima u keiki hati boonu seei?

3. Andi dee womi du ku Sitefani di de hai ën tja go a döösë u di foto?

4. Ambë da di njönku womi a di peentje di taanpu a di djakiti bandja?

5. Faandi Sitefani begi Jehovah bifö a dëdë?

6. Unfa u sa waka a Sitefani baka te wan sëmbë du hogi ku u?

Woto hakisi möön:

1. Lesi Tjabukama 6:8-15.

   Un soni dee hedima u keiki ta mindi u tapa di pleikiwooko u Jehovah Kotoigi? (Tjab. 6:9, 11, 13)

2. Lesi Tjabukama 7:1-60.

   1. Andi heepi Sitefani u hopo taki da di bunu buka di a bi dë a kuutu, nöö andi u sa lei u di soni aki? (Tjab. 7:51-53; Lom. 15:4; 2 Tim. 3:14-17; 1 Pet. 3:15)

   2. Unfa u musu libi ku sëmbë di ta fuka u a di wooko fuu? (Tjab. 7:58-60; Mat. 5:44; Luk. 23:33, 34)

Woto 108

De dë a pasi nango a Damasikusi

1. Andi Saulosu du baka di de kii Sitefani?

2. Un foombo soni pasa di Saulosu dë a pasi nango a Damasikusi?

3. Andi Jesosi piki Saulosu faa du?

4. Andi Jesosi piki Ananiasi, nöö unfa a du ko taa Saulosu wojo ko limbo baka?

5. Unfa de bia ko ta kai Saulosu, nöö un wooko a du a di gemeente?

Woto hakisi möön:

1. Lesi Tjabukama 8:1-4.

   Unfa di du de bi ta du ku di fosu Keesitu gemeente bi mbei taa di Keesitu biibi paaja a hii së, nöö unfa di wan seei soni ta pasa a di ten aki tu? (Tjab. 8:4; Jes. 54:17)

2. Lesi Tjabukama 9:1-20.

   Andi da dee dii soni di Saulosu bi o du a di wooko fëën kumafa Jesosi bi piki ën? (Tjab. 9:15; 13:5; 26:1; 27:24; Lom. 11:13)

3. Lesi Tjabukama 22:6-16.

   Unfa u sa dë kuma Ananiasi, nöö faandi mbei a dë fanöudu? (Tjab. 22:12; 1 Tim. 3:7; 1 Pet. 1:14-16; 2:12)

4. Lesi Tjabukama 26:8-20.

   Unfa di bia di Saulosu bia tei di Keesitu biibi, ta taanga dee wan di mujëë nasö manu u de an dë a di biibi? (Tjab. 26:11; 1 Tim. 1:14-16; 2 Tim. 4:2; 1 Pet. 3:1-3)

Woto 109

Petuisi go a Konelisi

1. Ambë da di womi a di peentje di tjökö kini a goon?

2. Andi wan engel piki Konelisi?

3. Andi Gadu mbei Petuisi si di a bi dë a di wosu liba u Simon a Jopa?

4. Faandi mbei Petuisi piki Konelisi taa an musu tjökö kini a goon begi ën?

5. Faandi mbei dee Dju bakama u Jesosi dee bi dë ku Petuisi foondo?

6. Un fanöudu soni u sa lei u di go di Petuisi bi go luku Konelisi?

Woto hakisi möön:

1. Lesi Tjabukama 10:1-48.

   Andi dee soni Petuisi taki a Tjabukama 10:24 ta lei u u di pleiki u di bunu buka u di Könuköndë? (Mat. 28:19; Maik. 13:10; Tjab. 1:8)

2. Lesi Tjabukama 11:1-18.

   Andi Petuisi du di a ko sabi unfa Jehovah ta si sëmbë di an dë Dju, nöö unfa u sa waka a Petuisi baka? (Tjab. 11:17, 18; 2 Kol. 10:5; Ef. 5:17)

Woto 110

Timoteo ta heepi Paulosu

1. Ambë da di njönku kijoo a di peentje? Naasë a ta libi, nöö unfa de kai hën mama ku ën avo në?

2. Unfa Timoteo piki di Paulosu hakisi ën ee a kë go ku ën ku Silasi u go pleiki da dee sëmbë dee ta libi a longi kamian?

3. Na un kamian de kai dee bakama u Jesosi, Keesitu sëmbë u di fosu pasi?

4. Unfa de kai wan tu u dee köndë ka Paulosu, Silasi ku Timoteo go di de kumutu a Lisita?

5. Unfa Timoteo heepi Paulosu, nöö andi njönku wan u di ten aki musu hakisi de seei?

Woto hakisi möön:

1. Lesi Tjabukama 9:19-30.

   Unfa apösutu Paulosu bi dë ku köni te de bi ta penëën u di bunu buka hedi? (Tjab. 9:22-25, 29, 30; Mat. 10:16)

2. Lesi Tjabukama 11:19-26.

   Unfa di woto di sikifi a Tjabukama 11:19-21, 26 ta lei taa di jeje u Jehovah hën ta tja di pleikiwooko?

3. Lesi Tjabukama 13:13-16, 42-52.

   Unfa Tjabukama 13:51, 52 ta lei taa dee bakama u Jesosi an bi ta lasi hati hii fa sëmbë bi ta du ku de? (Mat. 10:14; Tjab. 18:6; 1 Pet. 4:14)

4. Lesi Tjabukama 14:1-6, 19-28.

   Unfa dee wöutu „mi ta disa unu da Jehovah” ta lei u taa wa musu booko u hedi poi te u ta heepi njunjun sëmbë? (Tjab. 14:21-23; 20:32; Joh. 6:44)

5. Lesi Tjabukama 16:1-5.

   Unfa di dë di Timoteo bi dë kabakaba u go koti ën seei ta lei taa u musu du „hii soni u di bunu buka hedi”? (Tjab. 16:3; 1 Kol. 9:23; 1 Tes. 2:8)

6. Lesi Tjabukama 18:1-11, 18-22.

   Unfa Tjabukama 18:9, 10 ta lei u taa Jesosi ta hoi baka da di pleikiwooko, nöö un futoou a ta da u a di ten aki? (Mat. 28:20)

Woto 111

Wan womi mii djönkö

1. Ambë da di womi mii kandikandi a goon a di peentje, nöö andi pasa ku ën?

2. Andi Paulosu du di a si taa di womi mii dëdë?

3. Naasë Paulosu, Timoteo ku dee woto sëmbë dee ta waka ku de nango, nöö andi pasa di de tapa a Milete?

4. Andi di tjabukama Agabusi bi piki Paulosu, nöö unfa soni pasa leti kumafa di tjabukama bi taki?

Woto hakisi möön:

1. Lesi Tjabukama 20:7-38.

   1. Kumafa Paulosu taki a Tjabukama 20:26, 27, nöö andi u musu du fu wa abi ’di buuu u woto sëmbë a u liba’? (Eze. 33:8; Tjab. 18:6, 7)

   2. Faandi mbei dee gaanwomi an musu ’bia di buka u Gadu’ te de ta lei sëmbë? (Tjab. 20:17, 29, 30; Tit. 1:7-9; 2 Tim. 1:13)

2. Lesi Tjabukama 26:24-32.

   Unfa di dë Paulosu bi dë wan Loomë sëmbë bi heepi ën u du di pleikiwooko di Jesosi bi dëën faa du? (Tjab. 9:15; 16:37, 38; 25:11, 12; 26:32; Luk. 21:12, 13)

Woto 112

Di boto singi a wan paati

1. Andi pasa ku di boto ka Paulosu bi dë, di de ta pasa a bandja së u di paati de kai Keeta?

2. Andi Paulosu piki dee sëmbë dee bi dë a di boto dendu?

3. Unfa a du ko taa di boto booko pisipisi?

4. Andi di sodati kabiteni bi taki, nöö un mëni sëmbë dou a tela libilibi?

5. Unfa de ta kai di paati ka de dou a tela, nöö andi pasa ku Paulosu di di wei ko ta bëtë pikisö?

Woto hakisi möön:

1. Lesi Tjabukama 27:1-44.

   Unfa u ta ko abi wan taanga biibi taa dee woto u Bëibel da tuutuu soni te u lesi di woto u di go Paulosu bi go a Loomë? (Tjab. 27:16-19, 27-32; Luk. 1:3; 2 Tim. 3:16, 17)

2. Lesi Tjabukama 28:1-14.

   Dee heiden sëmbë u Malita bi kisi Paulosu ku dee woto sëmbë a di booko boto ’ku wai, nöö de hoi de bunu’. Andi Keesitu sëmbë musu du tu, ma unfa de musu du ën? (Tjab. 28:1, 2; Heb. 13:1, 2; 1 Pet. 4:9)

Woto 113

Paulosu dë a Loomë

1. Ambë Paulosu bi pleiki da di a bi dë a dunguwosu a Loomë?

2. Te u luku di peentje, nöö ambë da di womi di dë sindosindo a di tafa bandja, nöö andi a ta du da Paulosu?

3. Ambë da Epafodisi, nöö andi a tja di a toona go baka a Filipi?

4. Faandi mbei Paulosu sikifi wan biifi da di gaan mati fëën Filemon?

5. Andi Paulosu du di de puu ën a dunguwosu, nöö andi pasa ku ën bakaten?

6. Ambë Jehovah tei u sikifi dee lasiti buku u di Bëibel, nöö fu un pei soni di buku Akoalimbo ta taki?

Woto hakisi möön:

1. Lesi Tjabukama 28:16-31 ku Filipi 1:13.

   Unfa Paulosu wooko ku di ten di a bi dë a dunguwosu, nöö un kaakiti di taanga biibi fëën bi abi a di Keesitu gemeente? (Tjab. 28:23, 30; Fil. 1:14)

2. Lesi Filipi 2:19-30.

   Unfa Paulosu bi abi lesipeki da Timoteo ku Epafodisi tjika, nöö unfa u sa waka a Paulosu baka? (Fil. 2:20, 22, 25, 29, 30; 1 Kol. 16:18; 1 Tes. 5:12, 13)

3. Lesi Filemon 1-25.

   1. Faandi mbei Paulosu bi da Filemon taanga faa du bunu, nöö andi di soni aki ta lei dee gaanwomi u di ten aki? (Filem. 9; 2 Kol. 8:8; Gal. 5:13)

   2. Unfa dee soni di Paulosu taki a Filemon 13, 14 ta lei taa a bi ta hoi wotowan a pakisei a di gemeente? (1 Kol. 8:7, 13; 10:31-33)

4. Lesi 2 Timoteo 4:7-9.

   Unfa u sa abi di futoou kuma apösutu Paulosu taa Jehovah o paka u ee u hoi dou te a di kaba? (Mat. 24:13; Heb. 6:10)

Woto 114

Di kaba u hogilibi

1. Faandi mbei di Bëibel ta taki u hasi a liba?

2. Unfa de ta kai di feti teka Gadu o feti ku dee hogihati sëmbë a goonliba, nöö faandi mbei a o feti di feti dë?

3. Te u luku di peentje, nöö ambë ta tei fesi a di feti? Faandi mbei a bisi wan könu kaapusa, nöö andi di ufangi fëën kë taki?

4. Faandi mbei an musu foondo u taa Gadu o kii hogidu sëmbë baka, te u luku Woto 10, Woto 15 ku Woto 33?

5. Unfa Woto 36 ku Woto 76 ta lei taa Gadu o kii hii hogidu sëmbë, hii fa de ta bai taa de ta dini Gadu?

Woto hakisi möön:

1. Lesi Akoalimbo 19:11-16.

   1. Unfa di Bëibel ta lei taa Jesosi Keesitu hën dë a di weti hasi liba? (Ako. 1:5; 3:14; 19:11; Jes. 11:4)

   2. Unfa di buuu di dë a di djapona u Jesosi ta lei taa a wini di feti kaa? (Ako. 14:18-20; 19:13)

   3. Ambë da dee sodati dee ta faaka Jesosi a di weti hasi fëën liba? (Ako. 12:7; 19:14; Mat. 25:31, 32)

Woto 115

Wan njunjun paladëisi a goonliba

1. Unfa di libi o dë a di Paladëisi a goonliba kumafa di Bëibel taki?

2. Andi Bëibel paamusi dee sëmbë dee o libi a di Paladëisi?

3. Un ten Jesosi o mbei dee soni aki pasa?

4. Di Jesosi bi dë a goonliba, nöö andi a bi du u lei taa sö a o du te a toon Könu u di Könuköndë u Gadu?

5. Andi Jesosi ku dee wan dee o dë a Gadu ta tii di goonliba makandi ku ën o du?

Woto hakisi möön:

1. Lesi Akoalimbo 5:9, 10.

   Faandi mbei u sa dë seiki taa dee wan dee o tii di goonliba dusu jaa longi, o ta fii da sëmbë, nöö de o abi tjalihati u sëmbë tu? (Ef. 4:20-24; 1 Pet. 1:7; 3:8; 5:6-10)

2. Lesi Akoalimbo 14:1-3.

   Andi a kë taki taa di në u di Tata ku di në u di Sikapu Mii dë sikifisikifi a dee 144.000 sëmbë mindifesi? (1 Kol. 3:23; 2 Tim. 2:19; Ako. 3:12)

Woto 116

Andi u musu du fuu sa libi u teego

1. Andi u musu ko sabi fuu sa libi u teego?

2. Te u luku andi di piki mujëë mii ku dee mati fëën ta du a di peentje, nöö unfa u sa lei soni u Jehovah Gadu ku Jesosi?

3. Un woto buku i ta si a di peentje, nöö faandi mbei u musu lesi ën hibi juu?

4. Boiti taa u musu ko sabi möön soni u Jehovah ku Jesosi, andi u musu du jeti fuu sa libi u teego?

5. Andi u lei a Woto 69?

6. Kumafa u bi lei a Woto 55, nöö andi u sa lei u di bunu fasi fa di piki Samuëli bi ta tjëën seei?

7. Unfa u sa waka a Jesosi Keesitu baka, nöö andi woo sa du a di ten di ta ko ee u ta waka nëën baka nöunöu?

Woto hakisi möön:

1. Lesi Johanisi 17:3.

   Unfa Bëibel ta lei taa na te u sa hoi wan tu soni a hedi, hën da u sabi Jehovah Gadu ku Jesosi Keesitu kaa? (Mat. 7:21; Jak. 2:18-20; 1 Joh. 2:17)

2. Lesi Psalöm 145:1-21.

   1. Andi da wan tu u dee soni di mbei taa u musu gafa Jehovah? (Ps. 145:8-11; Ako. 4:11)

   2. Unfa Jehovah „bunu da hii sëmbë”, nöö unfa di soni dë musu mbei taa u ko möön zuntu fëën? (Ps. 145:9; Mat. 5:43-45)

   3. Ee u lobi Jehovah, nöö andi woo du? (Ps. 119:171, 172, 175; 145:11, 12, 21)