Fasi fa u sa paati di Hei Wakitimawosu ku dee brochure fuu

Di Hei Wakitimawosu 1 u tinimu-liba

„U ta lei dee sëmbë u di pisi wata aki di buku aki di u ta kai Di Hei Wakitimawosu. [Lei di sëmbë di kafiti.] So sëmbë ta feni taa i ta lasi i ten te i ta begi, u di na wan sëmbë dë di ta haika i. Ma woto sëmbë dë di ta biibi taa Gadu ta haika dee begi u de. Andi ii bi o taki? [Da di sëmbë pasi faa piki.] Luku andi Bëibel ta taki u begi. [Lesi Jesaaja 30:19.] Di buku aki ta taki u wan tu soni di ta lei u taa Gadu ta haika dee sëmbë dee ta begi a di soifi fasi, söseei dee ta begi u dee soni di de abi tuutuu fanöudu.”

Brochure: Haika Gadu nöö joo libi u teego!

Lei di sëmbë dee soni dee dë a bladsëidë 2 ku 3, nöö taki: „I bi o kë libi a wan goonliba kuma di i ta si a di peentje aki ö? [Da di sëmbë pasi faa piki.] Gadu buku ta paamusi u taa, abiti möön Gadu o mbei di goonliba ko toon wan gaan hanse kamian ka libisëmbë o ta libi bööböö, nöö de an o ta siki nasö ta pena möön. Luku andi u musu du fuu sa libi naandë. [Lesi di tëkisi u Jesaaja 55:3 di sikifi a liba u bladsëidë 3.] Di tëkisi aki ta piki u taa u musu ’ko a’ Gadu, nöö u ’haikëën’. Ma unfa u ta haika Gadu?” Go a bladsëidë 4 ku 5, nöö un taki fëën. Ee an abi ten, i sa disa di buku dëën, nöö i mbei wan buka ku ën u toona go nëën fuun luku di piki makandi.