10 Konkhe lokusalako kulomnikelo walokutinhlavu kutawuba kwa-Aroni nemadvodzana akhe. Loku kungcwele ngelizinga leliphakeme futsi kutsetfwe eminikelweni leya kuJehova leyentiwe ngemlilo.+

14 “‘Nangu umtsetfo lotawulandzelwa nakwentiwa umnikelo walokutinhlavu:+ Emadvodzana a-Aroni kufanele awuletse kuJehova embikweli-al’thare.

16 Bo-Aroni nemadvodzana akhe batawudla loko lokutawusala kulomnikelo.+ Loku kutawentiwa ngako sinkhwa lesite imvubelo futsi kudliwe endzaweni lengcwele. Kutawudlelwa ebaleni* lelithende lekuhlangana.+

8 Njalo ngeliSabatha, lesinkhwa kufanele sibekwe embikwaJehova.+ Lesi sivumelwane lesitawuhlala njalo emkhatsini wami nema-Israyeli. 9 Lesinkhwa sitawuba sa-Aroni nemadvodzana akhe.+ Kufanele basidlele endzaweni lengcwele,+ ngobe siyintfo lengcwele ngelizinga leliphakeme kumphristi futsi sitsetfwe eminikelweni leya kuJehova leyentiwa ngemlilo. Lona ngumtsetfo lotawuhlala njalo.”

9 Kuyo yonkhe iminikelo leyentiwa ngemlilo futsi lengcwele ngelizinga leliphakeme, naku lokutawuba kwenu: yonkhe iminikelo bantfu labayiletsa kimi, lokufaka ekhatsi iminikelo yabo yalokutinhlavu,+ iminikelo yesono+ kanye neminikelo yelicala.+ Leminikelo ingcwele ngelizinga leliphakeme kuwe nakumadvodzana akho.