17 Kwatsi nakufika umbiko kuDavide, ngekushesha wabita onkhe ema-Israyeli, bewela iJordane futsi befika kuwo batihlela baba libutfo bamelana nawo. Davide wawahlela aba libutfo lelilungele imphi kuze ahlangane nemaSiriya futsi balwa nawo.+ 18 Kodvwa emaSiriya ambalekela Israyeli futsi Davide wabulala emasotja lebekagibele tincola temahhashi langu-7 000 kanye nalangu-40 000 labekahamba ngetinyawo, wase ubulala Shofaki indvuna yelibutfo. 19 Ngesikhatsi tinceku taHadadezeri tibona kutsi setehlulwe ngema-Israyeli,+ ngekushesha takha kuthula naDavide futsi taba ngephansi kwakhe;+ emaSiriya awazange aphindze afune kusita sive sema-Amoni.