34 “‘Umhlaba wenu utawusala ungenalutfo futsi uphumule* ngalesikhatsi nine niseveni letitsa tenu. Ngaleso sikhatsi lomhlaba utawuphumula kuze kwenanwe sonkhe sikhatsi lebeningawuphumuti ngaso.+

46 “Nangabe bakona (ngobe kute umuntfu longoni),+ bese uyabatfukutselela futsi ubanikele esitseni, labo lababatfumbile bahambe nabo baye eveni lesitsa, lelikhashane nobe lelisedvute;+ 47 bese bayasanguluka eveni labatfunjelwe kulo,+ babuyele kuwe+ baphindze bacele umusa baseveni labatfunjelwe kulo+ batsi, ‘Sonile futsi sente liphutsa; sente lokubi,’+ 48 babuyele kuwe ngenhlitiyo+ yabo yonkhe nangemphefumulo* wabo wonkhe baseveni lesitsa sabo lesabatfumba, bathantaze kuwe babuke live labo lowalinika bokhokho babo futsi bathantaze babuke lidolobha lolikhetsile nalendlu lengiyakhele libito lakho,+ 49 shengatsi ungalalela usemazulwini, indzawo lohlala kuyo,+ umthantazo wabo nekucela kwabo umusa futsi ubancobele 50 futsi ucolele bantfu bakho labakonile, ucolele tonkhe tiphambeko tabo. Wena utakwenta lababatfumbile babe nemusa kubo futsi batawubavela buhlungu+

7 Awu Jehova, wena ulungile, kodvwa tsine sihlazekile,* njengobe kunjalo nalamuhla. Bantfu bakaJuda, nawo onkhe ema-Israyeli, nalabo labahlala eJerusalema, nabo bahlazekile, ngobe bonkhe ubahlakatele etindzaweni letidvutane naletikhashane ngenca yekungetsembeki kwabo.+