10 “Jehova Nkulunkulu wenu nasekaningenisile kulelive lafunga kubokhokho benu bo-Abrahama, Isaka naJakobe kutsi utaninika lona,+ lokungemadolobha lamakhulu futsi lamahle leningazange niwakhe,+ 11 netindlu letigcwele yonkhe inhlobo yetintfo letinhle leningazange nitisebentele, nemitfombo leningazange niyigubhe, kanye nemasimu emagilebisi netihlahla temncumo leningazange nitihlanyele, nalapho senidlile natenetisa,+ 12 nibocaphela kutsi ningamkhohlwa Jehova,+ lowanikhipha eveni laseGibhithe, live lebenigcilatwa kulo.

 4 Ungatikhandli kakhulu kuze utfole umcebo.+

Yekela kwenta njalo, futsi ukhombise kutsi unekucondza.*

19 “Ningatibekeli umcebo emhlabeni,+ lapho umvunya nekutfomba kungawudla khona, nalapho emasela angagcekeza khona awebe.

24 “Kute umuntfu longasebentela emakhosi lamabili, ngobe utawutondza lenye atsandze lelenye,+ nobe ahloniphe lenye edzelele lelenye. Ngeke nikhonte Nkulunkulu kanye nemcebo.+

36 Ngobe umuntfu utawuzuzani nangabe atfola konkhe lokuseveni kodvwa alahlekelwe kuphila kwakhe?+

15 Ngako watsi kubo: “Caphelani, futsi nitibalekele tonkhe tinhlobo tebukhali,*+ ngobe ngisho nalapho umuntfu anjingile kuphila kwakhe akuveli etintfweni lanato.”+

17 Yala* labo labanjingile kulelive* kutsi bangatikhukhumeti,* futsi bangabeki litsemba labo emcebeni lophelako,+ kodvwa balibeke kuNkulunkulu, losinika ngalokuphuphumako tonkhe tintfo letisijabulisako.+

16 ngobe tonkhe tintfo letiseveni, sifiso senyama,+ sifiso semehlo+ kanye nekubukisa* ngetintfo umuntfu lanato, akuveli kuBabe kodvwa kuvela eveni.