• Isaya 8:7, 8
    Lihumusho Lemhlaba Lomusha LemiBhalo Lengcwele

    •  7 Ngako-ke Jehova utawubangela kutsi bahlaselwe

      Ngemanti lamanyenti futsi lanemandla eMfula,*

      Yinkhosi yase-Asiriya+ kanye nalo lonkhe ludvumo lwayo.

      Itawufika kuyo yonkhe imifula yayo

      Futsi iphuphumele elusentseni lwayo

       8 Itsanyele lonkhe lakaJuda.

      Itawugcwala futsi iphuphume yendlule, ifike entsanyeni;+

      Timphiko tayo letivulekile titawugcwala lonkhe live lakho,

      Awu Imanuweli!”*+

  • Isaya 10:28-32
    Lihumusho Lemhlaba Lomusha LemiBhalo Lengcwele

    • 28 Yena ufikile e-Ayathi;+

      Wendlule eMigroni;

      EMikmashi+ ushiya imitfwalo yakhe.

      29 Sebendlulile kulelitubuko;

      Bacitse busuku eGeba;+

      IRama iyesaba, iGibeya+ yaSawula ibalekile.+

      30 Memeta ukhale, wena ndvodzakati yaseGalimu!

      Nakisisa wena Layisha!

      Ngivelana nawe, wena Anathothi!+

      31 IMadmena ibalekile.

      Bantfu baseGebimu bafune indzawo yekukhosela.

      32 Kulelilanga lalamuhla utakuma eNobi.+

      Ujikitisa sibhakela sakhe entsabeni yendvodzakati yaseSiyoni,

      Ligcuma laseJerusalema.