20 Kulawo malanga Hezekiya wahlatjwa kugula futsi besekagulela kufa.+ Umphrofethi Isaya indvodzana ya-Amozi weta kuye watsi: “Naku lokushiwo nguJehova: ‘Niketa umndeni wakho ticondziso, ngobe utakufa; angeke welulame.’”+ 2 Nakeva loko, wagucuka wabuka elubondzeni futsi wacala kuthantaza kuJehova watsi: 3 “Awu Jehova, ngiyakuncenga, ngicela ukhumbule indlela lengihambe ngayo embikwakho ngekwetsembeka nangenhlitiyo lephelele, futsi ngente lokuhle emehlweni akho.”+ Hezekiya wabese ucala kudzindza sililo.