11 INkhosi Solomoni yatsatsa bafati labanyenti bakuletinye tive+ ngaphandle kwendvodzakati yaFaro.+ Yabatsatsa esiveni sakaMowabi,+ saka-Amoni,+ saka-Edomu, sakaSidoni+ nesemaHethi.+ 2 Labafati bebachamuka etiveni Jehova lebekakhulume ngato kuma-Israyeli watsi: “Akukafaneli niye kuto* futsi akukafaneli tite kini ngobe titawuphambukisa tinhlitiyo tenu kutsi tilandzele bonkulunkulu bato.”+ Kodvwa Solomoni wanamatsela kulabafati futsi wabatsandza kakhulu. 3 Bekanebafati labangu-700 labebavela ebukhosini, kanye nemaphovela* langu-300 futsi kancane kancane labafati bakhe bayikhweshisa inhlitiyo yakhe* kuNkulunkulu.