26 Abuyela kuboMosi na-Aroni nakuso sonkhe sive sema-Israyeli eKhadeshi,+ ehlane lasePharani. Aletsa umbiko kuso sonkhe lesive aphindze asikhombisa titselo talelo live. 27 Naku lakusho kuMosi: “Singenile kulelive lebewusitfume kulo, futsi vele lilive leligeleta lubisi neluju,+ nati netitselo talo.+

10 “Jehova Nkulunkulu wenu nasekaningenisile kulelive lafunga kubokhokho benu bo-Abrahama, Isaka naJakobe kutsi utaninika lona,+ lokungemadolobha lamakhulu futsi lamahle leningazange niwakhe,+ 11 netindlu letigcwele yonkhe inhlobo yetintfo letinhle leningazange nitisebentele, nemitfombo leningazange niyigubhe, kanye nemasimu emagilebisi netihlahla temncumo leningazange nitihlanyele, nalapho senidlile natenetisa,+

7 Ngobe Jehova Nkulunkulu wenu uniyisa eveni lelihle,+ live lelinemifula yemanti, imitfombo netiyalu* letigeleta ematsafeni nasesifundzeni lesinetintsaba, 8 live lelinakolo nebhali, netihlahla temagilebisi, tihlahla temakhiwa netemahananandza,*+ live lelinemafutsa emncumo kanye neluju,+ 9 live lapho kungeke kuswelakale khona kudla, nalapho ningeke neswele lutfo khona, lokulive lelinematje lanensimbi nalenitawukumba litfusi etintsabeni talo.