14 “‘Nangu umtsetfo lotawulandzelwa nakwentiwa umnikelo walokutinhlavu:+ Emadvodzana a-Aroni kufanele awuletse kuJehova embikweli-al’thare.

16 Bo-Aroni nemadvodzana akhe batawudla loko lokutawusala kulomnikelo.+ Loku kutawentiwa ngako sinkhwa lesite imvubelo futsi kudliwe endzaweni lengcwele. Kutawudlelwa ebaleni* lelithende lekuhlangana.+

7 “‘Nangu umtsetfo lokufanele ulandzelwe nakwentiwa umnikelo welicala:+ Lomnikelo ungcwele ngelizinga leliphakeme.

6 Inyama yalesilwane itawudliwa ngiwo onkhe emadvodza labaphristi,+ futsi itawudlelwa endzaweni lengcwele. Loku kungcwele ngelizinga leliphakeme.+

12 Mosi wakhuluma na-Aroni nemadvodzana akhe labesele, bo-Eliyezeri na-Ithamari, watsi: “Eminikelweni leyentiwe ngemlilo kuJehova, tsatsani loko lokusele emnikelweni walokutinhlavu, nente ngako sinkhwa lesite imvubelo bese nisidlela edvute neli-al’thare,+ ngobe kungcwele ngelizinga leliphakeme.+ 13 Kufanele nikudlele endzaweni lengcwele,+ ngobe kusabelo sakho nesemadvodzana akho lesitsetfwe eminikelweni leyentiwa ngemlilo kuJehova. Nguloku-ke lengitjelwe kona.

8 Njalo ngeliSabatha, lesinkhwa kufanele sibekwe embikwaJehova.+ Lesi sivumelwane lesitawuhlala njalo emkhatsini wami nema-Israyeli. 9 Lesinkhwa sitawuba sa-Aroni nemadvodzana akhe.+ Kufanele basidlele endzaweni lengcwele,+ ngobe siyintfo lengcwele ngelizinga leliphakeme kumphristi futsi sitsetfwe eminikelweni leya kuJehova leyentiwa ngemlilo. Lona ngumtsetfo lotawuhlala njalo.”

10 Kufanele niyidlele endzaweni lengcwele.+ Wonkhe umuntfu lomdvuna angayidla futsi itawuba ngcwele kini.+

46 Lelikamelo lekudlela lelibuke enyakatfo, lebaphristi labenta umsebenti wase-al’thare.+ Bangemadvodzana aSadoki,+ lavela kumaLevi labelwe kutsi ete embikwaJehova kuze amsebentele.”+