8 “Ubolikhumbula lilanga leliSabatha kuze uligcine lingcwele.+ 9 Utawusebenta futsi wente tonkhe tintfo takho emalanga lasitfupha,+ 10 kodvwa lilanga lesi-7 lilisabatha kuJehova Nkulunkulu wakho. Kute umsebenti lokufanele uwente, wena kanye nendvodzana nobe indvodzakati yakho, sigcili nobe sigcilikati sakho, silwane sakho losifuyile ngisho nemuntfu losihambi lohlala emabaleni* akho.+

3 “‘Ningasebenta emalanga lasitfupha, kodvwa lilanga lesi-7 lilisabatha lenitawuphumula ngalo,+ futsi litawuba ngumbutsano longcwele. Akukafaneli nisebente sanhlobo ngalelolanga. Litawuba lisabatha laJehova kuto tonkhe tindzawo lenitawuhlala kuto.+

24 “Tjela ema-Israyeli utsi: ‘Ngelilanga lekucala lenyanga yesi-7, kutawuba lilanga lekuphumula, futsi litawumenyetelwa ngekushaywa kwelicilongo,+ kube ngumbutsano longcwele.

4 Kodvwa ngemnyaka wesi-7, nibogcina umtsetfo waJehova welisabatha futsi ningawulimi sanhlobo umhlaba walelo live. Kufanele ningawalimi emasimu enu nobe nitsene tihlahla tenu temagilebisi.

11 Lomnyaka wesi-50 uyawuba nguMnyaka Wekukhululwa kini. Ningawalimi emasimu enu nobe nivune loko lokutimilele nasenivunile, ningawabutsi nemagilebisi etihlahla tenu letingakatsenwa.+