45 Kepha Jesu watsi: “Ngubani lolongitsintsile?” Ngesikhatsi bonkhe labanye baphika, Phetro watsi: “Mfundzisi, uyabona mosi kutsi lesicumbi sebantfu sikugegeletele futsi siyakuminyetela.”+ 46 Kodvwa Jesu watsi: “Kukhona longitsintsile, ngobe ngivile kutsi kuphume emandla+ kimi.” 47 Lomfati watsi nakabona kutsi bekangeke asakhona kutifihla, weta etfukile wafike waguca embikwakhe, wachaza embikwabo bonkhe bantfu kutsi umtsintseleni nekutsi uphiliswe kanjani ngekushesha. 48 Kodvwa Jesu watsi kuye: “Ndvodzakati, kukholwa kwakho kukuphilisile; hamba ngekuthula.”+