10 Jesu watsi: “Tjelani labantfu bahlale phansi.” Bekunetjani lobunyenti kulendzawo, ngako bahlala lapho. Kulabantfu bekunemadvodza langaba ngu-5 000.+ 11 Jesu watsatsa letinkhwa, wabonga, wabese utinika labantfu; wenta kanjalo nangaletinhlanti letincane, futsi labantfu badla besutsa. 12 Nasebadlile, Jesu watsi kubafundzi bakhe: “Butsani loko lokusele kuze kube bete lesikumoshako.” 13 Ngako bakubutsa, bagcwalisa bobhasikidi labangu-12 ngaletinkhwa tebhali lebetisele kulabo lebebadlile.