23 Watsi Jesu nakefika endlini yalombusi, wakhandza bantfu labashaya imintjingo kanye nesicumbi sebantfu lebesikhala,+ 24 futsi watsi kubo: “Phumani, ngobe lomntfwana akakafi, kodvwa ulele.”+ Nabeva loku bamhleka bulima. 25 Ngekushesha ngemuva kwekutsi lesicumbi sebantfu sesikhishelwe ngephandle, wangena kulendlu wabamba sandla+ salentfombatana, yase iyavuka.+ 26 Lendzaba yandza kuso sonkhe sifundza.

38 Ngako befika endlini yalendvodza, futsi Jesu wabona siphitsiphitsi lebesilapho nebantfu lebebakhala futsi balila kakhulu.+ 39 Nasekangenile, Jesu watsi kubo: “Sani lesiphitsiphitsi, futsi nikhalelani? Lomntfwana akakafi, kodvwa ulele.”+ 40 Nabeva loku bamhleka bulima. Kodvwa ngemuva kwekubakhiphela ngephandle, watsatsa batali balomntfwana nalabafundzi lebekete nabo, wangena lapho bekunalomntfwana khona. 41 Wafike wabamba sandla salomntfwana, watsi kuye: “Thalitha khumi,” lokusho kutsi: “Ntfombatana, ngitsi kuwe: ‘Vuka!’”+ 42 Ngekushesha, lentfombatana yavuka yacala kuhamba. (Beyineminyaka lengu-12 budzala.) Ngaso leso sikhatsi batali balomntfwana bajabula kakhulu. 43 Kodvwa Jesu wabecwayisa* kutsi bangatjeli muntfu ngaloku,+ futsi watsi abaphe lomntfwana kudla.

11 Ngemuva kwekusho loku, wachubeka watsi: “Umngani wetfu Lazaro ulele,+ kodvwa ngiya khona kuze ngimvuse.”

60 Ngemuva kwaloko waguca, waphakamisa livi watsi: “Jehova,* ungababeki licala ngaloku.”+ Nakacedza kusho lamavi, wafa.*

36 Davide yena wakhonta Nkulunkulu* esikhatsini sakhe, futsi wafa,* wase ungcwatjwa nabokhokho bakhe, nenyama yakhe yabola.+