Amose
4 “Lalelani nankha emavi, nine tinkhomo taseBhashani,
Lenisentsabeni yaseSamariya,+
Nine bafati lenikhwabanisa tintfo tebantfu labahluphekako+ futsi nicindzetele nalabaphuyile,
Nine lenitsi kubayeni* benu: ‘Siletseleni kwekunatsa!’
2 INkhosi Lephakeme Jehova ifungile ngebungcwele bayo yatsi:
‘“Emalanga ayeta lapho nitawuphakanyiswa ngemahhuka ekuhhuka inyama
Futsi labanye benu batawuphakanyiswa ngemahhuka ekudweba tinhlanti.
3 Nitawuphuma ngetimbobo telubondza, ngamunye wenu acondze embili;
Futsi nitawulahlelwa eHemoni,” kusho Jehova.’
5 Shisani sinkhwa lesinemvubelo sibe ngumhlatjelo wekubonga;+
Memetelani ngeminikelo yenu yekutitsandzela ngelivi lelivakalako!
Ngobe nguloko lenitsandza kukwenta, nine bantfu baka-Israyeli,’ kusho iNkhosi Lephakeme Jehova.
6 ‘Mine ngabangela indlala kuwo onkhe emadolobha enu
Ngabangela nekutsi kube bete kudla kuto tonkhe tindlu tenu;+
Kodvwa nine anizange nibuyele kimi,’+ kusho Jehova.
7 ‘Ngaphindze ngabamba imvula tinyanga letintsatfu ngaphambi kwekuvuna;+
Ngabangela kutsi imvula ine kulelinye lidolobha kodvwa ingani kulelinye.
Indzawo lenye beyiba nemvula,
Kodvwa indzawo lebelingani kuyo beyoma.
8 Bantfu labasuka emadolobheni lamabili nobe lamatsatfu bayendzela edolobheni linye bayonatsa emanti,+
Futsi bebangenetiseki;
Kodvwa anizange nibuyele kimi,’+ kusho Jehova.
9 ‘Nganishaya ngekushisa lokukhulu nangesifo lesibulala titjalo.+
Nine nandzisa tingadze nemasimu enu emagilebisi,
Kodvwa sikhonyane sashwabadzela tihlahla tenu temakhiwa netemincumo;+
Futsi benisolo ningabuyeli kimi,’+ kusho Jehova.
10 ‘Nganitfumelela sifo lesibulalako lesifana nalesahlasela iGibhithe.+
Ngabulala emajaha enu ngenkemba,+ ngatfumba nemahhashi enu.+
Ngenta liphunga lelibi lelisetinkambu tenu lenyukela emakhaleni enu;+
Kodvwa anizange nibuyele kimi,’ kusho Jehova.
11 ‘Mine ngabangela kutsi nincotjwe,
Njengalapho ngincoba iSodoma neGomora.+
Futsi benifana nesikhuni lesikhishwe emlilweni;
Kodvwa anizange nibuyele kimi,’+ kusho Jehova.
12 Ngako ngitawuphindze nginijezise, nine ma-Israyeli.
Awu nine ma-Israyeli, tilungiseleleni kuze nibhekane nami, mine Nkulunkulu wenu,
Ngobe ngitanijezisa.