INGOMA YETINGOMA
1 Ingoma yetingoma,* leyabhalwa nguSolomoni:+
3 Emakha akho anukelela kamnandzi.+
Libito lakho linjengemakha lanukelela kamnandzi latfululwako.+
Kungako tintfombi tikutsandza.
4 Ngitsatse ngihambe nawe;* asisheshise
Ngobe inkhosi ingingenise esigodlweni sayo!
Asijabule futsi sitfokote ndzawonye.
Asicoce ngelutsandvo lonalo ngami, lutsandvo lwakho lumnandzi kuneliwayini.
Ngiko nje tintfombi tikutsandza.
5 Awu madvodzakati aseJerusalema, ngiluhlata* ngelibala kodvwa ngimuhle,
Nginjengemathende aseKhedari,+ futsi nginjengetindvwangu telithende+ laSolomoni.
6 Ningangibuki kakhulu ngobe ngimnyama,
Ngishiswe lilanga.
Bomnaketfu bebangitfukutselele;
Batsite angigadze emasimu emagilebisi,
Kodvwa leyami angikayigadzi.
7 Wena lengikutsandza kakhulu, ngitjele
Kutsi uwelusela kuphi umhlambi wakho,+
Kutsi uwulalisa kuphi umhlambi wakho emini.
Kudzingeke ngani kutsi ngifane nemfati lotimbonye ngeveyili,*
Ngehle ngenyuka ngasemihlambini yebangani bakho?”
8 “Nangabe awati, wena ntfombi lenhle kakhulu,
Hamba lapho bekuhamba khona umhlambi
Futsi udlise emazinyane akho etimbuti eceleni kwemathende ebelusi.”
9 “Awu sithandwa sami, kimi ufana nelihhashi* lelisikati lelisemkhatsini walamanye ladvonsa tincola taFaro.+
10 Tihlatsi takho tinhle ngalendlela letihlotjiswe ngayo,*
Nentsamo yakho yinhle njengobe igabe buhlalu.
11 Sitakwentela imihlobiso* yeligolide
Lehlotjiswe ngelisiliva.”
12 “Inkhosi itsi nayihleti etafuleni layo,
Emakha ami+ avele akhiphe liphunga lawo lelimnandzi.
13 Kimi sithandwa sami sinjengesikhwama lesinemakha emure+ lanuka kamnandzi
Lesihlale sisemkhatsini wemabele ami busuku bonkhe.
14 Kimi sithandwa sami sinjengesikhehle setimbali tehena*+
Lesisemasimini emagilebisi lase-Eni-gedi.”+
15 “Awu sithandwa sami, maye umuhle.
Umuhle kakhulu! Emehlo akho ungatsi ngemehlo elituba.”+
16 “Awu sithandwa sami, maye umuhle* futsi uyatsandzeka.+
Tjani lobuluhlata bungumbhedze wetfu.
17 Luphahla lwendlu yetfu lwentiwe ngetihlahla temsedari,
Emakabha endlu yetfu entiwe ngetihlahla temjunipha.
2 “Njengembali lesemkhatsini wemanyeva
Sinjalo-ke sithandwa sami emkhatsini wetintfombi.”
3 “Njengesihlahla semahhabhula lesisemkhatsini wetihlahla letisehlatsini,
Unjalo-ke loyo lengimtsandzako emkhatsini wemajaha.
Ngikulangatelela kakhulu kuhlala ngephansi kwemtfunti wakhe,
Nesitselo sakhe siyanongotela kimi.
4 Ungiletse endlini yelidzili,*
Bonkhe bantfu bebabona kutsi utsandza mine ngedvwa.
5 Nginikeni emagilebisi lomisiwe ngitocabuleka;+
Ngipheni emahhabhula ngitoba nemandla,
Ngobe sengiguliswa lutsandvo.
6 Sandla sakhe sangesencele singephansi kwenhloko yami,
Nesandla sakhe sangesekudla singigacile.+
7 Awu madvodzakati aseJerusalema, nginifungisa
Ngetimphala+ nangetinyamatane letinsikati tesiganga,
Kutsi ningetami kuvusa lutsandvo kimi, luze lutivukele lona.+
8 Ngiva sithandwa sami siyeta!
Bukani! Nasi siyeta,
Sicanca tintsaba, sihamba siyashakutela emagcumeni.
9 Sithandwa sami sinjengemphala, sinjengenyamatane lendvuna leseyincane.+
Nasiya, sime emvakwelubondza lwakitsi,
Sibuka ngemafasitelo,
Sihlola ngetikhala temafasitelo.
10 Sithandwa sami sikhuluma nami sitsi:
‘Sukuma sithandwa sami,
Wota uhambe nami simomondiya sami.
11 Buka nje, busika* sebuphelile,
Netimvula setiphelile.
12 Timbali setiyachakaza eveni,+
Sesifikile sikhatsi sekutsena+ tihlahla temagilebisi,
Nekukhala kwelituba sekuvakele eveni letfu.+
13 Emakhiwa latsele kucala esihlahla semkhiwa sekavutsiwe;+
Tihlahla temagilebisi setiyachakaza futsi tikhipha liphunga lelimnandzi.
Sithandwa sami, sukuma sihambe.
Wota uhambe nami simomondiya sami.
14 Awu tuba lami lelisekhatsi emadvwaleni,+
Lelisendzaweni lebhacile lesemaweni,
Ngicela kukubona, ngive nelivi lakho,+
Ngobe livi lakho limnandzi futsi umuhle.’”+
15 “Sibambele timphungushe,
Timphungushe letisetincane letibhubhisa tihlahla temagilebisi,
Ngobe letihlahla tetfu setiyachakaza.”
16 “Sithandwa sami ngesami ngedvwa futsi nami ngiwaso.+
Selusele emkhatsini wetimbali.+
17 Lisengakacali kuhhusha futsi nematfunti asengakanyamalali,
Sheshe ubuye sithandwa sami,
Njengemphala+ nobe njengenyamatane lendvuna leseyincane+ lesetintsabeni letisehlukanisile.*
3 “Nangisembhedzeni wami ebusuku,
Bengicabanga ngesithandwa sami.+
Bengilangatelela kusibona kodvwa besingekho.+
2 Ngako ngatsi: ‘Asengivuke ngiyoyaluka edolobheni;
Ngiyoyaluka etitaladini nasetimakethe,
Asengiyofuna sithandwa sami.’
Ngasifuna, kodvwa angisitfolanga.
3 Bogadzi bahlangana nami njengobe bebahambahamba edolobheni,+
Futsi ngababuta ngatsi: ‘Nike nasibona yini sithandwa sami?’
4 Ngatsi nje nangisuka kubo
Ngasitfola sithandwa sami.
5 Awu madvodzakati aseJerusalema, nginifungisa
Ngetimphala nangetinyamatane letinsikati tesiganga,
Kutsi ningetami kuvusa lutsandvo kimi, luze lutivukele lona.”+
6 “Yini lena lechamuka ehlane lefanana nentfutfu lenkhulu,
Lenukelela emakha emure nemakha esihlahla semphepho,
Nato tonkhe tinhlobo temakha emtsengisi?”+
7 “Buka! Sihlalo saSolomoni.
Situngeletwe ngemadvodza langu-60 lanemandla,
Emadvodza lanemandla aka-Israyeli,+
8 Onkhe ahlome ngetinkemba,
Futsi onkhe aceceshelwe imphi,
Nguleyo naleyo ndvodza ifake inkemba yayo engculwini
Kuze ilwe nakuvela tintfo letetfusako ebusuku.”
10 Tinsika taso yatakha ngelisiliva,
Loko leyeyama kuko yakwakha ngeligolide.
Loko lehlala kuko yakwenta ngendvwangu lebukhwebeletane;*
Langekhatsi besihlotjiswe bantfu labanelutsandvo,
Lokungemadvodzakati aseJerusalema.”
11 “Awu madvodzakati aseSiyoni, phumani
Niyobuka iNkhosi Solomoni
Ifake umchele wemshado leyawakhelwa ngumake wayo,+
Ngelilanga layo lemshado,
Ngelilanga lelenta inhlitiyo yayo ijabule.”
4 “Awu sithandwa sami, maye umuhle.
Umuhle kakhulu!
Emehlo akho nakavela ngephansi kweveyili yakho afana newematuba.
Tinwele takho tifana nemhlambi wetimbuti
Natehla etintsabeni taseGileyadi.+
2 Ematinyo akho afana nemhlambi wetimvu letisandza kuhhulwa,
Futsi letibuya kuyogezwa.
Onkhe akheke kahle futsi ahamba ngamabili,
Kute ngisho nalinye lelishodako.
3 Tindzebe takho temlomo tifana nemtiya lobovu,
Nemavi lowakhulumako amnandzi.
4 Intsamo yakho+ ifanana nembhoshongo waDavide+
Lowakhiwe ngematje,
Lokulengiswa kuwo emahawu layinkhulungwane.
Onkhe lamahawu ngewemadvodza lanemandla.+
5 Emabele akho omabili afana nemazinyane lamabili emphala,
Yebo, anjengemaphahla emphala,+
Ladla emkhatsini wetimbali.”
6 “Lisengakacali kuhhusha futsi nematfunti asengakanyamalali,
Ngitawuya entsabeni yemakha emure
Nasegcumeni lemakha esihlahla semphepho.”+
Yehla nami esicongweni sase-Amana,*
Sehle esicongweni saseSeniri, yebo esicongweni saseHemoni,+
Sisuke emihumeni yemabhubesi, nasetintsabeni tetingwe.
9 Awu mntfwanaketfu, sithandwa sami,* uyitsetse inhlitiyo yami,+
Uvele nje wayitsatsa inhlitiyo yami nawungitsi laphalati,
Ngivele nje ngatsatseka nangibona incenyana yemhlobiso lowugabe entsanyeni.
10 Awu mntfwanaketfu, sithandwa sami,* maye lumnandzi lutsandvo lwakho!+
Lutsandvo lwakho lumnandzi kuneliwayini,+
Nemakha akho anukelela kamnandzi kwendlula onkhe lamanye emakha.+
11 Tindzebe temlomo wakho sithandwa sami* tintfontsa luju.+
Ngephansi kwelulwimi lwakho+ kuneluju nelubisi,
Nemakha lanukelela etimphahleni takho anjengemakha aseLebanoni.
12 Mntfwanaketfu, sithandwa sami,* unjengengadze lebiyelwe,
Yebo unjengengadze lebiyelwe, nanjengemtfombo lovaliwe.
13 Unjengengadze* lenetihlahla letinemagala lagcwele emahananandza
Lenetitselo telikhetselo, tihlahla tehena kanye netihlahla letinukelela kahle,
14 Lenesihlahla lesinukelela kahle,+ imbali yesiganga, umhlanga*+ nesinamoni,+
Kanye nato tonkhe tinhlobo tetihlahla temakha emphepho, emakha emure kanye nenhlaba,*+
Kanye nawo onkhe emakha lamnandzi.+
15 Unjengemtfombo losengadzeni, siyalu lesinemanti lahlobile,
Unjengemifudlana legeleta isuka eLebanoni.+
16 Awu moya wasenyakatfo, vuka;
Nawe moya waseningizimu, wota.
Hhusha engadzeni yami.
Emakha ayo akagcwale yonkhe indzawo.”
“Shengatsi loyo lengimtsandzako angeta engadzeni yakhe
Futsi adle titselo tayo telikhetselo.”
Sengiyikhile imure kanye nebhalisamu* yami.+
Sengiludlile luju lwami nemakhekheba alo;
Nganatsa liwayini lami kanye nelubisi.”+
“Dlanini bangani labatsandzekako!
Ninatse nize nidzakwe lutsandvo.”+
2 “Ngilele kodvwa inhlitiyo yami yona ayikalali.+
Ngiva sithandwa sami siyanconcotsa!”
‘Awu sithandwa sami, ngivulele mntfwanaketfu,
Wena tuba lami lelite ngisho nalesincane sici!
Ngobe inhloko yami imantiswe ngematolo,
Tinwele tami timantiswe ngumswakama wasebusuku.’+
3 “Sengiyikhumulile ingubo yami.
Ngiphindze ngiyigcoke yini?
Sengitigezile netinyawo tami.
Ngiphindze ngitingcolise yini?’
4 Sithandwa sami sasusa sandla saso embotjeni yesikhiya,
Futsi ngavele ngalangatelela kusibona.
5 Ngavuka ngayovulela sithandwa sami;
Tandla tami betintfontsa imure,
Neminwe yami beyintfontsa emafutsa emure,
Bekantfontsela tibambo temnyango.
6 Ngasivulela sithandwa sami,
Kodvwa besesihambile, singasekho.
Ngaphelelwa ngemandla nangibona kutsi sesihambile.*
Ngasifuna kodvwa ngangasitfoli.+
Ngasibita kodvwa sangasabeli.
7 Bogadzi lebebahambahamba edolobheni bahlangana nami.
Bangishaya futsi bangilimata.
Labogadzi lebebasetindvongeni bangemuka iveyili yami.
8 Awu madvodzakati aseJerusalema, fungani kimi kutsi
Nangabe nitfola sithandwa sami,
Nitasitjela kutsi sengiguliswa lutsandvo.”
9 “Sithandwa sakho sincono ngani kulabanye bantfu,
Wena lomuhle kakhulu kunalabanye labasikati?
Sithandwa sakho sincono ngani kulabanye bantfu,
Uze nje usiphocelele kutsi sente sifungo lesinje?”
10 “Sithandwa sami sihle futsi siyacwebetela;*
Sivele nje sehluke kubantfu labangu-10 000.
11 Inhloko yaso yinhle njengeligolide, yebo ligolide lelicwengisisiwe.
Tinwele taso tiyakhephutela kuhle kwemagala elusundvu,*
Timnyama kuhle kwelihhwabayi.
12 Emehlo aso afana nematuba langasemifuleni,
Lageza ngelubisi,
Futsi lahleti ngasechibini leligcwele emanti.*
13 Tihlatsi taso tinjengengadze legcwele timbali letinuka kamnandzi,+
Tinjengendvundvuma yemakha lanukelela kahle.
Tindzebe taso temlomo tifana netimbali, tintfonsa emafutsa emure.+
14 Iminwe yaso injengeligolide, futsi tingalo taso tifana nekhrisolithe.
Umtimba waso ufana nelitinyo lendlovu lelimanyatelako lelihlotjiswe ngesafire.
15 Imilente yaso ifana netinsika temabuli letibekwe etisekelweni teligolide lelicwengisisiwe.
Muhle njengeLebanoni, futsi mudze njengetihlahla temsedari.+
Sinjalo-ke sithandwa sami, unjalo-ke loyo lengimtsandzako, nine madvodzakati aseJerusalema.”
6 “Sikuphi sithandwa sakho,
Wena lomuhle kakhulu kunalabanye labasikati?
Sibhekephi sithandwa sakho,
Khona sitokufunisa?”
2 “Sithandwa sami sehlele engadzeni yaso,
Engadzeni legcwele timbali letinuka kamnandzi,
Kuze siyowelusela khona
Futsi sikhe timbali.+
3 Mine ngiwesithandwa sami
Futsi naso ngesami ngedvwa.+
Selusele emkhatsini wetimbali.”+
4 “Umuhle njengeThisa*+ sithandwa sami,+
Umuhle njengeJerusalema,+
Ukhatimula njengelibutfo leselilungele imphi.+
5 Susa emehlo+ akho kimi,
Ngobe ayangesindza.
Tinwele takho tifana nemhlambi wetimbuti
Natehla etintsabeni taseGileyadi.+
6 Ematinyo akho afana nemhlambi wetimvu
Letibuya kuyogezwa.
Onkhe akheke kahle futsi ahamba ngamabili,
Kute ngisho nalinye lelishodako.
8 Nanobe nginemakhosikati langu-60,
Nemaphovela langu-80
Kanye netintfombi letinyenti kakhulu,+
9 Kodvwa munye kuphela lolituba+ lami lelite ngisho nalesincane sici,
Lokuphela kwakhe kumake wakhe.
Uyintsandvokati* yamake wakhe.
Tintfombi natimbona titsi uyajabula;
Emakhosikati nemaphovela ayamdvumisa.
10 ‘Ngubani lona lomuhle* njengentsatsakusa,
Lomuhle njengenyeti legcwele,
Lohlanteke njengekukhanya kwelilanga,
Futsi lokhatimula njengelibutfo leselilungele imphi?’”+
11 “Ngaya engadzeni lenetihlahla temantongomane+
Kuze ngiyobona lokusha lobekuhlumile esihosheni,
Ngibone nekutsi tihlahla temagilebisi setihlumile yini,
Nekutsi tihlahla temahananandza setichakazile yini.
12 Ngatsi ngingakagadzi,
Sifiso sami sekubona letintfo sangenta
Ngafika etinkalishini tebantfu bakitsi labahloniphekile.”*
13 “Buya, ntfombi yaseShulami, buya!
Buya, buya
Khona sitewubuka buhle bakho!”
“Niyibukelani intfombi yaseShulami?”+
“Ifana nemdanso wemacembu lamabili!”*
7 “Maye tinhle tinyawo takho kuletincabule takho
Wena ntfombi lehloniphekile!
Indlela ematsanga akho leme ngayo ungatsi ngumhlobiso,
Ungatsi entiwe nguchwephesha.
2 Inkhaba yakho ifana nendishi leyindingilizi.
Shengatsi ingahlala ineliwayini lelididiyelwe kahle.
Sisu sakho sifana nendvundvuma yakolo,
Letungeletwe timbali.
3 Emabele akho omabili afana nemazinyane lamabili emphala,
Yebo, anjengemaphahla emphala.+
4 Intsamo+ yakho ifanana nembhoshongo+ lowakhiwe ngelitinyo lendlovu.
Imphumulo yakho ifana nembhoshongo waseLebanoni,
Lobuke eDamaseko.
5 Inhloko yakho yinhle njengentsaba iKhameli,+
Tinwele takho letindze futsi letinhle tente inkhosi yatsatseka.
6 Maye umuhle futsi uyatsandzeka
Wena ntfombi letsandzekako, utsandzeka kwendlula tonkhe letinye tintfo letijabulisanako!
7 Umise kwesihlahla selusundvu,
Nemabele akho afana netikhehle+ telusundvu.
8 Ngatsi: ‘Ngitasigibela lesihlahla selusundvu
Kuze ngikhe tikhehle taso.’
Shengatsi emabele akho angaba njengetikhehle temagilebisi,
Nemoya lowuphefumulako unukelele kamnandzi njengemahhabhula,
9 Shengatsi umlomo* wakho ungaba njengeliwayini lelikhetselo.”
“Shengatsi lingehla kamnandzi emphinjeni wesithandwa sami,
Lehle kamnandzi emilonyeni yalabo labalele.
10 Mine ngiwesithandwa sami,+
Futsi naso siyangilangatelela.
12 Asivuke lokwa ekuseni siye emasimini emagilebisi
Khona sitewubona kutsi letihlahla setihlumile yini,
Nekutsi setichakazile yini,+
Sibone nekutsi tihlahla temahananandza* setiyachakaza+ yini.
Nasifika lapho ngitakukhombisa indlela lengikutsandza+ ngayo.
13 Titselo*+ tikhipha liphunga lato lelimnandzi;
Eminyango yetfu kunato tonkhe tinhlobo tetitselo telikhetselo.+
Kunetitselo letisandza kukhiwa nalesetinesikhatsi tikhiwe,
Tonkhe ngitigcinele wena sithandwa sami.
8 “Kube mane bekungatsiwa ungumnaketfu,
Lowamunya emabeleni amake!
Bengitawutsi nangikukhandza ngaphandle ngikucabuze,+
Futsi kute lobekatangibuka kabi.
Bengitakunika liwayini lelinongwe kahle,
Kanye nesinatfo semahananandza* lesisandza kwentiwa.
3 Sandla sakhe sangesencele besitawuba ngephansi kwenhloko yami,
Nesandla sakhe sangesekudla besitangigaca.+
4 Awu madvodzakati aseJerusalema, ngiyanifungisa kutsi
Ningetami kuvusa lutsandvo kimi, luze lutivukele lona.”+
5 “Ngubani lona lochamuka ehlane,
Logace lotsandzekako wakhe?”
“Ngakuvusa ngaphansi kwesihlahla semahhabhula.
Kulapho make wakho afikelwa khona ngumhelo.
Kulapho akubelekela khona aphetfwe ngumhelo.
6 Ngibeke ngibe njengeluphawu enhlitiyweni yakho,
Ngibe njengeluphawu emkhonweni wakho,
Ngobe lutsandvo lunemandla njengekufa,+
Lutsandvo loluvutsako lunjengemalangabi emlilo, yebo lilangabi laJehova.+
Nome ngabe umuntfu abengakhipha wonkhe umcebo lanawo endlini yakhe kuze atsenge lutsandvo,
Loko* bekutawuba yinhlekisa yodvwa nje.”
8 “Sinadzadzewetfu losemncane,+
Futsi usengakaphumi nemabele.
Sitawenta njani ngadzadzewetfu
Mzukwana bacela kumenta umfati?”
9 “Nangabe alubondza,
Sitawakha umbhoshongo welisiliva etikwakhe,
Kodvwa nangabe asivalo,
Sitamvalela ngelipulango lemsedari.”
10 “Mine ngilubondza,
Futsi emabele ami anjengemibhoshongo.
Naye uyabona kutsi
Inhlitiyo yami inekuthula.
11 Solomoni bekanensimu yemagilebisi+ eBhali-hamoni.
Wayinika bantfu kutsi bayinakekele.
Nguloyo naloyo bekakhipha tinhlavu telisiliva letingu-1 000 kuze batfole umkhicito wayo.
12 Nami ngineyami insimu yemagilebisi.
Letinhlavu telisiliva letingu-1 000* ngetakho Solomoni,
Futsi tinhlavu telisiliva letingu-200 talabo labanakekela insimu yakho.”
13 “Awu wena lohlala etingadzeni,+
Bangani bakho bagadze kuva livi lakho.
Nami ngicela kuliva.”+
14 “Phutfuma sithandwa sami,
Gijima njengemphala+
Nobe njengenyamatane lendvuna leseyincane
Nayigijima etintsabeni lakumila khona tihlahla temakha.”
Nobe “Ingoma lemnandzi.”
NgesiHebheru kutsi, “Ngidvonse ngikulandzele.”
NgesiHebheru kutsi, “ngimnyama.”
Nobe “ngeveyili yekulila.”
Nobe “nelihhashi lami.”
Kungaphindze kubekwe ngekutsi, “nativela emkhatsini wetinwele letelukiwe.”
Nobe “imihlobiso leyindingilizi.”
Lesi sihlahla lesinetimbali letinuka kamnandzi; futsi emacembeni aso kutfolakala idayi lebovu kwasansundvu.
Nobe “ulikhwa.”
NgesiHebheru kutsi, “Ngiyisafroni.”
Nobe “yasetsafeni lelingaselwandle.”
NgesiHebheru kutsi, “leneliwayini.”
Nobe “sikhatsi setimvula.”
Nobe “lesetintsabeni taseBhetheri.”
Lesi sihlalo lesimbonyiwe lesisetjentiselwa kutfwala umuntfu lomcoka.
NgesiNgisi kutsi “purple.”
Nobe “emaphomegranathi.”
Nobe “imihlafuno.”
NgesiHebheru kutsi, “makoti wami.”
Nobe “setintsaba letibukene neLebanoni.”
NgesiHebheru kutsi, “makoti wami.”
NgesiHebheru kutsi, “makoti wami.”
NgesiHebheru kutsi, “makoti wami.”
NgesiHebheru kutsi, “makoti wami.”
Kungaphindze kubekwe ngekutsi, “Sikhumba sakho sinjengengadze.”
Lona ngumhlanga lonukelela kahle.
Leli ligama lelisetjentiswa nakukhulunywa ngesihlahla lesinesitaputapu lesinuka kamnandzi, lebesisetjentiselwa kwakha emakha ngetikhatsi tekubhalwa kweliBhayibheli.
NgesiHebheru kutsi, “makoti wami.”
Nobe “sihlahla semakha.”
Kungaphindze kubekwe ngekutsi, “Inhlitiyo yami yashona phansi nasikhuluma.”
NgesiHebheru kutsi, “sibovu ngelibala.”
Kungaphindze kubekwe ngekutsi, “kwetikhehle telusundvu.”
Kungaphindze kubekwe ngekutsi, “eceleni kwemtfombo.”
NgesiHebheru kutsi, “Lwanga.”
Nobe “Lidolobha Lelihle.”
Nobe “liphomegranathi.”
Nobe “tinhlafuno.”
NgesiHebheru kutsi, “Umsulwa.”
NgesiHebheru kutsi, “lophakeme.”
Nobe “labatsandza kusita.”
Nobe “nemdanso waseMahanayimu.”
NgesiHebheru kutsi, “Nenhloko yakho.”
NgesiNgisi kutsi “purple.”
NgesiHebheru kutsi, “lwanga.”
Nobe “temaphomegranathi.”
NgesiHebheru kutsi, “Emamandraki.” Labasikati bebadla lesitselo ngobe bebacabanga kutsi sitabasita batfole bantfwana.
Nobe “semaphomegranathi.”
Nobe “kutinikela kumuntfu munye.”
Nobe “iShiyoli,” lokusho lithuna lebantfu. Fundza Tinchazelo Temagama.
Kungaphindze kubekwe ngekutsi, “Yena.”
NgesiHebheru kutsi, “Lenkhulungwane.”