Sifundvo 16

Sincumo Sakho Sekusebentela Nkulunkulu

Kufanele wenteni kute ube ngumngani waNkulunkulu? (1, 2)

Utiniketela kanjani kuNkulunkulu? (1)

Usuke sewukulungele nini kubhabhatiswa? (2)

Ungawatfola kanjani emandla ekuhlala wetsembekile kuNkulunkulu? (3)

1. Kute ube ngumngani waNkulunkulu, kufanele utfole lwati loluhle ngemaciniso eliBhayibheli (1 Thimothi 2:3, 4), ukholwe nguloko lokufundzile (Hebheru 11:6), uphendvuke etonweni takho (Imisebenti 17:30, 31), uphindze ugucuke endleleni yakho yekuphila. (Imisebenti 3:19, NW) Lutsandvo lwakho ngaNkulunkulu lutawubese lukuchubela ekutseni utiniketele kuye. Loku kusho kutsi uyathandaza uwedvwa, umtjele kutsi uyatinikela kuye utewukwenta intsandvo yakhe.—Matewu 16:24; 22:37.

2. Nasewutiniketele kuNkulunkulu, kufanele ubhajatiswe. (Matewu 28:19, 20) Kubhajatiswa kwenta bantfu bati kutsi sewutiniketele kuJehova. Ngaleso sizatfu, kufanele kubhajatiswe kuphela bantfu lasebakhule ngalokwenele kutsi sebangasenta sincumo sekukhonta Nkulunkulu. Umtimba wonkhe wemuntfu kufanele ucwiliswe sikhashana emantini nakabhajatiswa.a—Makho 1:9, 10; Imisebenti 8:36.

3. Nasewutiniketele, Jehova ubheke kutsi uphile ngalokuvumelana nesetsembiso sakho. (Tihlabelelo 50:14; Umshumayeli 5:4, 5) Sathane utawetama kukuyekelisa kukhonta Jehova. (1 Phetro 5:8) Wena sondzela kuNkulunkulu ngemthandazo (Filiphi 4:6, 7) Dadisha liVi lakhe onkhe malanga (Tihlabelelo 1:1-3) Hlala usondzelene nelibandla (Hebheru 13:17) Nawenta konkhe loku, utawuba nawo emandla ekuhlala wetsembekile kuNkulunkulu. Utawube sewusetfubeni lekwenta tintfo Nkulunkulu latifunako kuwe ingunaphakadze!

[Umbhalo longentasi]