Umlayeto Loya Kubatali

Ngusiphi sipho lesincono kakhulu longasipha bantfwana bakho? Tinyenti tintfo labatidzingako, letihlanganisa lutsandvo lwakho, kubacondzisa nekubavikela. Nobe kunjalo, sipho lesiligugu kakhulu longabapha sona lwati ngaJehova nemaciniso latfolakala eVini lakhe liBhayibheli. (Johane 17:3) Lwati lolunjalo lungasita bantfwana bakho bakhule bamtsandza Jehova futsi bamkhonte ngenhlitiyo yonkhe kusukela basebancane.​—Matewu 21:16.

Batali labanyenti batfole kutsi bantfwana labancane bayakujabulela kwenta imisebenti kanye nekufundzelwa tifundvo letimfisha. Ngako-ke, siyajabula kunilungiselela lencwajana letsi Tifundvo Tami TeliBhayibheli. Sifundvo ngasinye sentelwe kufundzisa ngendlela lemelula. Letitfombe letihambisana nemagama tentelwe ngalokukhetsekile bantfwana labaneminyaka lemitsatfu budzala nobe ngephansi. Kubhalwe nemisebenti leningayenta. Lencwajana letsi Tifundvo Tami TeliBhayibheli ayisilo lithoyisi bantfwana lekufanele badlale ngalo. Kunaloko, yentelwe kutsi uyifundze nebantfwana bakho futsi nitfutfukise kukhulumisana.

Siyaciniseka kutsi lencwajana itawuba lusito njengobe ufundzisa bantfwana bakho emaciniso laseBhayibhelini “kusukela ebuntfwaneni.”​—2 Thimothi 3:14, 15.

Bazalwane benu,

Sigungu Lesibusako SaboFakazi BaJehova

[Sitfombe ekhasini 3]