Kucinisela
Tikhonti taJehova tiyakudzinga yini kucinisela?
Kubaluleke ngani kulindzela kutsi labanye bantfu ngeke basinake nasishumayela nobe kutsi batasivimbela?
Mat 10:22; Joh 15:18, 19; 2Kt 6:4, 5
Tindzaba letiseBhayibhelini letingakusita:
2Ph 2:5; Gen 7:23; Mat 24:37-39—Nanobe Nowa ‘angumshumayeli wekulunga,’ bantfu labanyenti abamlaleli futsi kusindza yena nemndeni wakhe kuphela kuZamcolo
2Tm 3:10-14—Umphostoli Pawula usebentisa sibonelo sakhe sekucinisela kuze akhutsate Thimothi kutsi naye acinisele
Yini leyenta sikulindzele kuphikiswa ngisho nangemalunga emndeni?
Mat 10:22, 36-38; Luk 21:16-19
Tindzaba letiseBhayibhelini letingakusita:
Gen 4:3-11; 1Jh 3:11, 12—Khayini ubulala umnakabo ngenca yekutsi yena mubi kantsi umnakabo ulungile
Gen 37:5-8, 18-28—Bobhuti baJosefa bayamhlasela futsi bayamtsengisa kuze abe sigcili, lokunye lokubenta bente njalo kutsi wabacocela liphupho lebelivela kuJehova
Kubaluleke ngani kutsi singakwesabi kufa nasiphatfwa kabi?
Buka neSem 2:10
Tindzaba letiseBhayibhelini letingakusita:
Dan 3:1-6, 13-18—BoShadraki, Meshaki, na-Abednego banconota kufa kunekutsi bakhonte sithico
Imi 5:27-29, 33, 40-42—Nanobe baphostoli basongelwa ngekubulawa, bayachubeka nemsebenti wekushumayela, ngaleyondlela bakhombisa kucinisela
Yini letasisita kutsi sihlale setsembekile kuJehova ngisho nobe sijeziswa?
Tindzaba letiseBhayibhelini letingakusita:
Num 20:9-12; Dut 3:23-28; 31:7, 8—Umphrofethi Mosi udvunyatwa sijeziso lasinikwa nguJehova; kodvwa uhlala etsembekile kuze kube sekugcineni
2Ks 20:12-18; 2Tk 32:24-26—INkhosi Hezekiya iyona futsi iyekhutwa ngenca yaloko, kodvwa ibese iyatitfoba futsi ichubeke ikhonta Jehova ngekwetsembeka
Yini lengenta kube matima kuchubeka sicinisela nangabe labanye bayekela kukhonta Jehova?
Tindzaba letiseBhayibhelini letingakusita:
Hl 73:2-24—Ngesikhatsi umhlabeleli abona kutsi lababi banekuthula futsi bayaphumelela, utibuta kutsi kubaluleke ngani-ke kuchubeka acinisela ekukhonteni Jehova
Joh 6:60-62, 66-68—Nanobe labanyenti bayekela kulandzela Jesu, umphostoli Phetro utimisele kuchubeka amlandzela
Yini letasisita kutsi sicinisele?
Kunamatsela kuJehova
Kutfola lwati loluseVini laNkulunkulu ngekutsi sidadishe futsi sicabangisise ngako
Kuthantaza njalo kuJehova, simtjele lokusenhlitiyweni
Tindzaba letiseBhayibhelini letingakusita:
Dan 6:4-11—Umphrofethi Danyela uyachubeka nekuthantaza nanobe kwakhiwe lichinga lekumbulala
Mat 26:36-46; Heb 5:7—Ngebusuku bekugcina Jesu alamhlabeni, uthantaza ngalokujulile futsi ukhutsata nalabanye kutsi nabo bente lokufanako
Kuhlangana njalo nebazalwane nabodzadze kuze sikhonte Nkulunkulu ndzawonye
Kuhlale sicabanga ngetintfo Jehova lasetsembisa tona
Kucinisa indlela lesimtsandza ngayo Jehova, nebazalwane betfu nabodzadze nendlela lesitsandza ngayo kulunga
Kucinisa kukholwa kwetfu
Kuhlale sinembono lokahle nasihlupheka
Tiyini letinye tinzuzo tekuchubeka sicinisela?
Sidvumisa Jehova Nkulunkulu
Tag 27:11; Joh 15:7, 8; 1Ph 1:6, 7
Tindzaba letiseBhayibhelini letingakusita:
Job 1:6-12; 2:3-5—Sathane umangalela Jehova mayelana nekuba cotfo baJobe, futsi nguJobe kuphela longakhona kuphendvula ngekutsi achubeke akhonta Jehova ngekwetsembeka
Rom 5:19; 1Ph 1:20, 21—Ngekucinisela kuze kube sekugcineni, Jesu uphendvula umbuto lobalulekile lotsi: Umuntfu lote sono angakhona yini kwenta loko Adamu lehluleka kukwenta, ahlale etsembekile ngisho avivinywa kamatima?