Bobabe
Yini lokufanele yentiwe ngubabe emndenini wakhe?
Dut 6:6, 7; Efe 6:4; 1Tm 5:8; Heb 12:9, 10
Tindzaba letiseBhayibhelini letingakusita:
Gen 22:2; 24:1-4—Abrahama umtsandza kakhulu Isaka futsi wenta konkhe lokusemandleni akhe kuze aciniseke kutsi lendvodzana yakhe layitsandzako ishada nemuntfu lokhonta Jehova
Mat 13:55; Mak 6:3—Jesu ubitwa ngekutsi ‘yindvodzana yembati’ nangekutsi ‘ngumbati’; ngako singasho kutsi Josefa wafundzisa indvodzana yakhe lomsebenti lolusito
Yini leyenta kudzingeke kutsi babe atsandvwe futsi ahlonishwe emndenini?
Buka naMat 6:9
Tindzaba letiseBhayibhelini letingakusita:
Hos 11:1, 4—Jehova ubabekela sibonelo bobabe kuze akhombise indlela labatsandza ngayo nalabahlonipha ngayo. Ufundzisa bantfu bakhe futsi ubanakekele ngemusa njengobe nje babe enta kubantfwana bakhe
Luk 15:11-32—Jesu ukhombisa kutsi uyabahlonipha bobabe ngekutsi asho lomfanekiso lofundzisa indlela Jehova longuBabe wetfu wasezulwini labaphatsa ngayo ngemusa labo labonile kodvwa lasebaphendvukile