Bucotfo
Buyini bucotfo?
Hl 18:23-25; 26:1, 2; 101:2-7; 119:1-3, 80
Tindzaba letiseBhayibhelini letingakusita:
Lev 22:17-22—Jehova ulindzele kutsi imihlatjelo yetilwane ibe ‘ngulephile kahle,’ nobe iphelele, ingabi nesici; ligama lelitsi “lephile kahle” lihlobene neligama lesiHebheru lelihunyushwe ngekutsi “bucotfo,” leliveta kutsi bucotfo bufaka ekhatsi kutinikela ngalokuphelele kuJehova
Job 1:1, 4, 5, 8; 2:3—Indlela Jobe laphila ngayo iyakhombisa kutsi kuze umuntfu abe cotfo, kufanele amhloniphe ngalokujulile Jehova, amkhonte ngenhlitiyo yonkhe futsi akugweme kwenta lokubi embikwemehlo akhe
Yini leyenta sibudzinge bucotfo?
Yini lengasisita kutsi sigcine bucotfo betfu?
Yini lesingayenta kuze sibe cotfo futsi sihlale sicotfo?
Buka naDut 5:29; Isa 48:17, 18
Tindzaba letiseBhayibhelini letingakusita:
Job 31:1-11, 16-33—Onkhe malanga Jobe ukhombisa kutsi ucotfo ngekutsi akugweme kutiphasa kabi futsi uphatsa labanye ngemusa nangenhlonipho. Ukhonta Jehova kuphela, akatikhonti tithico futsi buhlobo bakhe naNkulunkulu bubaluleke kakhulu kuye kwendlula tintfo lanato
Dan 1:6-21—Nanobe Danyela nebangani bakhe labatsatfu bahlala nebantfu labangamkhonti Nkulunkulu, bachubeka bacotfo ngisho nalapho bakhetsa loko labatakudla
Nangabe umuntfu ente emaphutsa lamanyenti, kungenteka yini kutsi aphindze abe cotfo?
Tindzaba letiseBhayibhelini letingakusita:
1Ks 9:2-5; Hl 78:70-72—Ngenca yekutsi iNkhosi Davide yaphendvuka etonweni tayo futsi yacolelwa, Jehova uyitsatsa njengemuntfu lophile imphilo lecotfo
Isa 1:11-18—Nanobe Jehova atsi bantfu bakhe bayatentisa futsi benta tono letinyenti, wetsembisa kutsi ungabahlanta ngalokuphelele nangabe baphendvuka futsi bashintje tindlela tabo