Umshado

Tindzaba letiseBhayibhelini letingakusita:

• Gen 24:1-4, 7​—Abrahama losakhulile utimisele kutfolela indvodzana yakhe Isaka umfati kubantfu labakhonta Jehova, hhayi kubantfu baseKhenani labakhonta labanye bonkulunkulu

• Gen 28:1-4​—Isaka utjela indvodzana yakhe Jakobe kutsi itsatse umfati etihlotjeni takhe letikhonta Nkulunkulu, hhayi kubantfu baseKhenani

Tindzaba letiseBhayibhelini letingakusita:

• 1Ks 11:1-6, 9-11​—Jehova uyitfukutselela kakhulu iNkhosi Solomoni ngekungayinaki imiyalo yakhe, ngenca yekushada nebafati bakuletinye tive nangekubavumela kutsi bakhohlise inhlitiyo yayo

• Neh 13:23-27​—NjengaJehova, uMbusi Nehemiya uwatfukutselela kakhulu emadvodza langema-Israyeli ngenca yekushada nebafati bakuletinye tive labangamkhonti Jehova, ngako uyawajezisa futsi awekhute

Tindzaba letiseBhayibhelini letingakusita:

• 1Sa 25:2, 3, 14-17​—Nabali uyindvodza lenjingile kodvwa akaphatsani kahle futsi uyahlukubetana, lokwenta kutsi angabi yindvodza lekahle ku-Abigayili

• Tag 21:9​—Kushada nemuntfu longasilungeli kungenta singasajabuli futsi kusicedzele nekuthula

• Rom 7:2​—Umphostoli Pawula uyachaza kutsi umfati nakashada, uba ngephansi kweligunya lendvodza yakhe lenesono; ngako umfati lohlakaniphile uyanaka kutsi ngubani latawuvuma kushada naye

Tindzaba letiseBhayibhelini letingakusita:

• Tag 24:27​—Ngaphambi kwekutsi indvodza ishade futsi ibe nebantfwana, kufanele isebente kamatima kuze ikulungele kunakekela umndeni wayo

Tindzaba letiseBhayibhelini letingakusita:

• Rut 2:4-7, 10-12​—Bhowazi uyafundza kutsi Ruthe ungumuntfu lonjani ngekubuka indlela lasebenta ngayo, indlela laphatsa ngayo Nawomi, ngekulalela bantfu labetsenjwako kutsi batsini ngaye nangekubuka kutsi umtsandza kangakanani Jehova

• Rut 2:8, 9, 20​—Ruthe ufundza ngaBhowazi ngekubona umusa wakhe, kwephana kwakhe nendlela lamtsandza ngayo Jehova

Tindzaba letiseBhayibhelini letingakusita:

• Tag 5:18, 19​—Letinye tindlela tekutsintsana talabashadene kuphela

• Ing 1:2; 2:6​—Umelusi nentfombi yeMshulami bakhombisa kutsi bayatsandzana ngendlela lehlantekile

• Ing 4:12; 8:8-10​—Intfombi yeMshulami ihlala imsulwa futsi iyatibamba; ifana nengadze lebiyelwe

Tindzaba letiseBhayibhelini letingakusita:

• Gen 21:8-12​—Jehova utjela Abrahama kutsi akulalele loko lokushiwo ngumkakhe, lokunguSara, nanobe angakutsandzi loko lokushiwo ngulomkakhe

• Tag 31:10, 11, 16, 28​—Indvodza lehlakaniphile lenemfati lokhutsele lochazwe kulamavesi ayimcindzeteli umkayo nobe ihlale ifuna emaphutsa kuye; kunaloko iyametsemba umkayo futsi imdvumise

• Efe 5:33​—Emavi emphostoli Pawula laphefumulelwe akhombisa kutsi umfati unesidzingo lesikhetsekile sekutibonela kutsi indvodza yakhe iyamtsandza

Tindzaba letiseBhayibhelini letingakusita:

• Tag 1:8; 1Kt 7:4​—Nkulunkulu unikete bafati nabomake ligunya lelitsite emndenini

• 1Kt 11:3​—Umphostoli Pawula uyachaza kutsi sonkhe singephansi kwebunhloko, ngaphandle kwaNkulunkulu Somandla

• Heb 13:7, 17​—Ebandleni, emadvodza nebafati kufanele bahloniphe labo lababekwe kutsi bahole futsi babalalele

Tindzaba letiseBhayibhelini letingakusita:

• Gen 18:12; 1Ph 3:5, 6​—Sara uyihlonipha kakhulu indvodza yakhe, utsi “yinkhosi” yakhe nobe inhloko yakhe, futsi loko ukusho ngisho aticabangela

Tindzaba letiseBhayibhelini letingakusita:

• Gen 24:62-67​—Rebheka udvudvuta indvodza yakhe lokungu-Isaka ngemuva kwekushonelwa ngumake wayo

• 1Sa 25:14-24, 32-38​—Abigayili uvikela indvodza yakhe lelibele futsi usindzisa umndeni wakhe ngekutsi atitfobe futsi atincengele kuDavide kutsi abentele umusa

• Est 4:6-17; 5:1-8; 7:1-6; 8:3-6​—INdlovukazi Esta ibeka kuphila kwayo engotini ngekutsi iye kabili enkhosini ingakabitwa kuze incengele bantfu baNkulunkulu