Kukhula Ngeminyaka; Lasebakhulile

Tindzaba letiseBhayibhelini letingakusita:

• Shu 12:1-8​—Isebentisa indlela yekukhuluma lesankhondlo, iNkhosi Solomoni ichaza tinkinga letibangelwa kukhula, njengekungasaboni kahle emehlweni (‘tintfombi letibuka ngemafasitelo titawube setibona kalufifi’) kanye nekungaseva kahle etindlebeni (“emadvodzakati sekahlabelela phansi”)

Tindzaba letiseBhayibhelini letingakusita:

• 1Sa 12:2, 23​—Umphrofethi Samuweli losakhulile uyati kutsi kubaluleke kakhulu kutsi achubeke athantazela bantfu baJehova

• 2Sa 19:31-39​—INkhosi Davide iyabonga kuBhazilayi losakhulile ngekuchubeka ayisekela ngekwetsembeka, futsi Bhazilayi uyavuma kutsi akasakhoni kwenta lokunyenti ngesikhatsi acelwa kutsi ente lokungetulu kwaloko langakhona kukwenta

• Hl 71:9, 18​—INkhosi Davide iyesaba kutsi Jehova angeke asayisebentisa njengobe seyikhulile, ngako iyamncenga kutsi angayilahli kodvwa ayiphe emandla ekufundzisa situkulwane lesitako ngayo

• Luk 2:36-38​—Umphrofethikati Ana losakhulile futsi longumfelokati uyabusiswa ngenca yekutinikela kwakhe nangekukhonta Nkulunkulu ngekwetsembeka

Tindzaba letiseBhayibhelini letingakusita:

• Gen 12:1-4​—Jehova unika Abrahama sabelo ngesikhatsi aneminyaka lengu-75 futsi lesishintja kuphila kwakhe

• Dan 10:11, 19; 12:13​—Ingilosi ivakashela Danyela loseminyakeni yabo-90 kuze imcinisekise kutsi uligugu kuJehova nekutsi utawubusiswa ngenca yekwetsembeka kwakhe

• Luk 1:5-13​—Jehova ubusisa Zakhariya na-Elizabethe lasebakhulile ngekutsi babe nendvodzana lenguJohane ngalokusimangaliso

• Luk 2:25-35​—Jehova unika Simeyoni losakhulile litfuba lelihle lekubona Mesiya aseluswane; aphefumulelwe, Simeyoni usho siphrofetho lesimayelana naye

• Imi 7:23, 30-36​—Umphrofethi Mosi uneminyaka lengu-80 njengobe Jehova amnika umsebenti wekuhola bantfu bakhe, lokungema-Israyeli

Tindzaba letiseBhayibhelini letingakusita:

• Gen 45:9-11; 47:12​—Josefa utsi akulandvwe babe wakhe losakhulile lokunguJakobe, futsi uyamnakekela kuze kube ngulapho ashona

• Rut 1:14-17; 2:2, 17, 18, 23​—Ruthe usekela Nawomi losakhulile ngalakushoko nangalakwentako

• Joh 19:26, 27​—Njengobe Jesu afa elugodvweni, ucela Johane kutsi anakekele make wakhe