Umkhosi Lokungakafaneli Ukuphutsele

Ngebusuku bangaphambi kwekufa kwakhe, Jesu watjela balandzeli bakhe labetsembekile kutsi bakhumbule kusifela kwakhe. Asebentisa sinkhwa lesingenamvubelo neliwayini lelibovu lebekuphambi kwabo, wacalisa loko lokubitwa ngekutsi Sidlo Sakusihlwa Sekugcina nome Sidlo SeNkhosi Sakusihlwa, wase ubayala utsi: “Chubekani nikwenta, ningikhumbula.”​—Lukha 22:19.

Njalo ngemnyaka, BoFakazi BaJehova emhlabeni wonkhe bayahlangana kute bakhumbule kufa kwaJesu. Nga-2014, leSikhumbuto sitawuba ngeMsombuluko, April 14, ngemuva kwekushona kwelilanga.

Uyamenywa kutsi ube khona kulomkhosi. Kuwo, kutawuchazwa kabanti kutsi kubaluleke kangakanani kusifela kwaJesu. Kungenwa mahhala. Angeke kukukolekwe iminikelo. Lona lokunikete lomagazini angakutjela sikhatsi kanye nendzawo lokutawuchutjelwa kuyo leSikhumbuto endzaweni yakini, nome ungase ungene ku-Website yetfu, letsi jw.org/ss. Sicela ulubhale phansi lolusuku lwaleSikhumbuto, lesetsemba kutsi ngeke sikuphutsele.