Timemetelo
◼ Sipho sanga-April: Bomagazini Sicongosekulindza ne-“Phaphama!” Nawubuyela kulococe nabo, yetfula incwadzi letsi Lokufundziswa LiBhayibheli nobe nakufaneleka, wetfule incwajana letsi Lalela Nkulunkulu Kute Uphile Phakadze. Nga-May nanga-June: Hambisa lipheshana lelitsi Ungatsandza Yini Kwati Liciniso? nobe nguliphi lelinye lipheshana lelikhona esitokweni. Nangabe umuntfu anesifiso sekufundza, mkhombise kutsi sifundvo sichutjwa njani ngencwadzi letsi Lokufundziswa LiBhayibheli nobe usebentise incwajana letsi Lalela Nkulunkulu Kute Uphile Phakadze.
◼ Nasekusele liviki siye emhlanganweni wesigodzi, luhlelo lwemihlangano yelibandla lungase lushintjwe kute kubuketwe teluleko netikhumbuto temhlangano wesigodzi lokwacocwa ngato ngeliviki la-April 22. Ngemuva kwenyanga yinye nobe letimbili nanibuya emhlanganweni wesigodzi, incenye yetidzingo telibandla ingase isetjentiselwe kubuketa emaphuzu awo bamemeteli labawatfole alusito ensimini.
◼ Nakwenteka uhlela kuvakasha nekuya emhlangaweni wesigodzi wakulelinye live, utawutfola kwatiswa lokulusito ku-jw.org ngekuchafata incenye letsi “Mayelana Natsi” bese uchafata “Imihlangano Lemikhulu.”
◼ Kutanijabulisa kwati kutsi kwamanje kunemabandla langu-2 200 nemacembu ebamemeteli langu-53 ensimini yeligatja letfu. Angu-1 975 lasebentisa i-www.pr2711.com nawatfumela imibiko, a-oda tincwadzi aphindze atsatse tintfo telibandla kuyo. Sifisa kuwancoma onkhe emabandla lasebentisa i-www.pr2711.com. Kusebentisa yona kongela ligatja sikhatsi lesinyenti kuphindze kulinciphisele umsebenti futsi kuyawazuzisa nemabandla layisebentisako. Nome kunjalo, kunemabandla langu-278 lasengakayisebentisi i-www.pr2711.com. Siwacela ngemusa onkhe lawo mabandla kutsi acale ngekushesha kusebentisa i-www.pr2711.com nawangakhona. Sicela nitsintsane neligatja nangabe nifuna lusito kulendzaba.
◼ Kuyinjabulo kunatisa ngemabandla langu-12 lajabulele kunikelwa kwemaHholwa eMbuso awo. E-Eastern Cape: Mlungisi, Hlankomo, Nomlacu. EGauteng: Lotus Gardens, Mayfield, Refengkhotso, Sunrise, Tsakane East. KwaZulu-Natal: Mevamhlophe. ELimpopo: Dzumeri. ESwatini: Ekupheleni. E-Western Cape: Guguletu West.