“Ngikuvakashele Ngobe . . .”

Nangabe bantfu lesibatfola ekhaya basivulela umnyango, bangahle batibute kutsi sibobani futsi sitokwentani. Yini lesingayisho nasitetfula lengabenta bakhululeke? Ngalokuvamile ngemuva kwekubingelela labanye bamemeteli basebentisa ligama lelitsi “ngobe” nabachaza sizatfu sekuvakasha kwabo. Sibonelo saloku kutsi bangase batsi: “Sikuvakashele ngobe bomakhelwane betfu labanyenti bakhatsatwa bugebengu. Ucabanga kutsi . . . ” nobe batsi: “Nginivakashele ngobe ngifundzisa bantfu liBhayibheli mahhala.” Nangabe usicacisa ekucaleni sizatfu sekuvakasha kwakho, bangahle bakulalele loko lotakusho.