Imibiko Lejabulisako Yemsebenti Wekushumayela
NgaJanuary 2015, eNamibia naseSwatini kube nekwandza lokuhle. INamibia ibike kutsi inebamemeteli labangu-2 398, lokukhombisa kwandza ngemaphesenti langu-9 nakucatsaniswa nemnyaka lophelile. Mkhulu umsebenti wekuvuna eNamibia, loko sikubona ngekutsi ngaJanuary kuchutjwe tifundvo teliBhayibheli letingu-4 389 kanye nekutsi kubuyelwe kubantfu tikhatsi letingu-18 984. ESwatini, kubike bamemeteli labangu-3 563, lokukhombise kwandza kwebamemeteli lokungemaphesenti langu-19. Kuyo yonkhe insimu lengephansi kweligatja letfu kunebantfu labanyenti labafuna kufundza ngaNkulunkulu futsi siyachubeka sicela Jehova kutsi atfumele tisebenti letinyenti kulensimu levundzile.—Matewu 9:38.