Emantjontjo Emsebenti Wekushumayela

Siyajabula kunatisa ngemanani ebantfu lebebakhona eSikhumbutweni kuwo onkhe emave langephansi kweligatja laseNingizimu Afrika. Incumbi yawo ikhombisa kwandza lokujabulisako nasicatsanisa nemnyaka wa-2014. ELesotho labebakhona bebangu-10 266. EBotswana lebebakhona bebangu-6 323 kantsi eNamibia khona bebangu-7 726. ENingizimu Afrika kwaba nelinani lelisha lebantfu lebebakhona labangu-250 754. Ngetulu kwaloko, bamemeteli labangu-11 011 eNingizimu Afrika baba ngemahlahlandlela lasitako nga-April kantsi linani letifundvo teliBhayibheli letingu-145 001 lona solo alikehli. ESichingini saseSt Helena labebakhona eSikhumbutweni bebangu-272 kantsi eSwatini khona bebangu-8 841. Usemnyenti umsebenti ensimini yetfu; umsebenti wekuvuna mkhulu kakhulu. Chubekani nincusa iNkhosi yekuvuna kutsi yengete tisebenti ensimini yetfu levundzile.​—Matewu 9:37, 38.