Ungakwetama Yini Umnyaka Munye Nje?

Wetame ini? Kuba lihlahlandlela lelivamile! Maye tinyenti tibusiso lotatijabulela!​—Tag 10:22.

NGEKUBA LIHLAHLANDLELA . . .

• utawutfola emakhono njengemvangeli futsi utawujabulela kakhulu umsebenti wekushumeyela

• buhlobo bakho naJehova butawucina. Nawucitsa sikhatsi lesinyenti ukhuluma ngaJehova kulabanye, utotikhumbula njalo timfanelo takhe letimangalisako

• utawutfola kwenetiseka ngekubeka umbuso waNkulunkulu kucala ekuphileni kwakho kanye nenjabulo ngekupha labanye.​—Mat 6:33; Imi 20:35

• utawuba khona emhlanganweni wemahlahlandlela lobakhona nakuvakashe umbonisi wesigodzi, umhlangano wemahlahlandlela lokhetsekile loba khona nakunemhlangano wesigodzi, kanye naseSikolweni Semsebenti Semahlahlandlela

• utawuba nematfuba lamanyenti ekucalisa uphindze uchube tifundvo teliBhayibheli

• utawuba nesikhatsi lesinyenti kanye nalabanye bazalwane nabodzadze, ujabulele tincociswano letikhutsatako.​—Rom 1:11, 12