“Umhlaba Wonkhe Wawukhuluma Lulwimi Lunye”

11:1-4, 6-9

EBhabheli, Jehova wasakata bantfu labangamlaleli ngekutsi asanganise lulwimi lwabo. Lamuhla ubutsela ndzawonye sicumbi lesikhulu lesivela kuto tonkhe tive netilwimi, futsi usiniketa ‘lulwimi loluhlambulukile’ kuze ‘sibite libito [laJehova], sicele lusito kuye, simkhonte sihlangene lihlombe ngelihlombe.’ (Zef. 3:9; Semb. 7:9) ‘Lolulwimi loluhlambulukile’ liciniso ngaJehova netinjongo takhe lokutfolakala emiBhalweni.

Umuntfu lofundza lulwimi akagcini nje ngekuzama kukhumbula emagama lamasha. Kodvwa kudzingeka kutsi afundze nendlela lensha yekucabanga. Ngendlela lefanako, njengobe sifundza lulwimi loluhlambulukile lweliciniso, tingcondvo tetfu nato tiyashintja. (Rom. 12:2) Lena yintfo lechubeke yenteka lesita bantfu baNkulunkulu kutsi bahlale bamunye.—1 Khor. 1:10.