Bufakazi Besibusiso SaJehova

8:6-9, 12; 9:1-5, 23, 24

Jehova wabangela kutsi umlilo ushwabadzele umnikelo wekucala wekushiswa wa-Aroni nemadvodzana akhe lebebasandza kubekwa kutsi babe baphristi. Loko kwakhombisa kutsi Jehova uyakusekela futsi uyakwemukela kubekwa kwabo. Ngaleyo ndlela, Jehova wakhutsata lesive lebesibutsene ngalelolanga kutsi sibasekele labaphristi. Lamuhla, Jehova usebentisa Jesu Khristu lokhatinyulisiwe kutsi abe nguMphristi Lophakeme. (Heb 9:11, 12) Nga-1919, Jesu wabeka licembu lelincane lemadvodza lagcotjiwe kutsi abe “sisebenti lesetsembekile nalesihlakaniphile.” (Mat 24:45) Ngubuphi bufakazi lobukhona lobukhombisa kutsi Jehova uyasibusisa, uyasisekela futsi uyasemukela sisebenti lesetsembekile?

• Nangetulu kwekuhlushwa lokuchubekako, sisebenti lesetsembekile siyachubeka sisiniketa kwatiswa lokwenta kukholwa kwetfu kuhlale kucinile.

• Njengobe kwaphrofethwa, tindzaba letimnandzi tishunyayelwa “emhlabeni wonkhe.”—Mat 24:14

Singasisekela njani ngalokugcwele sisebenti lesetsembekile nalesihlakaniphile?