Uyetama Yini Kubona Indlela Jehova Layiphendvula Ngayo Imithantazo Yakho?

LiBhayibheli ligcwele tibonelo temithantazo leyaphendvulwa nguJehova. Ngesikhatsi tikhonti taNkulunkulu tibona indlela Jehova latinaka ngayo tinkinga tato futsi atisita, kukholwa kwato kwabese kuyacina. Ngako-ke kukahle kakhulu kutsi natsi sitisho ngalokucondzile tinkinga tetfu nasithantaza futsi setame kubona indlela Jehova lasiphendvula ngayo. Khumbula kutsi indlela latasiphendvula ngayo ingahle yehluke nobe ibe ngetulu kwaloko lesikucelile. (2Kt 12:7-9; Efe 3:20) Yini Jehova langasinika yona nakaphendvula ticelo tetfu?

• Emandla lesiwadzingako, kuthula kwengcondvo nobe kukholwa kute sibhekane nenkinga lesinayo.—Flp 4:13

• Kuhlakanipha kuze sente sincumo lesikahle.—Jak 1:5

• Sifiso kanye nemandla ekwenta lokutsite.—Flp 2:13

• Kuthula kwengcondvo nasikhatsatekile.—Flp 4:6, 7

• Kutfola lusito lesiludzingako kulabanye bantfu.—1Jh 3:17, 18

• Asite labo lesibathantazelako.—Imi 12:5, 11

BUKELANI I-VIDEO LETSI JEHOVA “UYAYIVA IMITHANTAZO,” BESE NIPHENDVULA LEMIBUTO LELANDZELAKO:

• Lokwenteka kumzalwane Shimizu kungasikhutsata njani nangabe singakhoni kwenta lokutsite ngenca yetinkinga temphilo?

• Singasilingisa njani sibonelo semzalwane Shimizu?