KUPHILA KWEMAKHRISTU
Cinisa Kukholwa Kwakho EVini LaNkulunkulu
LiVi laNkulunkulu lingakushintja kuphila kwetfu. (Heb 4:12) Nobe kunjalo, kuze sizuze nalisicondzisa futsi liseluleka, sidzinga kuciniseka kutsi ‘lilivi laNkulunkulu.’ (1Te 2:13) Singakucinisa njani kukholwa kwetfu eBhayibhelini?
Fundza incenye letsite yeliBhayibheli njalo ngelilanga. Njengobe ufundza, funa bufakazi bekutsi Jehova unguMbhali walo. Sibonelo nje, hlola seluleko lesitfolakala encwadzini yeTaga, bese unaka kutsi kuhlakanipha kwaso kusebenta njani ekuphileni kwetfu lamuhla.—Tag 13:20; 14:30.
Cala luhlelo lwekudadisha. Bati bufakazi lobuveta kutsi liBhayibheli liphefumulelwe. Ungafundza Lithulusi Lekucwaninga LaBoFakazi BaJehova, ngaphansi kwesihloko lesitsi “LiBhayibheli” kulencenye letsi “Liphefumulelwe NguNkulunkulu.” Ungaphindze uticinisekise kutsi umlayeto weliBhayibhelini awukashintji ngekutsi ufundze Sandzisanchazo A3 se-Lihumusho Lemhlaba Lomusha.
BUKELANI I-VIDEO LETSI KUNGANI SINEKUKHOLWA . . . EVINI LANKULUNKULU, BESE NIPHENDVULA LEMIBUTO LELANDZELAKO:
Loko lokwatfolakala ebondzeni lelithempeli laseKarnak, eGibhithe kukufakazela njani kuba liciniso kweliVi laNkulunkulu?
Sati njani kutsi umlayeto weliBhayibheli awukashintji?
Kuba khona kweliBhayibheli kuze kube ngulamuhla kukufakazela njani kutsi liliVi laNkulunkulu?—Fundza Isaya 40:8