MAY 6-12

UMCEBO LOSEVINI LANKULUNKULU

1. “Ungatfukutseli Ngenca Yebantfu Lababi”

(10 imiz.)

Bantfu lababi basivisa buhlungu futsi basibangele nekuhlupheka (Hl 36:1-4; w17.04 10 ¶4)

Nasihlala sitfukutselele “bantfu lababi” sitilimata tsine (Hl 37:1, 7, 8; w22.06 10 ¶10)

Nasikukholwa loko Jehova lasetsembise kona, sitoba nekuthula (Hl 37:10, 11; w03-ZU 12/1 13-14 ¶20)

Dzadze lokhatsatekile ufundza tindzaba ecingweni lwakhe. Ubona titfombe tebantfu lababhikishako, liphoyisa lelitsatsa imali yekufumbatsiswa, emasotja ayadubula, indvodza lehlomile egaraji, bantfu labaphetse tintfo labatebile, tiyaluyalu, bantfu labasheshe bafika lakwenteke ingoti khona.

TIBUTE: ‘Ngitsandza kubukela kakhulu tindzaba letikhombisa bubi nebudlova yini?’

2. Kufunisisa Umcebo EVini LaNkulunkulu

(10 imiz.)

Hl 36:6—Kungenteka umhlabeleli bekasho kutsini nakatsi kulunga kwaJehova “kunjengetintsaba letinkhulu [nobe, “kunjengetintsaba taNkulunkulu,” umbhalo longentasi]”? (it-2-E 445)

Bhala imphendvulo yakho
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?

Bhala imphendvulo yakho

3. Kufundvwa KweliBhayibheli

(4 imiz Hl 37:1-26 (th sifundvo 10)

TIMISELE EMSEBENTINI WEKUSHUMAYELA

4. Kucalisa Incociswano

(3 imiz.) EMTINI NGEMUTI. (lmd sifundvo 1 liphuzu 5)

5. Kubuyela Kulesicoce Naye

(4 imiz.) KUSHUMAYELA UNGAKAHLELI. Cela kuchubela umuntfu sifundvo seliBhayibheli lowake wangavumi kuchutjelwa esikhatsini lesendlulile. (lmd sifundvo 9 liphuzu 4)

6. Inkhulumo

(5 imiz.) ijwbv-E 45—Sihloko: Asho Kutsini Emavi LakuTihlabelelo 37:4? (th sifundvo 13)

KUPHILA KWEMAKHRISTU

7. Utilungele Yini “Tikhatsi Letimatima”?

(15 imiz.) Coca nelibandla.

Ngenca yetinhlekelele temvelo naleto letibangelwa bantfu, bazalwane nabodzadze emhlabeni wonkhe balahlekelwe tintfo letinyenti futsi bashonelwa tihlobo nebangani. (Hl 9:9, 10) Lokubuhlungu kutsi “tikhatsi letimatima” tingafika nobe kunini futsi tihlasele noma ngubani, ngako kufanele sihlale sitilungele.

Ngetulu kwekulungiselela tintfo letitasisita sisindze nakunenhlekelelea, yini lenye lengasisita sikhone kubeketelela lesimo naseyentekile?

Hlale ukhumbula kutsi ingenteka: Yemukela kutsi inhlekelele ingenteka, futsi ucabange ngetintfo longatenta nayenteka. Ungatitsandzi kakhulu tintfo lonato. Loko kutakusita ucabangisise kahle nasekuvele inhlekelele futsi ukhone kunaka kusindzisa kuphila kwakho nekwalabanye, esikhundleni sekwetama kulondvolota tintfo lonato. (Gen 19:16; Hl 36:9) Kungaphindze kukusite ungeva buhlungu kakhulu nakwenteka tilahleka ngesikhatsi senhlekelele.—Hl 37:19
Cinisa buhlobo bakho naJehova: Ciniseka kutsi Jehova unawo emandla ekukusita futsi uyakukhatsalela. (Hl 37:18) Ingakafiki inhlekelele, hlale utikhumbuta kutsi Jehova utawuchubeka aticondzisa futsi atisekela tinceku takhe ngisho nobe tingalahlekelwa ngiko konkhe letinako.—Jer 45:5; Hl 37:23, 24

Nasiciniseka kutsi Jehova utatifeza tetsembiso takhe, sisuke simenta ‘indzawo yetfu yekukhosela ngesikhatsi sebumatima.’—Hl 37:39.

Titfombe: Titfombe letitsetfwe ku-video letsi “Ukulungele Yini Kubhekana Nesehlakalo?” 1. Umzalwane ufundza liBhayibheli. 2. Emagagasi etsunami. 3. Emafu emvula. 4. Kunetikhukhula futsi bantfu batfwele tintfo tabo.

Dlala i-VIDEO letsi Ukulungele Yini Kubhekana Nesehlakalo?, bese ubuta lemibuto:

Jehova angasisita njani nakunenhlekelele?

Bhala imphendvulo yakho
Yini lesingayenta kuze sihlale silungele?

Bhala imphendvulo yakho
Singabasita kanjani labo labavelelwe yinhlekelele?

Bhala imphendvulo yakho

8. Sifundvo SeliBhayibheli Selibandla

(30 imiz.) bt sehl. 9 ¶8-16

Siphetfo (3 imiz.) | Ingoma 57 Nemthantazo

a Buka i-Phaphama! No. 5 2017, emakhasi 4-6, letfolakala ngesiZulu.