JUNE 9-15

UMCEBO LOSEVINI LANKULUNKULU

Ema-Israyeli lashadene adla kudla ekhaya labo. — Ema-Israyeli lashadene adla kudla endzaweni lethulile

1. Bani Nekuthula Emshadweni Wakho

(10 imiz.)

Kudzingeka imetamo kuze ulondvolote kuthula emshadweni wakho, futsi utatibona netinzuzo tekwenta loko (Tag 17:1; buka lesisekucaleni)

Gwema kukwatiswa tintfo letincane (Tag 17:9; g-ZU 9/14 11 ¶2)

Lawula indlela lotiva ngayo (Tag 17:14; w08-ZU 5/1 11 ¶1-2)

Umndeni longakajabuli futsi lonjingile wangetikhatsi teliBhayibheli uhleti phansi futsi ubeke kudla embikwawo. Bobabili bagoce imikhono futsi lomfati ubuke eceleni njengobe lendvodza ikhuluma.

2. Kufunisisa Umcebo EVini LaNkulunkulu

(10 imiz.)

Tag 17:24, umbhalo longentasi—Kusho kutsini kutsi ‘emehlo esilima awahlaliseki’? (it-1-E 790 ¶2)

Bhala imphendvulo yakho
Ngumuphi umcebo lowutfole kulokufundvwa kweliBhayibheli kwaleliviki longatsandza kusicocela ngawo?

Bhala imphendvulo yakho

3. Kufundvwa KweliBhayibheli

(4 imiz) Tag 17:1-17 (th sifundvo 10)

TIMISELE EMSEBENTINI WEKUSHUMAYELA

4. Kucalisa Incociswano

(3 imiz.) KUSHUMAYELA UNGAKAHLELI. (lmd sifundvo 3 liphuzu 5)

5. Kucalisa Incociswano

(4 imiz.) KUSHUMAYELA ETINDZAWENI TAWONKHEWONKHE. Cela kumchubela sifundvo seliBhayibheli. (lmd sifundvo 6 liphuzu 4)

6. Inkhulumo

(5 imiz.) ijwbv sihloko 60—Sihloko: Usho Kutsini Taga 17:17? (th sifundvo 13)

KUPHILA KWEMAKHRISTU

7. Yentani Tintfo Letitonenta Nicoce

(15 imiz.) Coca nelibandla.

Kukhulumisana kahle kubalulekile kuze umndeni ujabule. Nangabe emalunga emndeni akhulumisana ngekukhululeka, angakhona kusitana ngetikhatsi letimatima. (Tag 15:22) Yini longayenta kuze usite emalunga emndeni wakho ative akhululekile kusho loko lakucabangako aphindze avete nendlela lativa ngayo?

Citsani sikhatsi ndzawonye. (Dut 6:6, 7) Nangabe imindeni isebenta ndzawonye, iya emihlanganweni nasemsebentini wekushumayela ndzawonye futsi iba netikhatsi letimnandzi ndzawonye, loko kwenta kutsi isondzelane, itsandzane nakakhulu futsi itsembane. Kwenta konkhe loku kuphindze kuyisite ibe nematfuba ekuba netincociswano letimnandzi. Ngaletinye tikhatsi kutawudzingeka kutsi ubeke eceleni loko lokujabulisa wena kuze wente loko lokutsandvwa ngumndeni wakho, futsi kwenta kanjalo kutawuzuzisa umndeni wakho! (Flp 2:3, 4) Ningasisebentisa njani kahle sikhatsi senu nindzawonye njengemndeni?—Efe 5:15, 16.

Sitfombe lesitsatfwe ku-video letsi “Indlela Yekuba Nekuthula Emndenini—Tfutfukisani Indlela Lenikhulumisana Ngayo.” Umndeni ujabulela kudla ndzawonye.

Dlala i-VIDEO letsi Indlela Yekuba Nekuthula Emndenini—Tfutfukisani Indlela Lenikhulumisana Ngayo, bese ubuta lemibuto:

Kutisebentisa kakhulu tebuchwephesha kungaba namuphi umtselela endleleni umndeni lokhulumisana ngayo?

Bhala imphendvulo yakho
Yini lenye loyifundzile kule-video mayelana nekukhulumisana?

Bhala imphendvulo yakho

Lalelisisa. (Jak 1:19) Bantfwana bayakhona kuveta indlela labativa ngayo nangabe bangesabi kutsi loko labakushoko kutabakwatisa batali babo nobe kutsi batawutsatfwa kabi. Yenta konkhe longakwenta kuze ungatfukutseli nangabe umntfwana wakho akutjela intfo lekwenta ukhatsateke. (Tag 17:27) Kunaloko, velana naye futsi umlalele. Yetama kucondza loko lakucabangako kanye nendlela lativa ngayo, kuze ukhone kumkhutsata futsi umsite ngelutsandvo.

8. Sifundvo SeliBhayibheli Selibandla

(30 imiz.) bt sehl. 27 ¶19-22, libhokisi ekh. 212