Jesu “Wafundza Kulalela”

Jesu bekahlale amlalela Jehova. (Joh. 8:29) Yini-ke leyenta liBhayibheli litsi: “Wafundza kulalela ngekuhlupheka kwakhe”?​—Heb. 5:8.

Ngesikhatsi Jesu alamhlabeni, wabhekana netintfo letingekho ezulwini. Wakhuliswa batali labatsandza Jehova kodvwa labanesono. (Luk. 2:51) Waphatfwa kabi baholi benkholo labakhohlakele netiphatsimandla letingakalungi. (Mat. 26:59; Mak. 15:15) Ngetulu kwaloko, “watitfoba waphindze walalela kwaze kwaba ngulapho afa” kabuhlungu.​—Fil. 2:8.

Letintfo tafundzisa Jesu kulalela ngendlela langazange sekayibone ezulwini. Ngenca yaloko uyiNkhosi nemPhristi Lophakeme lokahle kakhulu, lokhonako kuvelana natsi. (Heb. 4:15; 5:9) Jesu wabaluleka kakhulu kuJehova ngemuva kwekufundza kulalela ngekuhlupheka kwakhe. Natsi singabaluleka kakhulu kuJehova futsi sisebentiseke ngisho kunobe ngusiphi sabelo kuphela nje nasilalela, ngisho nasetimeni letimatima.​—Jak. 1:4.