B1
Umlayeto WeliBhayibheli
Jehova Nkulunkulu unelilungelo lekubusa. Indlela yakhe yekubusa incono kakhulu. Injongo yakhe ngemhlaba nangebantfu, itawufezeka.
Ngemuva Kwa-4026 B.C.E. “Inyoka” ingabata lilungelo laJehova lekubusa nendlela labusa ngayo. Jehova wetsembisa kuveta “intalelwane,” nobe ‘inhlanyelo’ letawupitjita inyoka, lenguSathane. (Genesisi 3:1-5, 15, umbhalo longentasi) Nanobe kunjalo, Jehova unikete bantfu sikhatsi sekutsi batibuse balawulwa yinyoka. |
1943 B.C.E. Jehova watjela Abrahama kutsi ‘lenhlanyelo’ letsenjisiwe beyitawuba yintalelwane yakhe.—Genesisi 22:18, umbhalo longentasi. |
Ngemuva Kwa-1070 B.C.E. Jehova wacinisekisa iNkhosi Davide, futsi ngekuhamba kwesikhatsi wacinisekisa naSalomoni kutsi ‘inhlanyelo’ letsenjisiwe beyitawuvela eluhlwini lwemndeni wabo.—2 Samuweli 7:12, 16, umbhalo longentasi; 1 Emakhosi 9:3-5; Isaya 9:6, 7. |
29 C.E. Jehova watsi Jesu ‘uyintalelwane’ letsenjisiwe leyiNdlalifa yesihlalo sebukhosi saDavide.—KubaseGalathiya 3:16; Lukha 1:31-33; 3:21, 22. |
33 C.E. Inyoka lenguSathane yalimata ‘intalelwane’ kwesikhashana, ngekutsi ibulale Jesu. Jehova wavusa Jesu kuze aye ezulwini futsi wemukela nekuphila kwakhe lokuligugu, ngekutsi kube yindlela yekutsetselelwa kwetono, kuze bantfwana ba-Adamu batfole kuphila lokuphakadze.—Genesisi 3:15; Imisebenti 2:32-36; 1 KubaseKhorinte 15:21, 22. |
Cishe Nga-1914 C.E. Jesu wajikijela inyoka lenguSathane emhlabeni, kuze ayigcine khona kwesikhashana.—Sembulo 12:7-9, 12. |
Esikhatsini Lesitako Jesu utawuvalela Sathane iminyaka lengu-1 000, ngemuva kwaloko utambhubhisa, kube shengatsi umfihlita inhloko. Injongo yekucala yaJehova ngemhlaba nangebantfu itawufezeka, libito lakhe lihlantwe ekungcolisweni, futsi indlela yakhe yekubusa itawungcweliswa.—Sembulo 20:1-3, 10; 21:3, 4. |