INCENYE 9

Litawufika Nini LiPharadisi?

Tinkinga letikhona lamuhla emhlabeni tifakazela kutsi uMbuso waNkulunkulu sewutawufika ngekushesha. Lukha 21:10, 11; 2 Thimothi 3:1-5

Tinkinga letivamile kulamalanga ekugcina--kugembula, imphi, tifo, indlala, kungalaleli batali, kanye nebudlova basekhaya

LiBhayibheli labiketela ngetintfo letinyenti letentekako lamuhla. Lasho kutsi bantfu batawutsandza imali, bangalaleli batali, babe nelulaka, futsi batsandze injabulo.

Kuyawuba nekutamatama lokukhulu kwemhlaba, timphi, kuswelakala kwekudla, kanye nekwandza kwetifo. Letintfo tiyenteka lamuhla.

Lomunye waBoFakazi BaJehova ucocela lenye indvodza ngetindzaba letimnandzi

Jesu waphindze watsi tindzaba letinhle teMbuso titawushunyayelwa kuwo wonkhe umhlaba.—Matewu 24:14.

UMbuso utawucedza bonkhe bubi. 2 Phetro 3:13

Bantfu lababi bayabhijiswa nge-Amagedoni, Sathane nemadimoni akhe bayajeziswa

Ngekushesha nje, Jehova utawubhubhisa bonkhe bantfu lababi.

Sathane nemadimoni batawujeziswa.

Jesu uhleti esihlalweni sakhe sebukhosi asezulwini, futsi bantfu bebuve lobehlukene bayajabula

Labo labalalela Nkulunkulu batawusindza, bangene eveni lelisha lekulunga, lapho kungeke kusabakhona kwesaba, futsi lokulive lapho bantfu batawube betsembana futsi batsandzana khona.