Indlela Lekahle Yekujabulela Tingoma TeMbuso

Tikhonti taNkulunkulu titsatsa umculo njengesipho lesihle lesivela kuJehova. (Jak. 1:17) Emabandla lamanyenti ajabulela kulalela tingoma teMbuso kancane nje ngembikwemihlangano kanye nangemuva kwayo. Kudlala tingoma teMbuso kuyindlela lekahle yekusemukela emihlanganweni. Kusisita kutsi tingcondvo tetfu tiwulungele kahle umhlangano. Ngetulu kwaloko, kulalela tingoma letinsha letiseculweni letfu kusenta setayelane nato futsi kusisita kutsi sitihlabele kahle. Kulalela umculo lonjalo ngemuva kwemihlangano kulondvolota simo lesijabulisako lapho sijabulela khona kucoca ndzawonye futsi sikhutsatane. Ngako-ke, tigungu talabadzala kufanele tihlele kutsi kudlalwe i-CD letsi “Sing to Jehovah—Piano Accompaniment” ngembikwemihlangano kanye nangemuva kwayo. Kufanele labazalwane baciniseke kutsi lomculo awukhaleli etulu kute ungaphatamisi bantfu labacocako.