Kutfutfukisa Emakhono Etfu Emsebentini Wekushumayela—Kufakaza Kumuntfu Lokhuluma Lolunye Lulwimi

Kubaluleke Ngani?: Jehova ufuna kutsi bantfu ‘bato tonkhe tive’ babe nebuhlobo lobuhle naye. (Imis. 10:34, 35) Ngako-ke, Jesu watsi letindzaba letimnandzi titawushunyayelwa ‘emhlabeni wonkhe nasetiveni tonkhe.’ (Mat. 24:14) Zakhariya waphrofetha kutsi bantfu ‘labasuka kuto tonkhe tilwimi netive’ bebatawutemukela letindzaba. (Zak. 8:23) Ngekwaloko lokwabonwa ngumphostoli Johane, labo labatawusindza ekuhluphekeni lokukhulu batawufaka ekhatsi bantfu ‘labaphuma kuto tonkhe tive, tinhlanga, bantfu, kanye netilwimi.’ (Semb. 7:9, 13, 14) Ngekuvumelana naloko lesesikhulume ngako, nasihlangana nemuntfu lokhuluma lolunye lulwimi ensimini, kufanele setame kucoca naye.