Kucine Kangakanani Kukholwa Kwakho Etetsembisweni TaJehova?

BoJoshuwa naSolomoni bavuma kutsi kute ngisho nasinye setsembiso saJehova lesingazange sifezeke. (Jos 23:14; 1Kh 8:56) Lamavi labawasho labofakazi lababili acinisa kukholwa kwetfu.​—2Ko 13:1; Thi 1:2.

Jehova watigcwalisa njani tetsembiso takhe ngesikhatsi saJoshuwa? Bukelani idrama njengemndeni lenesihloko lesitsi ‘Kute Ngisho Nasinye Setsembiso Lesingazange Sifezeke,’ bese nicoca ngalemibuto lelandzelako: (1) Ungakulingisa njani kukholwa kwaRahabi? (Heb 11:31; Jak 2:24-26) (2) Sibonelo sa-Akhani sikukhombisa njani kutsi kungalaleli ngemabomu kungaba nemphumela lomubi? (3) Nanobe emaGibeyoni abengemachawe, kungani ayenga Joshuwa abese akha kuthula nema-Israyeli? (4) Setsembiso saJehova sagcwaliseka njani ngesikhatsi emakhosi lasihlanu ema-Amori asongela ema-Israyeli? (Jos 10:5-14) (5) Jehova ukusite njani njengobe ubeka uMbuso kanye nekulunga kwakhe kucala ekuphileni kwakho?​—Mat 6:33.

Njengobe sicoca ngetetsembiso taJehova letagcwaliseka, letigcwalisekako naletisetawugcwaliseka, kukholwa kwetfu kuyacina.​—Rom 8:31, 32.