Pawula Wahamba Ngemkhumbi Waya eRoma

27:23, 24; 28:1, 2, 16, 17

Pawula akazange ayekele kushumayela ngisho nobe bekaboshiwe. Asesemkhunjini, wafakaza etindvuneni temkhumbi nakubantfu lebekagibele nabo. Ngemuva kwekufelwa ngumkhumbi eMaltha, siyaciniseka kutsi Pawula wasebentisa lelotfuba kute ashumayele kulabo lebekabelaphile. Ngemuva nje kwemalanga lamatsatfu afikile eRoma, Pawula wabita onkhe emadvodza labehola edolobheni lemaJuda kute afakaze kuwo. Kulelijele lebekaboshwe kulo iminyaka lemibili, bekabashumayela bonkhe lebebamvakashela.

Yini longayenta kute uchubeke ushumayela ngisho nobe ukusiphi simo?