Tikhetse Ngekuhlakanipha Tintfo Longatijabulisa Ngato

Kungani kufanele sitikhetse ngekuhlakanipha tintfo lesingatijabulisa ngato? Sizatfu kutsi nasikhetsa lifilimu lesitalibukela, umculo lesitawulalela, iwebsite lesitayibuka, incwadzi lesitayifundza, nobe i-video game lesitayidlala, sisuke sikhetsa lesifuna kukufaka etingcondvweni tetfu. Lesikukhetsako kuyayishintja indlela lesenta ngayo tintfo. Kuyadzabukisa kutsi lamuhla tintfo letinyenti lesitijabulisa ngato tifaka ekhatsi tintfo Jehova langatifuni. (Hla. 11:5; Gal. 5:19-21) Kungaleso sizatfu liBhayibheli lisikhutsata kutsi sichubeke sicabanga ngetintfo letihlonipha Jehova.—Fil. 4:8.

BUKELA I-VIDEO LETSI YINI LOKUFANELE NGITIJABULISE NGAYO?, BESE UPHENDVULA LEMIBUTO LELANDZELAKO:

• 

  Imidlalo yebudlova yebantfu baseRoma basendvulo ifana njani nemidlalo yekutijabulisa yalamuhla?

• 

  Emalunga elibandla angabasita njani labasebasha kutsi batikhetse ngekuhlakanipha tintfo labangatijabulisa ngato?

• 

  Singayisebentisa njani incwadzi yaRoma 12:9 nasikhetsa tintfo lesingatijabulisa ngato?

• 

  Nguphi tibonelo tetintfo letikahle tekujabulisa letikhona endzaweni yakini?