TIMISELE EMSEBENTINI WEKUSHUMAYELA | YANDZISA INJABULO YAKHO EMSEBENTINI WEKUSHUMAYELA
Sebentisa Imifanekiso Kuze Wente Emaphuzu Lamcoka Akhanye
Nangabe sibuyela kulesicoce nabo nobe sichuba tifundvo teliBhayibheli, kudzingeka sisite labo labasilalele kutsi bacondze emaphuzu lamcoka. Nasisebentisa imifanekiso kuze sigcizelele emaphuzu lamcoka, singakhona kutsintsa tinhlitiyo talabasilalele futsi sibasite kute bawakhumbule lamaphuzu besicoca ngawo.
Njengobe ulungiselela kubuyela kulococe naye nobe kuyochuba sifundvo seliBhayibheli, khetsa emaphuzu lamcoka hhayi langakabaluleki lotawusebentisa kuwo imifanekiso. Bese ukhetsa imifanekiso lemelula lemayelana netintfo letetayelekile ekuphileni kwamalanga onkhe. (Mat 5:14-16; Mak 2:21; Luk 14:7-11) Ciniseka kutsi uyayinaka indlela labo labakulalele labaphila ngayo. (Luk 5:2-11; Joh 4:7-15) Utawujabula lapho ubona labakulalele bajatjuliswa kutsi bayalicondza liphuzu lelitsite.
BUKELA I-VIDEO LETSI TFOLA INJABULO EKWENTENI BAFUNDZI—TFUTFUKISA EMAKHONO AKHO—SEBENTISA IMIFANEKISO KUZE WENTE EMAPHUZU LAMCOKA AKHANYE, BESE NIPHENDVULA LEMIBUTO LELANDZELAKO:
Kungani bafundzi bangahle badzinge kusitwa kute bacondze emavesi eliBhayibheli?
Neeta ulifanekise njani liciniso lelitfolakala KubaseRoma 5:12?
Imifanekiso lekahle itsintsa inhlitiyo
Imifanekiso lekahle ingabatsintsa njani labo labasilalele?
Nasisemsebentini wekushumayela, kungani kufanele sisebentise ema-video kanye nalamanye emathulusi ekufundzisa lavela enhlanganweni yaJehova?