Yini Bodzadze Labangayenta Kute Bente Lokwengentiwe?

Bodzadze benta imisebenti lebalulekile kute basekele umsebenti weMbuso. (Hl 68:11) Badadisha liBhayibheli nebantfu labanyenti futsi linyenti labo lingemahlahlandlela lavamile. Linyenti labodzadze lelisebenta ngekutimisela likhonta eBethel, lititfunywa telivangeli, lingemavolontiya nobe tisebenti ekwakheni takhiwo tenhlangano futsi liphindze libe bahumushi. Bodzadze labavutsiwe bakhutsata imindeni yabo kanye nemabandla. (Tag 14:1) Nanobe bodzadze bangeke bakhonte njengalabadzala nobe tinceku letisebentako, kodvwa basengatibekela imigomo ebandleni. Nangabe ungudzadze, ngutiphi tindlela longentela ngato Jehova lokunyenti?

• Lwela kuba nebuntfu bebuKhristu—1Tm 3:11; 1Ph 3:3-6

• Sita bodzadze labasebasha ebandleni—Thi 2:3-5

• Yetama kucitsa sikhatsi lesinyenti emsebentini wekushumayela kute uphumelele

• Fundza lolunye lulwimi

• Kuya lapho kunesidzingo lesikhulu sebamemeteli

• Kufaka sicelo sekuyosebenta eBethel nobe kuyosita ekwakheni takhiwo tenhlangano

• Kufaka sicelo sekuya eSikolweni Sebavangeli BeMbuso

BUKELA I-VIDEO LETSI “BAFATI LABASEBENTA NGEKUTIMISELA ENKHOSINI,” BESE NIPHENDVULA LOMBUTO LOLANDZELAKO:

• Loko lokushiwo ngulabodzadze kukukhutsate njani wena?