Tifundvo Lesingatitfola Ekuphileni KwaSamuweli

Samuweli wahlala atsembekile kuJehova kuphila kwakhe konkhe. Ngesikhatsi asengumfana, akazange afane nemadvodzana a-Eli, boHofni naFinehasi lebebakhohlakele. (1Sa 2:22-26) Samuweli wachubeka akhula futsi Jehova abesolo anaye. (1Sa 3:19) Watsi noma asakhulile, wachubeka akhonta Jehova ngekwetsembeka ngisho nobe emadvodzana akhe angazange.—1Sa 8:1-5.

Sibonelo saSamuweli singasifundzisani? Nangabe usemusha, ciniseka kutsi Jehova uyaticondza tinkinga lonato nendlela lotiva ngayo. Utakusita ube nesibindzi. (Isa 41:10, 13) Nangabe ungumtali lonemntfwana longamkhonti Jehova, kungakudvudvuta kwati kutsi Samuweli akazange awaphocelele emadvodzana akhe lasakhulile kutsi ahlale etsembekile etimisweni taJehova. Washiyela lendzaba kuJehova, futsi wachubeka etsembekile waphindze wajabulisa Babe wakhe losezulwini Jehova. Mhlawumbe sibonelo sakho lesihle sitawenta umntfwana wakho abuyele kuJehova.

BUKELANI I-VIDEO LETSI FUNDZANI KULOKO LABAKWENTA—SAMUWELI, BESE NIPHENDVULA LEMIBUTO LELANDZELAKO:

• 

  Samuweli wakhombisa njani kutsi unesibindzi ngesikhatsi asengumfana?

• 

  Danny wakhombisa njani kutsi unesibindzi?

• 

  Samuweli waba njani sibonelo lesihle ngesikhatsi sekakhulile?

• 

  Batali baDanny basibeka njani sibonelo lesihle?